火鍋撚 旺角
地址: 旺角染布房街6號1樓
最後更新:
火鍋撚推介
主打養生火鍋，湯底有台灣人氣紅白鍋、媽媽滋補老火湯、酸菜白肉鍋等，非常足料。另有自創五花茶沙冰、腐竹糖水沙冰等飲品。
旺角火鍋撚
| 餐廳分店 | 火鍋撚 |
|---|---|
| 地區 | 旺角 |
| 電話訂位 | 23361098 |
| 餐單 Menu | 港式, 火鍋 |
| 人氣指數 | 1117 |
| 價錢幾錢 | $201-400 |
火鍋撚訂位位於旺角區，詳細地址是旺角染布房街6號1樓，餐廳寬敞座位數目共有未知幾多個。火鍋撚幾錢？價錢優惠後人均消費大約$201-400埋單，早餐午餐晚餐火鍋撚餐單包括有港式, 火鍋等美食，付款方式有Visa,Master,AlipayHK,支付寶,現金,銀聯付款，Booking網上訂位可以電話致電 23361098 查詢訂座。
火鍋撚優惠
火鍋撚 評價 相片
說起台式火鍋，你會想起哪一家火鍋店？其實大部分台式火鍋店我也吃過，但火鍋撚真係叫人念念不忘。
特別過往給香港人的優惠，以及這次疫情爆發，提供不少抗疫外賣優惠，真係叫人相當感動。
今次我就第一次試了火鍋撚外賣，原來用WhatsApp下單相當方便，什至連爐具也可一拼購買。
餐牌內都有相當多菜式選擇，而且好多食材都可以選擇半份，啱哂試多啲款式嘅我。
而且外賣包裝全部都好精美，特別抵讚就係送貨好準時，外賣消費滿$600，運費半價之外更贈送四寶餃餃拼盤，而消費滿$1000更免除運費，除了上述的餃子拼盤，再多送一盤五色丸丸拼盤。
蜂巢豆腐白湯鍋 $129一家四口，三位女士，自然要點最養顏美肌的蜂巢豆腐白湯鍋。
白湯內有人參、杞子等滋補養顏食材，而且甘味可口相當出色，個人就非常喜歡吸哂湯汁嘅蜂巢豆腐，非常養顏。
極品安格斯肥牛(小) $149打邊爐當然唔少得當然就係肥牛，而極品安格斯肥牛性價比都相當高，賣相吸引，放進火鍋輕輕一拖即可食用，牛味豐富，嫩滑無比。
鮮雞件 $79呢個鮮雞件亦相當出色，首先份量相當多，而且雞件相當嫩滑，唔錯。
脆鯇魚片(半份) $36新鮮肥美，滑滑溜，但不宜煮太久會散開。
而且呢個價錢都算抵食。
創意午餐肉菜圃餃(半份) $36真係估唔到午餐肉可以做餃子餡。
但亦估唔到午餐肉菜圃亦出奇地夾。
餃子皮相當薄，而午餐肉嘅鹹鮮加上菜甫嘅爽脆，咬落鬆軟多汁，味道的確唔錯。
水晶奶皇包 $39火鍋撚必點食材之一，因為其他火鍋店真係搵唔到，煙韌外皮包住幼滑奶皇咸蛋黃餡料，值得一試。
五色丸丸拼盤(半份) $60整體丸丸拼盤相當新鮮，當中包括有流心咸蛋黃豬肉丸、海瑞香菇貢丸，手打蝦丸、海味花枝丸等當中咸蛋黃控不可錯過流心咸蛋黃豬肉丸，豬肉加甘流心咸蛋黃真係絕配。
午餐肉煎底(半份) $36食火鍋其中一個必食的食材，而且今次更加將午餐肉煎底，份外邪惡。
當中更附送基本醬料一大盤，以及新鮮的芫茜、辣椒、蔥花，但其實湯底出色，食材新鮮，其實醬料不用亦可。
但貼心的是送了一支酒精搓手液，真係令人暖在心頭。
天天外賣的日子睇嚟還要持續一段時間，食普通茶餐廳真係食到厭，估唔到打邊爐都可以外賣，今次新嘗試 外賣火鍋。
由湯底，醬料到食材一站式供應，只需要屋企有個爐就食得，非常方便，而且選擇好多，唔使另外出街買任何材料，夠晒安全。
蜂巢豆腐白湯鍋 $129湯底唔係一般街市超市買到既一般貨式，而且湯底份量絕不吝嗇，連湯底內嘅藥材及餸菜都有供應，蜂巢豆腐白湯鍋味度香濃又唔膩，入口舒服，外賣包裹得好好，完全沒有滲漏出來。
醬料，芫茜，蔥，辣椒粒一應俱全，拎出碗筷就可立即吃。
