豐鍋日式涮涮鍋 沙田
最後更新:
豐鍋日式涮涮鍋推介
餐廳設有午餐及晚餐放題，提供米國特選牛肉、米國黑豚肉、澳洲和牛等放題套餐。設有蔬菜、火鍋配料自助區，選擇多樣，提供20款以上的配料。
沙田豐鍋日式涮涮鍋
| 餐廳分店 | 豐鍋日式涮涮鍋 |
|---|---|
| 地區 | 沙田 |
| 電話訂位 | 28184188 |
| 餐單 Menu | 日本菜, 日式放題 |
| 人氣指數 | 1030 |
| 價錢幾錢 | $201-400 |
豐鍋日式涮涮鍋訂位位於沙田區，詳細地址是沙田石門安群街3號京瑞廣場一期地下G07號舖，餐廳寬敞座位數目共有未知幾多個。豐鍋日式涮涮鍋幾錢？價錢優惠後人均消費大約$201-400埋單，早餐午餐晚餐豐鍋日式涮涮鍋餐單包括有日本菜, 日式放題等美食，付款方式有現金付款，Booking網上訂位可以電話致電 28184188 查詢訂座。
豐鍋日式涮涮鍋優惠
豐鍋日式涮涮鍋 評價 相片
今日又嚟到石門覓食 , 揀咗日式涮涮鍋放題 !! 😎😎平日嚟到唔算好多人 , 坐得舒服 , 而且店舖環境幾乾淨 ~ 我哋揀咗 "米國 Prime 特選牛肉黑豚肉放題套餐" ($228) 牛同豬肉要向店員落單 , 其他食物就係自助區自取 ~一人一鍋湯底有 6 款選擇 , 我哋揀咗 "豐鍋麻辣鍋" 同 "美肌豆乳鍋" , 湯底幾足料 , 麻辣鍋有 3 大片鴨血 , 都幾辣 👿 , 豆乳鍋食得出豆味 , 同時又清清地 , 唔錯 👍 !!打邊爐個人覺得肥牛質素最重要 😏 , 我哋嗌咗 5 6 次 , 每次肥牛質素都非常平均 , 而且唔會有越出越差嘅情況 , 有圖有真相 !!佢地嘅黑豚肉同樣出色 😋 , 我哋都嗌咗幾轉自助區選擇豐富 , 略嫌海鮮選擇少 , 只有青口 蔬菜反而有驚喜 ! 有冰菜 , 非常甜 😲😲 , 仲有比較貴嘅羽衣甘藍 , 用黎打邊爐又幾好食喎 ~ 仲有萵筍呢個芽菜我第一次見 , 非常大條 , 唔使淥好耐㗎 , 非常爽脆同埋好甜好甜 😳😳 , 大家要試下 !!!飲品方面 , 樽裝茶品 , 果汁 , 汽水 , 啤酒等等都有 , 一定會揀到你啱嘅 ! 仲有一個茶包區 , 可以沖下熱茶飲 ~ 雪糕有 Movenpick 任食 !! 食番幾盒好易回本 ~~ 😀😀
話說諗住趁天氣未熱打多次邊爐，不過疫情關係又唔係好敢去，點知經過呢間豐鍋發現原來佢係一人一鍋，見佢間鋪幾乾淨衛生，即刻放心晒，可以打個靚邊爐啦！入門口店員先幫我哋量體溫，跟住就坐低揀鍋底，揀咗個日式豚骨鍋，跟住就攞嘢食啦，出面有唔同嘅菜、丸等食物，估唔到有青口，全部任夾任食，呢度嘅魚蛋好彈牙，仲有午餐肉添！除咗烏冬之外，竟然有出前一丁一包包擺喺度任攞，正呀！不過我重點都係想食牛，我哋揀呢個中間價錢「米國prime特選牛肉黑豚肉放題套餐」（ $228 ），雖然唔係最貴嘅牛，但係質素都相當唔錯！唔會肥到只有脂肪少肉，非常平均，而且肉質幾好。
而黑豚肉都唔錯，大大塊，唔會太肥膩。
牛同豬都要叫店員拎，不過速度都好快，好滿足呢！最後仲可以食杯雪糕做甜品，佢仲有糖果機，非常特別啊！
最近天氣寒冷，收工梗係同老公仔去打邊爐啦，上次經過石門港鐵站附近開咗間新店豐鍋火鍋放題，今晚一於去試一試啦🤤坐低左首先係叫湯底先，一款叫了豐味醬油鍋，味道唔錯清得嚟又有少少甜甜地，仲有好香嘅魚介味😻另一款湯底叫咗個少少辣嘅豐味麻辣鍋🌶上枱後見到湯底啲配菜都好豐富，當啲湯滾起嘅時候香氣撲鼻😋配料方面都相當齊全同豐富，其中有我至愛嘅出前一丁，蔬菜方面也好豐富，有Super