韓珍 旺角

韓珍 評價 相片

呢間野岩岩開張幫襯過一次 然後覺得好貴幾百元一個餐仲要份量細到飛起 兩個去要叫兩個二人餐先夠食 賣單800幾元，d肉係靚 野食係好味，第二次去 見到有9點半後有折 好似6折定65折 賣單平左好多 質數沒變，第三次去 買團購 可惜團購無牛肉燒 以後都吾會再買團購 到今日朋友生日 諗住4條友 叫下叫下炸雞 應該都會好平，點知...........一坐底有d怪 點解沒menu 然後叫侍應黎 沒個識廣東話 終於搵到個廣東話侍應 然後 話我們知轉左放題....坐之前又吾講 坐底左都吾好意思走 迫住食 點知原來188 元咁平 仲要豬牛雞海鮮小食素材都有 仲可以加錢打邊盧，邊打邊盧邊燒 都得 食物質素竟然無變 d 肉仲係咁靚 仲要啤酒任飲 講真晚市做188 元 旺角區 有靚肉 吾係漢x苑咁既肉 ，全香港應該未必有 真係生意吾好先越做越平 我真係驚下次再去 佢應該執左

突然好想食年糕、炸雞，朋友就提議韓珍，話之前食過幾好食喎！行到門口先發覺，原來我之前都食過哩間，但係上次係食韓燒，今次當然要試下炸雞啦！韓珍分兩個area，一個係韓燒區，一個係食炸雞既。

餐廳都幾大，同瓊華其他樓層既餐廳唔同，每次黎都唔洗等位，大把位添。

接待員工會提醒我地入座計時九十分鐘，令六點半左右到左既我同另一個朋友唔敢入去住，因為仲有其他人未到，驚好快就要比人趕走我地就選擇坐係門口等朋友，門口有一排凳，幾貼心好啦人齊就入去啦！收工好肚餓，一坐低就叫左野食先。

落左order之後，就送上前菜。

粟米加沙律醬，無得唔好食啦！紅色既酸蘿蔔好爽脆，酸酸地幾開胃。

沾滿左砂糖既餅乾我就冇試到。

等左好耐，我指定要叫既甜酸炸雞終於到啦份量都幾大嫁，有三隻雞脾，外皮炸得好脆，但雞既肉質嫩滑，仲保留住肉汁，十分juicy。

加上酸酸甜甜既醬汁，令我食指大動！好好食！係我中意既味道值得一提既係，佢好似做緊優惠，一隻先$79，好味又抵食唔會話你知，我食左好多件女神雞有兩個朋友之前食過覺得好食，要再encore。

女神雞有無骨炸雞件、薯角、少量西蘭花同蕃茄仔，當然唔少得港女至愛既芝士啦！職員放上電磁爐到等芝士溶，好罪惡！唔知係咪芝士既緣故，炸雞唔脆既，同埋食得多都幾濟。

薯角細細件，皮都係淋左。

我就覺得甜酸炸雞更勝一籌啦哩個係未淋芝士既樣雖然係叫年糕，但有好多其他配料。

有雞蛋、炸餃子、薯粒、魚腐片同芝士。

主角年糕好煙韌，唔會好辣，好食。

但係年糕既數量唔多。

年糕面頭既芝士唔拉得絲，份量都唔少既。

餃子冇咩特別，薯粒正常味道，雞蛋冇食到，最尾成碟野剩左好多魚腐片冇人食＞＜仲叫左個海鮮湯。

個湯同睇顏色就知道好辣，我唔算太食得辣既人覺得辣左少少。

海鮮湯有好多材料，魷魚筒、蝦、青口、烏冬、菜等，幾豐富既。

價錢方面好似係$168，我覺得cp值唔高，可能我麻麻地個湯，淨係食左配料食辣野邊到少得野飲呀！order左個西柚味既野飲（唔記得叫咩名）幾大扎既，但盛惠$188，哩扎野飲就真係貴啦！飲落有時會有少少苦味，但都接受到，唔難飲又唔係好飲咁啦成餐飯我最中意甜酸炸雞同年糕，其他我覺得普通啦！侍應話入座起計九十分鐘，但我地坐左兩個鐘有突，佢地先拎張單過黎比我地埋，食得滿足、傾計都傾得幾舒服，環境唔會好嘈。

服務態度都幾好，通常啲侍應都係講英文既。

但感覺menu選擇唔會好多，冇咩野想下次再試既，之後都係試下其他餐廳先啦！

今日一心諗住去5/F某間韓燒店的~點知見到9樓有間新嘅韓烤店,見d相都幾吸引~比個機會試下!睇下餐牌,選擇都幾多!我地叫左一份牛拼盤(2人份量)、泡菜餅、原味炸雞、熱情果梳打和藍莓梳打!我滿心期待~點知😓😓#拼盤雖然話2人份量但本人覺得好少,加上一D肉味都無,失望!#泡菜餠 不過不失,無特別!#原味炸雞 又係無味😕D炸粉比較厚,但肉質都算嫩滑! #最好味竟然就係依2杯飲品總結:我和朋友都覺得沒有下次!

