炎天丼 旺角
地址: 旺角通菜街23號地下
最後更新:
炎天丼推介
疫情搞到冇得去日本，唯有食下日本嘢解下思鄉之愁啦🤓入到黎呢間小店，店員態度幾親切，個位雖然有少少細，但係都坐得舒服嘅呢間天丼午市真係抵到爛，慶祝三週年，所有午餐套餐一律減$10今次我就叫左個海老天丼（$45），入面都幾多料，有南瓜、蓮藕、菜心、茄子、流心蛋、蝦，套餐仲附一小碗麵豉湯，入面都幾多料，有幾塊油豆腐，又唔會死鹹，幾好飲。啲天婦羅只係有薄薄一層炸粉，食落一啲都冇油淰淰嘅感覺，好清爽，完全唔洗白蘿蔔蓉解膩！上枱嘅時候啲天婦羅唔係熱辣辣入唔到口，溫度啱啱好即刻就食得。枱頭有枝天婦羅汁，甜甜地，可以加黎撈飯。講番入面啲料，南瓜好厚實，食落仲有啲甜味。蓮藕都幾脆，成碗天婦羅食落有唔同口感，冇咁易悶。最正係隻流心蛋，啲蛋汁撈飯可以食哂成碗！有少少可惜嘅係冇得試下佢隻飯素撈飯，不過就算冇飯素，啲味都完全夠哂呢間天丼CP值滿分💯，下次會再黎試下啲烏冬
旺角炎天丼
| 餐廳分店 | 炎天丼 |
|---|---|
| 地區 | 旺角 |
| 電話訂位 | 23882887 |
| 餐單 Menu | 日本菜 |
| 人氣指數 | 1024 |
| 價錢幾錢 | $51-100 |
炎天丼訂位位於旺角區，詳細地址是旺角通菜街23號地下，餐廳寬敞座位數目共有未知幾多個。炎天丼幾錢？價錢優惠後人均消費大約$51-100埋單，早餐午餐晚餐炎天丼餐單包括有日本菜等美食，付款方式有現金,八達通付款，Booking網上訂位可以電話致電 23882887 查詢訂座。
炎天丼優惠
炎天丼 評價 相片
疫情搞到冇得去日本，唯有食下日本嘢解下思鄉之愁啦🤓入到黎呢間小店，店員態度幾親切，個位雖然有少少細，但係都坐得舒服嘅呢間天丼午市真係抵到爛，慶祝三週年，所有午餐套餐一律減$10今次我就叫左個海老天丼（$45），入面都幾多料，有南瓜、蓮藕、菜心、茄子、流心蛋、蝦，套餐仲附一小碗麵豉湯，入面都幾多料，有幾塊油豆腐，又唔會死鹹，幾好飲。
啲天婦羅只係有薄薄一層炸粉，食落一啲都冇油淰淰嘅感覺，好清爽，完全唔洗白蘿蔔蓉解膩！上枱嘅時候啲天婦羅唔係熱辣辣入唔到口，溫度啱啱好即刻就食得。
枱頭有枝天婦羅汁，甜甜地，可以加黎撈飯。
講番入面啲料，南瓜好厚實，食落仲有啲甜味。
蓮藕都幾脆，成碗天婦羅食落有唔同口感，冇咁易悶。
最正係隻流心蛋，啲蛋汁撈飯可以食哂成碗！有少少可惜嘅係冇得試下佢隻飯素撈飯，不過就算冇飯素，啲味都完全夠哂呢間天丼CP值滿分💯，下次會再黎試下啲烏冬
環境，坐位唔多，乾淨企理，服務員態度正常有禮貌有排都無得去旅行，日本思鄉病又發作，所以去食日本野頂下引先😅呢間餐廳以天婦羅為主。
分別叫左佐賀牛丼，唐揚炸雞熊本咖喱烏冬，仲有幾款小食，魷魚鬚同七裡海膽海膽天婦羅炸海膽好似嘥左啲，香港人多數即食，但今次驚喜，雖然細細隻，炸完之後居然仲有好多汁，有炸既香味仲保留鮮味，一咬入口，夠脆口啲海膽汁都好澎湃，係個口裏面來回遊蕩，味道一流不過份量就唔係好夠啦！唐揚炸雞熊本咖喱烏冬依度嘅炸物真係唔錯，炸雞外脆內軟，炸菜心第一次食幾特別，仲有炸椰菜花都好香脆唔油，未食之前都驚菜會吸晒啲油，但又無喎！咖喱係廚房未拎出黎都聞到香味，聞到都想食，烏冬用左比較幼扁身個種，始終都唔夠圓型煙韌個種好食。