food羽衣甘藍、萵筍、娃娃菜同打邊爐好少見嘅冰菜😍仲有青口等唔同嘅食物😆任食嘅放題打邊爐，我們叫咗兩碟牛肉一碟豬肉，其中佢嘅牛肉係米國嘅Prime特選牛肉，兩碟嘅牛肉油花都比例不錯好均勻，急不及待滾一滾，立即就放入口☺️牛肉味香濃美味，配以上兩款湯底都好夾👍🏻就算到了第二輪，再叫牛肉也一樣好睇又好食，牛肉啲油脂分布超靚😻火鍋配料也相當豐富，當中炸魚腐、芝心小籠包、午餐肉、濃湯貢丸都唔錯😋飲品都係任飲的，其中有兩個雪櫃擺放，飲品種類都算多選擇👍🏻除了汽水也有道地解茶、綠茶、纖體茶系列👍🏻最後當然到了甜品時間🍨Movenpick 雪糕放題🤤味道就有我嘅至愛雲呢拿同埋朱古力，記住要留肚食佢嘅雪糕呀😆我同老公總共食咗8杯雪糕，淨係食雪糕都回曬大本🤣環境裝修以和風設計，座位闊趟又舒服😌餐廳食物多元化，牛肉超高質素，仲要任食movenpick雪糕，真心推介👍🏻
天氣凍凍地，今晚決定食火鍋，揀了位於石門的豐鍋日式涮涮鍋，晚市牛肉+黑豚肉放題，成人價錢由$188至$438不等，二人均點了$228米國Prime 特選牛肉，黑豚肉放題套餐，選了美肌豆乳鍋和日式豚骨鍋，全部食物和飲品都係任食任飲，超抵食！特選牛肉和黑豚肉都好優質，又腍又有肉味，鍋底幾足料，侍應生不時主動幫忙加湯，非常親切有禮，肉類方面，仲有雞肉，嫩滑中帶鮮味。
肉類質素固然突出，蔬菜方面也不遑多讓，有娃娃菜、菠菜、冬菇、栗米、雲耳、冰菜、羽衣甘藍、冬菇、萵筍、日本南瓜，全部都非常新鮮，除此之外，還有即食麵、烏冬、午餐肉、爽彈白魚蛋、芝士小籠包、傳統炸魚腐、芝士腸、濃湯貢丸一些比較飽肚的食物，食量再大也必定能滿載而歸，個人比較喜歡充滿豆味的豆腐和鮮甜的大崎蟹柳。
飲品方面，有多款啤酒、汽水和茶，仲有糖水，WOVENPICK雪糕任食，兩百多元真係值回票價。
餐廳雖然開業不久，但生意非常好，環境乾淨整潔，員工服務不錯，而且價錢合理，值得推薦！
好耐無打過邊爐 呢排又有肺炎一齊烚下烚下好似好高危咁 上網搵到呢間涮涮鍋係一人一鍋 夠哂放心 一入去之前仲幫個客人量體溫食得安心 呢度有幾款放題 我地揀左$228 特選牛肉黑豚肉 可以任食牛肉黑豚肉 湯底都有好多款 我地揀左一個美肌豆乳鍋 另一個麻辣鍋周圍睇下有咩配料先 都有十幾二十款飲品總類都好多 有勁多平時唔常見嘅飲品都有 連啤酒都有得任飲呀特選牛肉唔會太肥 望落都好新鮮 食落好有牛味 黑豚肉亦都薄切 唔洗煮好耐就食得 我地食左6碟牛菜方面 有貴價羽衣甘藍 仲有個好得意冰菜 呢2種都係少D用嚟打邊爐嘅菜食到差唔多飽就留肚食雪糕 係任食movenpick呀 仲有3隻味添 一個人食3杯真係好基本原來仲有個candy corner 不過太飽食唔落啦呢度收碟速度都好快 仲有任食牛同movenpick就回到本 最尾埋單個時竟然仲比左1人1 個口罩呀 真係好surprise 好貼心呀
豐鍋日式涮涮鍋餐單提供日本菜, 日式放題等推介美食位於沙田區，餐廳座位數未知人均消費約$201-400，結賬可以用現金，Booking訂位可以電話致電 28184188 查詢。
您對於沙田餐廳「豐鍋日式涮涮鍋」有何 comment？
豐鍋日式涮涮鍋餐廳詳細資料：
- 豐鍋日式涮涮鍋地址: 沙田石門安群街3號京瑞廣場一期地下G07號舖 Rich Pot Shabu Shabu, Shop G07, G/ F, Kings Wing Plaza1,3 On Kwan Street, Shek Mun, Sha Tin
- 豐鍋日式涮涮鍋電話: 28184188
- 豐鍋日式涮涮鍋價錢: $201-400
- 分類: 日本菜, 日式放題
- 座位: 未知
- 付款: 現金
- FB專頁: 豐鍋日式涮涮鍋 Facebook
更多豐鍋日式涮涮鍋相關資料:
香港餐廳2026推介9月