第一次買團購，平時都少買呢D野，因為團購一直比人感覺都係質素麻麻不過佢個團購實在好抵，忍唔住要試一試上網睇左有人話食完唔會飽，所以一早有心理準備同朋友準時6:30到，人流唔多 (即使係黃金時間，入座率都只得五成)可能無乜人買呢度既團購，職員都唔知個餐有乜…最後要經理黎處理落左單之後，職員好快手就送上5款小菜同1款沙律 (可以任添)沙律係椰菜絲配上一個有芝士味既醬，我呢個芝士控一個人食左兩碟5款小菜入面，最好食係呢款佢同另一款泡菜不同在呢款辣味重D、菜係生D脆D、唔酸且帶少少甜四色豬腩肉，分別有蒜味、日式醬油味、綠茶味同辣醬味個樣係幾靚，而且切得算厚身，不過味道就麻麻唔夠入味，唔睇番個餐牌都唔知係乜味肉質較實，因為佢肥膏唔算多，偏瘦，食佢要用多D牙力其次係腩肉帶皮，豬皮燒完之後十級韌，似咬梗香口膠…根本咬唔爛韭菜煎餅一望就知好薄身，以為會脆? 非也佢似平時酒樓飲茶既煎罉餅，不過呢個係韭菜版贏在韭菜味重，中意食韭菜應該中意辣味冷拌麵第一次食，之前係唔知咩味個拌麵有幾片梨、青瓜絲、半隻恰蛋拌住黎食麵條彈牙，亦十分纏綿，根本分佢地唔開，一定要用鉸剪剪佢幾下先好食味道可接受，但唔會再想食，可能我本身就唔中意佢隻味辣炒年糕 (半份)其實半份既分量都唔少，裡面仲有好多魚糕年糕煙韌彈牙，口感唔錯我中意食蔥，所以加埋蔥絲食味道更好煎韓式餃子 (半份)呢個係吹左兩次先黎到，第一次吹果陣 經理話整梗點知隔左幾個字都未到…明顯煎完唔知送左去邊因為第二次吹完單，送上黎係熱辣辣餃子入面係包粉絲同豬肉，味道較淡我要點豆瓣醬食食完之後，會送上兩件橙作結整體而言，團購價錢十分抵食，我同朋友兩個人食完都飽到上心口!!不過，如果要比正價就一定唔會黎一黎原價唔平，二黎同服務員溝通好困難有一半服務員係外藉人士，講英文其實無問題；另一半本地人內面大部分應該係岩岩出黎做野既畢業生；呢兩類服務員都唔太清楚公司既餐單同Promotion，結果由點單、落單、吹單、埋單都好麻煩..朋友耐性錯D，整個過程佢都唔太滿意其實服務員係有Hard做野，只係唔了解公司產品食物質素麻麻加上服務方面不足既情況下，難怪係黃金時段人流都唔多

Went out for a family meal (6 of us) and we had the worst service in history. Started off by throwing the menus on the table, and walking away, no cutlery on the table, they never changed the BBQ so was dirty from previous user, the larger waitress who we asked for cutlery and food walked away everytime, table was half broken and could barely support the weight of dishes, asked for a large amount of food, got 1 portion instead of 10. Service left dirty plates on the table and refused to take it away, kept walking past giving disgusted looks. If your advertising an all you can eat buffet then at least show interest, if not don't say.DO NOT ORDER FROM THIS RESTARAUNT IF YOU WANT AN ALL YOU CAN EAT!!

韓珍餐單提供韓國菜, 烤肉, 韓燒等推介美食位於旺角區，餐廳座位數未知人均消費約$201-400，結賬可以用Visa,Master,現金,AE,銀聯。

您對於旺角餐廳「韓珍」有何 comment？

韓珍餐廳詳細資料：

• 韓珍地址:
  旺角彌敦道628號瓊華中心9樓
  Hancham Korean BBQ Restaurant, 9/ F, King Wah Centre,628 Nathan Road, Mong Kok
• 韓珍電話:  
• 韓珍價錢: $201-400
• 分類: 韓國菜, 烤肉, 韓燒
• 座位: 未知
• 付款: Visa,Master,現金,AE,銀聯
• FB專頁: 韓珍 Facebook

更多韓珍相關資料:

• 韓珍分店
• Youtube
• Facebook
• Twitter
• Google