玩具小屋咖啡室 旺角
最後更新:
玩具小屋咖啡室推介
以玩具作為主題的樓上咖啡店，不限入座時間，可提早預訂自選卡通圖案的生日甜品碟。
旺角玩具小屋咖啡室
| 餐廳分店 | 玩具小屋咖啡室 |
|---|---|
| 地區 | 旺角 |
| 電話訂位 | 沒有電話提供 |
| 餐單 Menu | 西式, 西式糕點, 咖啡店, 樓上cafe |
| 人氣指數 | 1054 |
| 價錢幾錢 | $101-200 |
玩具小屋咖啡室訂位位於旺角區，詳細地址是旺角彌敦道570-572號基利商業大廈901室，餐廳寬敞座位數目共有65個。玩具小屋咖啡室幾錢？價錢優惠後人均消費大約$101-200埋單，早餐午餐晚餐玩具小屋咖啡室餐單包括有西式, 西式糕點, 咖啡店, 樓上cafe等美食，付款方式有現金付款。
玩具小屋咖啡室優惠
玩具小屋咖啡室 評價 相片
由於朋友生日想畀個驚喜佢， 所以就book咗呢間玩具小店， 係openrice上見到好多生日蛋糕相都好靚好靚， 所以真係充滿期待。
一入到餐廳， 裝修好colorful好歡樂， 真係畀人一種好溫馨好愉悅嘅感覺， 店員都好nice比我地揀鍾意坐邉。
menu都係好似一本小畫冊咁， 幾靚幾精緻， 我哋叫咗煙三文魚黑松露忌廉天使麵、西班牙雞肉燉飯、意式煙三文魚挪威海岸pizza、小食拼盤，同埋三杯烤素特飲。
煙三文魚黑松露忌廉天使麵， 一上到枱已經覺得賣相好好， 煙三文魚好好味， 個意粉亦都好有忌廉同黑松露味， 好creamy， 但份量比較少， 我哋三個人好似一人食兩啖就食完了。
西班牙燉飯好香， 一上到枱已經覺得好惹味， 食落果然好濃味， 但自己覺得有少少偏辣， 冇諗過原來係咁辣嘅， 我哋幾個食得辣所以都可以接受， 但如果本身唔食得辣嘅朋友可能就要叫佢少辣，或者叫其他比較好。
煙三文魚pizza， 賣相非常吸引， 好似都幾足料， 煙三文魚下面有芝士， 作為芝士控表示加左分， 我自己覺得個pizza還好， 感覺有少少燶， 但朋友就覺得幾好食，誥鍾意食薄批。
至於小食方面， 不得不提一定要讚賞個小食拼盤， 實在太太太好食了， 可以話係全餐嘅mvp， 小食拼盤包括薯格、薯條、炸芝士、雞翼， 真係每一樣都好好好好食， 特別係個一口芝士， 咬落去嗰下，啲芝士溢係口腕， 真係有種好幸福好滿足嘅感覺， 言語文字真係好難形容出嚟， 但我相信同樣作為芝士控嘅你， 一食就會明白我講咩， 佢炸芝士真係太出色， 可能因為我只係食咗僅有一粒， 就覺得佢實在太好食喇。
飲品方面， 我哋三個都係叫左酵素特飲， 我自己就叫做蜜桃酵素， 好大杯而且好好飲， 呢一點覺得非常好評， 因為每次去cafe都會玩到好夜， 如果飲品太細杯， 好多時未食嘢或者未玩就已經飲曬， 但呢一點佢做得好好，好貼心， 飲品好大杯，可以飲成晚。
最後期待已久嘅生日蛋糕終於出場， 我哋叫咗心太軟， 幅生日畫實在太靚太靚喇， 你係會好想成隻碟帶走， 因為朋友鍾意hello Kitty， 所以就預先預訂咗， 你係可以向餐廳指定 特定嘅生日圖案， 但就需要加錢嘅， 根據圖案嘅複雜程度有唔同嘅價錢， 真係畫得好靚會好唔忍心破壞， 好想帶隻碟返去好好收藏😂PS：去cafe當然唔少得要玩board game， 不得不提玩具小店嘅board game種類好多， 而且都好新淨， 有啲cafe嘅board game來來去去只有幾款， 狼人同牛頭王嗰啲， 但玩具小店有好多其他cafe都冇，但其實好好玩嘅board game，值得大刀推介。