佐賀牛丼牛肉量幾多，牛肉本身鮮嫩，廚師煮得啱啱好配合埋新鮮嘅洋蔥，味道恰到好處，當中仲有一個亮點，就係中間嘅炸蛋，炸蛋外面卜卜脆，內裏仲係流心，蛋汁加埋牛肉簡直絕配！🦑魷魚鬚無咩魷魚味但唔韌口感唔錯，個炸漿都整得唔錯，脆口又唔厚粉又唔油膩。
同一般日本餐廳一樣主食前會有麵豉湯同埋🥗供應，份量好少頭盤食下都可以，麵豉湯正常濃淡適中。
依間鋪啲炸嘢係唔錯嘅，但啲炸物份量都偏少，感覺唔係好抵食。
不過，佢啲飯同烏冬都好多一定夠飽！
出邊熱辣辣今日就懶洋洋唔想出街，開個手機睇吓有咩外賣速遞，見呢間餐廳好好comment ,日本心發作底吓就叫黎試吓！落咗order冇幾耐就已經見到店家準備食物當中，唔使20分鐘熱辣辣嘅丼飯已經送到去屋企。
天婦羅全部用紙袋另外包住，相信係索油之餘，又唔怕放喺飯面焗到淋晒。
另外仲有一碗麵鼓湯，味道OK，唔會死咸。
比較欣賞佢外賣盒嘅設計，碗蓋設計防止湯汁溢出，方便又安全。
打開丼飯碗，一隻天婦羅溫泉蛋美美的躺在飯面，輕輕𠝹開，蛋汁溢出，丼飯即時充滿蛋香，蛋白仍是嫩嫩滑滑，處理得恰到好處。
天婦羅方面，每款都好好味，天婦羅漿非常脆薄，內裏包着嘅食材仍然保持鮮嫩多汁，香脆之餘仍然食都食材嘅鮮味，特別一款要講技巧嘅海膽天婦羅，打開脆皮，食到紫菜入邊包住creamy嘅海膽，每款都令人期待，食得出師傅嘅心思同技術！喺香港，仲要係經過數十分鐘嘅外賣時間，仍然保持到呢個水準，實在非常難得。
美中不足係丼飯雖然份量十足，但係質量一般，而且太過淋，黎到嘅時候呢有啲已經凝結左一嚿嚿，唔夠粒粒分明，呢個真係敗筆。
外賣了很多次,店家很友善,值得幫襯,當然食物都very 美味しい老闆真的特別好人,雨天外賣自取,試過送多一個紙袋,驚淋穿.男朋友特別鐘意食呢間蕎麥,以前佢淨係去日本先會嗌,介紹佢之後,就經常來la~祝生意興隆
天婦羅 一種好食嘅話會好好食 難食嘅話你連放入口都唔想嘅食物喺香港食天婦羅 我十次有九次都整走啲皮 食入面舊嘢就算 點解呀 因為粉多 皮炸皮又唔痴肉 一整就甩 未會咁做囉但竟然比我搵到一間 有良心 有質素 而且出色嘅天婦羅飯餐廳 真係令我喜出望外依個天don 睇上去同一般餐廳無異 特別嘅可能係多咗舊菜心天婦羅 同炸雞蛋天婦羅 但重點往往在細節 對我黎講 天婦羅最緊要係炸皮厚薄適中 外脆內juicy 炸皮要有少少風味之餘又唔可以搶咗食材原有嘅味道 依間良心小店 佢做得到 而且佢仲好細心 有教到你食咩先 同埋比飯素你加落飯度 令到原本唔太易送飯嘅天婦羅 都可以有飯素去送飯 咁我就可以專心咁欣賞出色嘅天婦羅 當中我最欣賞係佢嘅炸蝦天婦羅 一種最為人熟悉嘅炸物 佢外脆 內juicy 要知道正常餐廳因為成本問題都唔會用鮮蝦 但佢嘅炸蝦比到我有食鮮蝦嘅juicy 彈牙感 一流當然 最重要係佢有良心 所以我好推薦大家一試
炎天丼餐單提供日本菜等推介美食位於旺角區，餐廳座位數未知人均消費約$51-100，結賬可以用現金,八達通，Booking訂位可以電話致電 23882887 查詢。
您對於旺角餐廳「炎天丼」有何 comment？
炎天丼餐廳詳細資料：
- 炎天丼地址: 旺角通菜街23號地下 Hono Tenndon, G/ F,23 Tung Choi Street, Mong Kok
- 炎天丼電話: 23882887
- 炎天丼價錢: $51-100
- 分類: 日本菜
- 座位: 未知
- 付款: 現金,八達通
- FB專頁: 炎天丼 Facebook
更多炎天丼相關資料:
香港餐廳2026推介8月