扒王之王 杏花邨

扒王之王 評價 相片

前晚打電話去訂位. 店員態度巳好有問題, 對你的說話無回應.當晚去到間野無咩人, 諗住會食得好舒服, 點了菜, 我們二人都叫扒餐.食物價錢貴仲無咩特別, 我件扒仲無咩肉的鮮味, 比D梳打粉搶晒!開始見到D店員面色有問題,就係呢款樣, 跟住就黎科LA,我朋友個湯未飲完, 問都唔問就收起左, 開始覺得唔對路, 野飲都未飲完, 又係無問過咁收起, D侍應全程都係呢個樣!!!淨比加一無比貼士, 因為TOO BAD! 食完走仲嘴秒秒, 眼超超!擺明想倒米! 千萬不要幫襯! 去左一定後悔!

環境係就係唔錯,不過凍到牙媽都唔認得我仲以為冷氣唔洗$野食係唔洗等好耐,,不過好快就凍哂....平時碗湯係滿架嘛,呢度咁細碗GE....跟住有個男侍應見到我舉手兩次扮見唔到囉....勁過份!!最難頂就係個杯野飲我叫左熱朱古力,我個朋友叫左熱好立力我個杯係糖水黎架囉.....我朋友個杯就係煉奶加水叫佢換個杯比我地啦...今次叫左少甜點知...我個杯變左無味的朱古力粉加水,我朋友個杯就係糖水最後換左凍檸茶,不過絕對唔會係好飲囉!!!!!飲左兩啖就埋單我叫佢比張單我睇,佢死都唔比我拎住張單睇清楚囉服務態度咁差要加一已經覺得唔抵找$個陣我地未拎哂佢就收起囉,逼人再比TIPS囉呢間扒王去一次都太多!!!

環境：呢間餐廳最好的地方是多卡位，比較舒服。

但不要坐近廚房的位置，可能廚房裏面都通風系統比較差，好大油煙味。

食物：以前是蒜蓉包，又凍又硬又唔好食。

最近改了餐包，熱辣辣，軟綿綿，配埋紅湯就最好食。

之後點了「肉眼牛扒」和「西冷牛扒」，仍能保持一如以往的水平，都幾好食。

之前試過改食「自然豬」，嘩！好臭豬臭味，好難食！在扒王都係食牛比較穩陣。

服務：人手比較充裕，服務都算勤快！價錢：成80幾元一份，平宜一點就好了！

４個人食午餐, 本來想去美心快餐, 但太多人所以走嚟呢度食, 唔使等位, 比咗一張圓型梳化位我哋!我叫咗蒜茸牛扒跟薯菜(午餐), 改做磨菇汁, 加熱檸水($39+10%)羅宋湯(跟餐):湯幾好喝, 配料無煮到爛, 好味。

蒜蓉包(跟餐):是蒜蓉包。

很脆, 蒜茸味一般, 跟餐嘅算好味 。

磨菇汁牛扒:係用鬆肉粉醃過嘅, 肉味無乜, 幸好唔過份, 肉質未致於食橡筋, 可接受, 磨菇汁幾多菇, 都幾襯牛肉味。

薯條味道一般，夠脆。

配菜有椰菜、紅蘿白和脆肉瓜，味道幾好, 。

熱檸水：味道正常。

服務都幾勤快, 見我哋差唔多食到7成度, 會走嚟落餐飲, 要tabacco同芥辣都好爽手拎嚟係有兩人跟飯嘅, 要自己叫侍應先攞到飯匙食飯, 有少少....不過服務算幾好

晚上與家人來此吃晚飯。

三個人，其中一人叫了一個餐，我和另一人則share一個餐加一個沙律。

羅宋湯(跟餐)：很多油浮面，很油膩。

只吃了配料，沒喝湯。

蒜蓉包(跟餐)：以前跟餐的是普通餐包，現在是蒜蓉包。

夠脆，但不夠蒜蓉香味。

澳華利牛柳餐($1xx)：［沒試］看起來很厚身及很焾。

龍蝦配極爽黑豚肉餐($148)：黑椒汁及鐵板上。

龍蝦的肉非常鮮甜，但肉不多，夾開殼去吃的時候也頗花功夫。

黑豚肉有兩件，一大一小，很焾，好味。

薯條味道一般，也不夠脆。

配菜有椰菜、紅蘿白和粟米，味道正常。

煙火雞沙律配意式香草油醋汁(+$26)：沙律菜很新鮮爽脆。

火雞肉帶點鹹香味，瘦得來不會鞋口。

汁料酸酸的，很開胃。

凍檸水：味道正常。

凍奶茶：〔沒試〕埋單連加一大約$330。

環境舒適，食物味道不俗，但價錢貴，份量少，不太抵吃。

記得以前晚市是有一些六七十元的鐵板餐，但自從轉換了經理和店員，現在全部餐都是超過一百元的，似乎太貴了。

看來還是午市的餐比較抵吃。

扒王之王餐單提供西式, 扒房等推介美食位於杏花邨區，餐廳座位數未知人均消費約$101-200，結賬可以用現金。

您對於杏花邨餐廳「扒王之王」有何 comment？

扒王之王餐廳詳細資料：

• 扒王之王地址:
  杏花邨盛泰道100號杏花新城地下G46號舖
  Steak Expert, Shop G46, G/ F, Heng Fa Paradise Mall, Heng Fa Chuen,100 Shing Tai Road, Chai Wan, Hong Kong, Heng Fa Chuen
• 扒王之王電話:  
• 扒王之王價錢: $101-200
• 分類: 西式, 扒房
• 座位: 未知
• 付款: 現金
• FB專頁: 扒王之王 Facebook

更多扒王之王相關資料:

• 扒王之王分店
• Youtube
• Facebook
• Twitter
• Google