譚仔三哥米線 旺角

譚仔三哥米線 評價 相片

譚仔呢類型快餐款式日日相同，實在無咩特別要打食評。

但原來人大左要搵到人一齊食譚仔都唔係易事，首先對方要係愛好米線之人，第二比較食得辣，第三飯腳人數一個起兩個止，因為人一多就唔會食譚仔，會搵d易搵到位餐廳本人最愛譚仔三哥炸醬雞肉三小辣！麻辣香麻過癮，炸醬一如以往美味，雞肉份量偏少。

再叫左一客口水汁皮蛋，唔知係咪太耐無食，皮蛋size變成迷你版口水汁係有花生味的辣汁，但辣度比麻辣低。

跟餐+7配凍檸蜜，好難得同咖啡奶茶同價，好抵飲！

一去到第一層見到好多人,比人叫左上第二層,其實都冇咩問題既。

上到去二樓要同人搭枱都好正常,但係啱啱坐左10分鐘都唔夠就比人叫話換枱。

之後想落單又係煩,成層好似得一個職員,仲要做埋收銀其實都好慘。

但真係想落單都要係咁等。

。

咁都算啦。

落左單之後等左都唔算耐就有。

我本來係叫酸辣既,咁我見碗野紅紅地食就霖會唔會係落錯左三哥酸辣啦,咁係我冇講清楚姐,我問題啦咁。

點知食左2啖覺得唔對路再睇下張單,發現佢幫我落左三辛(雖然唔知係咩,但一定唔係酸辣)。

其實我想講,我已經講左2次點解都可以聽到錯曬==ok,算。

講番食物質素,魚蛋真係冇譚仔咁好食咁彈牙,我一開始以為自己食緊墨魚丸。

而且d腐竹明顯係煮太耐,林到可以煲糖水。

不過唯一好過譚仔既係佢係大碗d既。

但係我下次都係食番譚仔算==

豆卜米線10小辣。

前一段時間去了旅行 ，回來最想吃的卻是三哥譚仔， 來一個豆卜米線 健康一點味道亦很不錯， 豆卜很多，麵線香滑。

十小辣帶一點的香辣 讓人越吃越起勁，再配一杯凍檸檬茶中和一下那點辛辣。

一個平時唔多食三哥o既人連續三個星期六去食三哥探討食三哥o既點餸策略......呢次點左豬膶竹苼酸菜酸辣湯底米線.豬膶唔係第一次食, 但第一次食係外賣拎返屋企, 嗰次非常差, 苦味好重, 但基於嗰次係外賣, 拎返屋企都要半個鐘, 當係受外賣影響畀多次機會佢. 呢次去返外賣嗰次同一間分店, 堂食個豬膶又真係好左喎, 無乜苦味, 整體唔差, 若然口感再爽啲, 肉地厚啲就好喇, 而家個質素未能打入Top 3, 但都係有興趣再點o既餸.竹笙本身無乜味, 我諗佢o既存在係為左食佢個爽爽地吸哂湯o既口感, 佢又真係做到爽爽地吸哂湯, 不過唔係好打動到我, 覺得平平無奇, 純粹覺得有啲野係個口"殺殺"聲, 仲要比其他餸貴$2, 以後唔打算再點.酸菜正啊喂！一食就要入Top 1！佢正在係夠酸得黎又有種好似經過發酵先會有o既辣味, 味道係先酸後辣符合我其實唔多鐘意酸辣同製o既喜好, 仲有啲酸菜好爽口♡(ˉ﹃ˉ)經過連續三星期深入"虎穴", 加埋以前食過三四次o既經驗, 唔計嗰啲一睇就唔會點o既餸, 已經將我打算試o既餸食過哂, 我o既Top 3係酸菜>腩肉>墨丸, 如果呢三樣食悶左會叫下豬膶、炸醬、腐皮. 雖然上星期點腐皮未如理想, 但係明明附送嗰啲係OK嗰喎, 而且我本身都鐘意食腐皮, 所以未捨得放棄佢. 仲有小食未研究完, 不過連續食左三個星期係時候要停一下, 小食策略要留待下回分解了. 

晏晝過旺中買嘢，買完嘢就同FD去左附近嘅三哥搵嘢食。

其實食親譚仔都唔洗諗存啦，都係叫豬潤雞肉清湯薯粉，唔知係咪錯覺，硬係覺得三哥D配料係比得鬆手D多D，而且豬潤煮到啱啱好熟，雞肉亦都好淋，湯底黎講其實兩間都差唔多。

另外叫左個皮蛋食，我認為皮蛋真係好睇個醬汁，三哥個汁辣係夠，雖然都好食，但係香就唔太夠，始終都冇譚仔個D好味。

譚仔三哥米線餐單提供滇菜, 雲南, 粉麵, 米線等推介美食位於旺角區，餐廳座位數160人均消費約$50以下，結賬可以用Visa,Master,現金,八達通。

您對於旺角餐廳「譚仔三哥米線」有何 comment？

譚仔三哥米線餐廳詳細資料：

• 譚仔三哥米線地址:
  旺角亞皆老街24-26號東方大廈1樓及2樓
  TamJai SamGor, 1-2/ F., Oriental House,24-26 Argyle Street, Mong Kok
• 譚仔三哥米線電話:  
• 譚仔三哥米線價錢: $50以下
• 分類: 滇菜, 雲南, 粉麵, 米線
• 座位: 160
• 付款: Visa,Master,現金,八達通
• FB專頁: 譚仔三哥米線 Facebook

更多譚仔三哥米線相關資料:

• 譚仔三哥米線分店
• Youtube
• Facebook
• Twitter
• Google