稻成 沙田

稻成 評價 相片

利到沙田，好多餐廳可以選擇，但我最愛既都係酸菜魚，甘就上Openrice搵啦，外賣自取有折，所以就選擇左呢間啦！落order就話係6:45有，但去到就真係好多人排隊，所以7:00先有得拎，係勁多勁多人排隊既，不過只可以怪係繁忙時間啦，6:007:00仲要連三十晚，但好好既係可以係入面坐住利等，環境好靚！台面都有特別花紋。

兩個人Order左酸菜魚，牛魔王同口水雞，小籠包，四碗飯！真係好飽！酸菜好好味，唔太咸，冇薯粉既。

反而，牛魔王入面係有薯粉，口水雞做得好滑，飯既份量好足！整體上好滿意，會想推薦酸菜魚，酸菜同魚既味道都好好！

是日清假，約下朋友食個午餐，見到新城市開左間食酸菜地方，不妨一試！兩個人只點了個酸菜魚同一客涼拌雞絲粉皮，酸菜魚可以配油炸鬼，見咁棧鬼，叫一客試試。

涼拌雞絲請待應蔴醬另上，果然做到，一讚，但味道就平平無奇，粉皮比一般幼身而厚，唔夠薄。

酸菜魚上檯用用弱弱的火慶住食但上檯時真係唔吸引，味道又唔夠酸亦不辣，食完都只覺得係一客魚湯浸魚，完全唔似方間一般酸菜魚咁。

好彩用下油炸鬼索下D湯食，加少少分。

唯一要讚下D姐姐服務唔錯

上open rice見到沙田開左間裝潢幾別緻既飯店，而且主打酸菜魚。

一向都鍾意食下辣野既我，今日襯老公返香港梗係捉佢陪我一齊食。

今日12點半去到，唔駛等位。

仲安排左張圓枱俾我地自成一角。

餐牌上有3款套餐，我地選左個2人餐有前菜，包點，主菜，疏菜同甜品。

2個人食其實有d 飽。

不過總體都唔錯，招乎都好有禮貌，下次會再幫襯。

酸菜魚已經喺香港愈見廣泛，但係正宗始終唔係個個做到，沙田新開嘅都城酸菜魚，除咗酸菜魚好味正宗之外，其他食品都非常之高質，有啲二人套餐仲十分之抵😄😄😄今次我就帶咗個二人餐，不過個小籠包唔記得咗影❤️稻成酸菜魚❤️小籠包❤️蟲草花炒翡翠苗❤️四川口水雞❤️高力豆沙❤️白飯兩碗其實佢個酸菜魚味道係唔錯，但係佢酸菜比較少，魚嘅份量都少，同埋如果佢可以有薯粉墊底會更加好🤣🤣🤣🍴稻成好食不止酸菜魚📍沙田新城市廣場一樓112舖

朋友知我鍾意食酸菜魚，見到沙田新開左間稻成，寫住大大隻字「好食不止酸菜魚」，就第一時間諗起我，於是趁住平日無咩人嘅時間去試。

首先必須提醒大家，一坐低侍應就會拎花生同炸黃豆俾你，朋友無理咁多，食左先。

當我叫完菜，揭到最後一頁先見到個花生、黃豆要收$28。

你可以選擇唔要，叫佢拎走。

前提你未食......（做法勁大陸）另外仲會收茶芥費。

盛惠$28由於限聚令得兩個人，試唔到好多野，有個$4xx嘅二人套餐,但驚食唔晒，只係叫左小籠包（$5x)、酸菜魚（$238）、白飯、芋圓冰（$58）。

原本想叫埋高力豆沙，但見侍應捧住經過，都幾大舊下，就放棄左。

小籠包，皮簿餡靚，又多汁，值得一試。

酸菜魚好食，酸菜份量好足，但無其他配料，魚肉都鮮嫩。

好欣賞佢將魚頭同魚尾炸左，就算浸左湯好耐都非常香脆。

我個人好鍾意咬軟骨，成條魚尾炸到脆卜卜，俾我食晒🤣🤣😋😋😋食到咁上下，竟然俾我係餐牌見到可以配油炸鬼，真係未試過油炸鬼配酸菜魚😱於是又貪得意試下，意想不到咁夾。

酸菜魚啲酸味中和晒啲油膩感，食得出油炸鬼係新鮮即炸，值得一試。

阿服務員姐姐原本好想sell 我地叫龍躉，竟然話原配鱸魚唔好食🙄但鱸魚係最夾酸菜魚架！又滑又無骨。

莫非姐姐成功sell 龍躉有佣收？（題外話：臨走前，見到一個女人自己叫左一份酸菜魚一個人食😱）原本有芝麻，我同朋友都唔食，叫左走芝麻。

芋圓好唔掂，成團粉，零靭度，無𡁻口。

但啲愛玉配料（山楂粒、花生碎、提子乾）好好食，下次試下走埋芋圓先😂勁飽，但稍貴。

（計埋茶芥、前菜、服務費：每人盛惠$240）限聚放寬，多啲人食會更開心🤗

稻成餐單提供滬菜, 上海, 中菜館等推介美食位於沙田區，餐廳座位數未知人均消費約$101-200，結賬可以用AlipayHK,支付寶,現金，Booking訂位可以電話致電 26213233 查詢。

您對於沙田餐廳「稻成」有何 comment？

稻成餐廳詳細資料：

• 稻成地址:
  沙田沙田正街18-19號新城市廣場第1期第1層112號舖
  Dab-Pa, Shop112,1/ F, Phase1, New Town Plaza,18-19 Sha Tin Centre Street, Sha Tin
• 稻成電話: 26213233
• 稻成價錢: $101-200
• 分類: 滬菜, 上海, 中菜館
• 座位: 未知
• 付款: AlipayHK,支付寶,現金
• FB專頁: 稻成 Facebook

更多稻成相關資料:

• 稻成分店
• Youtube
• Facebook
• Twitter
• Google