爭鮮迴轉壽司 旺角

爭鮮迴轉壽司 評價 相片

天氣炎熱，最想食壽司同刺身，爭鮮壽司推出嘅親子三文魚腩，極上油甘魚刺身， 仲有比目魚二點盛，又點可以錯過呢!🐟親子三文魚腩$8，挪威三文魚含有豐富油脂而且味道溫潤，加上日本三文魚籽，食到停唔到口😋🐟極上油甘魚刺身 $16，喺日本愛媛縣的油甘魚，肉質結實爽口，味道鮮甜👍🏻🐟比目魚二點盛 $16，比目魚肥腴比目魚邊鰭，細嫩燒炙比目魚肉，都相當吸引❤️。

Sushi Express Hong Kong(爭鮮)

我見到好多間買壽司既都冇 仿鮑魚片食~但爭鮮有。

🤣真係超好食，次次去都食幾碟🤗同埋三文魚都係，超好食。

去爭鮮食壽司可以食到夠食到飽呀😁因為價錢唔貴而且好低食，環境又唔差。

坐得幾舒服。

香港地方吋金尺土就係人都知嫁啦, 咁如果響購物區想搵張凳坐下應該都算係難過登天嘅事情黎嘅, 咁本人同女友響旺角行街行得耐, 大家都唔係特別肚餓想食野, 不過又想搵個地方坐下, 經過就見到間爭鮮有空位, 咁爭鮮出名抵食夾大件就係人都知嫁啦, 最好就係冇最低消費, 所以就去坐番三兩個字, 食件壽司飲啖茶休息下啦爭鮮嘅茶包, 茶味唔差嘅, 起碼本人用兩包都好融好夠味三文魚壽司, 呢度嘅三文魚色水比壽司郎嘅鮮紅色一點, 壽司郎果d 好似用滾水滾淥過一次咁帶白, 呢度係視覺上正常得多, 口感就魚生軟棉飯就剛好, 因為回轉關係, 飯微硬係正常嘅, 不過可惜了三文魚, 整體味道係鮮甜嘅三文魚刺身, 除非唔想食飯, 否則我會建議叫番壽司比較好, 雖然刺身切得比較厚身, 但又較窄, 好似一粒粒多過一片片, 有時如果有筋位就會好影響口感, 但三文魚質素都係有保證嘅芝士蝦壽司, 因為回轉關係所以凍哂, 芝士冇太多咸香味, 蝦係新鮮冇梅, 口感係爽嘅, 但味道欠奉, 不太建議呢隻螢光魷魚軍艦, 我都唔知佢地叫咩名, 不過係切絲嘅魷魚肉混埋黃色嘅籽, 兩樣口感都係好爽好涼, 魷魚冇滑潺潺嘅感覺, 紫菜不太乾身所以稍為影響口感, 比起醬混八爪魚之類, 呢個壽司更值得推薦蟹籽軍艦, 紫菜唔乾身, 都係呢度嘅主要問題, 不過呢度嘅蟹籽鹹鮮味比壽司郎嘅更重, 都幾好食嘅如意壽司, 我估係呢度創作嘅組合, 兩件腐皮壽司分別加上中華沙律同埋龍蝦沙律, 味道唔算特別, 係平日日式餐廳伴菜碟嘅質素, 但腐皮壽司甜甜地又大件好抵食最後坐左15分鐘, 埋單63蚊, 休息完再去行下先😁😁

爭鮮壽司好多分店，最近行過呢間就入左去試。

唔飽唔餓入去食就最岩，好早期以前就食50蚊任食，任食當然會食到最盡，雖然食完覺得好抵，但個肚食太飽反而消化唔好，買胃藥更得不償失！反而而家呢種食一碟比一碟錢既模式仲化算，同埋每間爭鮮食既壽司都有d唔同，有時有d壽司款式唔係間間有，晚飯時段，客人滿座。

價錢碟碟8蚊，另收加一。

比同類型其他大型集團嘅壽司店性價比算高，但如圖中嘅海膽壽司雙碟擺放，價錢就x2計算。

壽司選擇唔多🍣不過價錢便宜，環境唔錯，偶然想食壽司但唔多budget既可以泥食，慢慢坐係度享受下😋 是日大約2點到，好彩都唔多人，唔駛等位，好快就有位坐。

而家要在門口探熱同搽佢地提供既消毒液消毒雙手先入得。

另外門口亦貼心地為客人提供左口罩收納套～呢度係就咁拎bar上既壽司，無得落單，所以如果想食心宜既選擇就要慢慢等🤣 我地拎左三文魚壽司、玉子、芝士蝦壽司、明太子沙律壽司、帶子壽司、蟹柳壽司同蟹籽沙律都唔錯～

爭鮮迴轉壽司餐單提供日本菜, 壽司, 刺身, 迴轉壽司店等推介美食位於旺角區，餐廳座位數未知人均消費約$51-100，結賬可以用Visa,Master,AlipayHK,支付寶,現金，Booking訂位可以電話致電 27811603 查詢。

您對於旺角餐廳「爭鮮迴轉壽司」有何 comment？

爭鮮迴轉壽司餐廳詳細資料：

• 爭鮮迴轉壽司地址:
  旺角花園街3-5號鴻威大廈地下2-3號舖
  Sushi Express, Shop2-3, G/ F., Hung Wai Building,3-5 Fa Yuen Street,, Mong Kok
• 爭鮮迴轉壽司電話: 27811603
• 爭鮮迴轉壽司價錢: $51-100
• 分類: 日本菜, 壽司, 刺身, 迴轉壽司店
• 座位: 未知
• 付款: Visa,Master,AlipayHK,支付寶,現金
• FB專頁: 爭鮮迴轉壽司 Facebook

更多爭鮮迴轉壽司相關資料:

• 爭鮮迴轉壽司分店
• Youtube
• Facebook
• Twitter
• Google