迎東壹號茶餐廳 東涌

迎東壹號茶餐廳 評價 相片

東涌唔知點解好難搵食... 選擇冇咩之餘，地鐵站附近嘅食肆味道普通之餘，好多價錢都有啲離地... 好開心上個月發現迎東呢間茶餐廳，下午茶價錢非常合理，味道亦相當唔錯~ 今次再黎試試晚飯小菜，兩個人嗌左碟剩係聽個名已經好吸引嘅菠蘿拔絲咕嚕肉 (HK$ 78) 同埋海味雜菜煲 (HK$ 68)~ 因為飯同例湯係要另外叫嘅關係，雖然同出面嘅茶記比起黎係貴左幾蚊，但係味道同埋份量實在物超所值！咕嚕肉新鮮炸起非常爽身，唔似出面嘅又乾又硬... 仲有新鮮菠蘿連殼伴碟！海味雜菜煲亦係大沙煲份量，用左大大隻蝦乾配埋上湯真材實料！晚飯惠顧好似仲有綠豆沙糖水送，屋村良心小店一定要多多支持！！

中午同老公二人到迎東邨食飯，大約1:30左右，唔使排隊，兩個人坐一張八人大枱，枱面有茶水可以自己倒。

睇睇餐牌後，好快就落order，差不多5分鐘後就有嘢食，效率快！因為我要減肥，所以叫咗碟素嘅，叫咗紅燒豆腐飯，好好味，份量亦都好足夠，除咗豆腐，有菇同埋菜心，汁好夠，成碟野非常滿意好好食。

至於老公叫咗一碟XO醬海鮮炒烏冬，上嘅時候都係熱辣辣，味道好份量夠，有青口、魷魚、蟹柳、芽菜。

總括而言，呢間茶餐廳食品味道同服務質素好，不過留意價錢，中午食就平好多，夜晚嚟就會貴少少。

見送完阿女返學，忍唔住自己去嘆番個早餐～而家普遍早餐都3，4十蚊，都慣了，而迎東一號個麵底並不是出前一丁，但沙爹做得不錯，味幾好，有得揀蒜多或油多，都唔錯啦～同埋佢都幾多早餐選擇～服務落單送餐快速同埋佢有無糖可樂果下好，唔係間間食肆有，加3蚊都畀啦～

住咗東涌咁耐，到我搬走先至開一間正常嘅茶餐廳。

黎食咗幾次，我覺得食物都幾好，有鑊氣同埋有質素，最緊要即點即煮。

新年冇得點炒粉麵，所以點了一個咕嚕肉拼蝦多士同埋蝦醬炒芥蘭。

蝦醬芥蘭炒通菜：雖然好重蝦味，不過太油啦！菠蘿咕嚕肉：炸得好香口，菠蘿都係新鮮菠蘿，不是罐頭菠蘿，但豬肉太肥。

蝦多士 ：係蝦滑放上麵包上炸，都幾好味、幾特別。

可能新年關係，每位都有綠豆沙送。

但係綠豆沙好淡，我見好多人食咗兩啖就無食。

迎東壹號茶餐廳餐單提供港式, 茶餐廳, 冰室等推介美食位於東涌區，餐廳座位數未知人均消費約$51-100，結賬可以用現金，Booking訂位可以電話致電 69926986 查詢。

您對於東涌餐廳「迎東壹號茶餐廳」有何 comment？

迎東壹號茶餐廳餐廳詳細資料：

• 迎東壹號茶餐廳地址:
  東涌迎東路1號迎東商場地下1號舖
  Y. T. O. Local Restaurant, Shop1, G/ F, Ying Tung Shopping Centre,1 Ying Tung Road, Tung Chung
• 迎東壹號茶餐廳電話: 69926986
• 迎東壹號茶餐廳價錢: $51-100
• 分類: 港式, 茶餐廳, 冰室
• 座位: 未知
• 付款: 現金
• FB專頁: 迎東壹號茶餐廳 Facebook

更多迎東壹號茶餐廳相關資料:

• 迎東壹號茶餐廳分店
• Youtube
• Facebook
• Twitter
• Google