不嬲都知旺角樓上cafe有好多既 仍然仲係好有新鮮感 去探索每一間今次去呢間玩具小屋咖啡室又幾得意喎一入見到佈置好卡通 又有彩色波點牆 好童真門口位置放左好多card game boardgame可以玩小食拼盤有雞翼 薯格 薯餅 芝士波 都幾豐富炸到脆卜卜 絕對係邪惡之選 喜歡炸物一定會點！煙三文魚黑松露忌廉天使麵天使麵充滿忌廉汁 好夠汁 唔會覺食得好乾煙三文魚不過不失啦 加埋黑松露味就豐富返個麵呢到幾適合同朋友黎坐 食下野玩下真係唔錯但要留意返晚餐時段設有最低消費 唔可以黎淨飲野
玩具小屋咖啡室係最近令人驚喜既旺角樓上cafe！眾所週知，旺角樓上cafe多到盛行盛市，有時都唔知簡邊間好🙈不過依間cafe就係眾多入面值得一推既一間🥰🥰//首先一讚既係佢既甜品生日碟，整得好精緻又靚！令大家一見到佢就「哇」一聲呀😀😀另外食物質素都高，好適合一大班人reu或者聚舊👭👭👫👫食到甘上下仲可以玩佢地既卡game，重拾ocamp時光！野飲都好有特色架，特別係佢地唔同口味既啫利花茶：要拎少少啫利去茶到等佢溶，增加甜味但甜度又可以自己控制，最緊要係個杯好有Alice in the wonderland既感覺，每人大慨150蚊就食得飽又玩得盡興啦😊😊😆😆
今日諗緊可以同朋友去邊度食飯，又可以坐耐啲同埋又有野玩下，就揾到呢間有boardgame既cafe🤤我就叫左煙三文魚黑松露忌廉汁天使麵，三文魚都有唔少，忌廉汁都唔太膩，配埋唔會太硬太淋既天使麵，中意食西餐既就可以一試。
跟餐我再叫左杯曲奇朱古力特飲，黎到有好多塊曲奇好足料，而杯野飲都好大杯，同好濃味，食完都飽曬😂最有心思一定係佢個生日甜品，畫得好靚，可惜揾唔番張相😭 可以叫佢畫壽星中意既圖，又可以打卡呀！食完又未走又可以玩下board game, 都有好多唔同款，又唔會話坐耐左就趕左我地走😂
旺角樓上Cafe選擇多，成日都唔知揀邊間好，通常都係去登打士廣場，但今日發掘到依間！本來比佢嘅甜品畫吸引，但原來要做一日order，所以今次無試到一入去見到門口擺放好多board games, 選擇比其他cafe多，仲有迷你足球機、籃球機，cafe佈置充滿童心，令人耳目一新雖然座位唔太闊落，價錢唔係特別平，但食物質素好而且可以坐幾耐玩遊戲都得，確實係同朋友吹水嘅好地方！1. 小食: 芝士法式焗薯條、小食拼盤、香酥炸雞翼小食都係熱辣辣上枱，個人覺得炸雞翼最好食，又香脆又入味，值得一試！薯條份量多，適合多人食，小食拼盤味道就較為一般。
2. 意粉系列: 煙三文魚黑松露忌廉天使麵、蒜香辣椒炒香草海蝦魷魚扁意粉忌廉天使麵入口香滑，黑松露味道濃郁，一試愛上，而且三文魚配搭得好好，好推薦依個意粉蒜香炒扁意粉就辣辣地，相比忌廉天使麵較乾身，但有海鮮配搭都唔錯！3. 飯: 燒元貝配野菌煮忌廉意大利飯、西班牙雞肉燉飯兩個飯都軟硬適中，味道冇上面嘅意粉咁強烈，但係配合唔同嘅醬汁味道都唔錯。
鍾意食辣嘅朋友可以揀西班牙雞肉燉飯。
4. Pizza 🍕 Pizza係咁多食物之中最有驚喜嘅，佢嘅餅底較為薄，唔係麵包底，好脆口！配合多塊煙三文魚，口感豐富，我同朋友每人一塊，回味無窮
玩具小屋咖啡室餐單提供西式, 西式糕點, 咖啡店, 樓上cafe等推介美食位於旺角區，餐廳座位數65人均消費約$101-200，結賬可以用現金。
您對於旺角餐廳「玩具小屋咖啡室」有何 comment？
玩具小屋咖啡室餐廳詳細資料：
- 玩具小屋咖啡室地址: 旺角彌敦道570-572號基利商業大廈901室 CUBBY Cafe, Rm901, Kelly Commerical Building,570-572 Nathan Rd, Mong Kok
- 玩具小屋咖啡室電話:
- 玩具小屋咖啡室價錢: $101-200
- 分類: 西式, 西式糕點, 咖啡店, 樓上cafe
- 座位: 65
- 付款: 現金
- FB專頁: 玩具小屋咖啡室 Facebook
更多玩具小屋咖啡室相關資料:
香港餐廳2026推介9月