極品安格斯肥牛 (大) $229大大片真材實料，肥牛雪花紋理清晰，入口鮮嫩而且有牛香，是高質的貨色。
鮮雞件 (半) $48超大盤的雞件，好抵食，雞肉夠香滑，令到湯底更鮮甜。
手打靚蝦滑 (半)$48用上鮮蝦好彈牙，半份的分量亦不少。
至尊水餃皇 (半) $36巧手韮菜餃 (半) $35水餃，韮菜餃用料十足夠飽滿，我特別喜歡韮菜餃，皮薄而且饀料豐富 順德魚腐 $39新鮮即炸，可以立即食用，沾上湯底食用亦可。
水晶奶皇包 (半) $24水晶奶皇包咬開口有滿滿的奶皇，味道香甜，輕輕煮一會就能夠吃，用作飯後甜品好滿足。
外賣消費滿$600免一半運費，再加送四寶餃餃拼盆一客 (價值$81)外賣消費滿$1000運費全免 (不包括隧道費)，再加送四寶餃餃拼盆及五色丸丸拼盆各一客 (共價值$180)用埋個優惠真係好抵! 還有小禮物贈送，以後足不出戶都可以在家打邊爐了
個個都做外賣，響應支持醫護嘅you stay home for us。
無論乜嘢類型嘅餐廳都做外賣，對我來說，唯有火鍋未試過，一於揀番間未食過嘅火鍋試吓。
自己有兩個心儀選擇，係616同火鍋撚之間選擇，我選了火鍋撚，無他，朋友說佢個湯底比較貼近台式，又係要一解無得飛嘅無力感。
另外最緊要餐廳做緊外賣大撚晒嘅抗疫campaign ，運費半價加上只要買夠$600就送你一盒四保餃餃拼盤，如果$1000以上，運費更全包，再大你多一個五色丸拼盤。
就因為呢兩個原因，最後我選擇了火鍋撚。
我在IG post左之後好多朋友都問我反應，即刻同大家報告一下，講番下當晚吃嘅item。
一位醬油 $20，看似好貴，但係見到一次過送上好靚切好嘅芫荽，辣椒和蔥花，一枝豉油，仲有濕紙巾送，還可以接受啦。
個人認為，最令我驚喜係呢個蜂巢豆腐白湯鍋，用上多種不同的藥材和人蔘，令到個湯好甜，奶白色嘅湯底令我想起了台灣嘅無老鍋，最正嘅係外賣湯底竟然有兩大盒，另外仲有蜂巢豆腐和豬紅另上，基本上如果你係屋企自己都煲咗啲清湯之後加嘅話，呢兩盒可以分兩次食，於是我連續兩晚，打咗兩次火鍋。
極品黑豚肉 $99，平時係香港用呢個價錢食嘅豚肉係好普通，但今晚黑豚肉出奇地新鮮，帶點像吃台灣松板的驚喜，薄身得來依然保持了豚肉的口感。
鮮雞件$79係最好的選擇，放落個湯度煲又可以出味，雞件都幾大件，而且差唔多有大半隻，特別喜歡雞髀嘅位置。
骰子牛肉粒 $129的份量也很多，在湯底剛滾好嘅時候放落，去到一半先攞出嚟食，牛肉像有肉汁般，肉味一流，而且全部都好大粒，幾出色。
鴛鴦拼盤選左黑松露墨魚滑拼香菇貝鮑鮮滑也只是$88，兩樣都是店方推介之作，墨魚滑嘅黑松露味強而有力， 香菇貝鮑真係有鮑粒係入面，全部都真係有內涵有實力，而價錢真係唔算貴。
順德魚腐 $39是炸過來的，所以不用放太久，但這個絕對是一個大驚喜，順德魚腐的口感非常煙韌，仲要好有咬口，而且有濃厚的魚肉香。
加左四件鴨血，原味上也只是$22，呢幾件鴨血都比湯底中嘅鴨血大一半，而且口感不錯，我不會說勁好食，但以香港嘅鴨血質素來講算是中上。
另加一個蟹籽手打蝦丸，大推，一定要食，好有質感。
最後講吓佢送嘅四保餃餃拼盤，雲吞、魚皮餃、韮菜餃 、水餃幾種都非常出色，全部聽說都是自家製，飽滿有力，當中最喜歡韮菜餃，咬下去滿滿的韮菜香，一流。
食咗咁多嘢，四個人每人都只係$150，最重要係包裝全部都好精美，而且送貨時間非常精準，店員有禮貌，今晚我已經又想叫多次食。
在家千日好，大家可以的話就繼續stay home 。
火鍋撚 旺角旺角染布房街6號1樓
自從「打邊爐家族」之後，少左好多人去打邊爐，但其實只要做好個人衛生，就唔會有問題架啦！希望快啲抗炎成功啦！💪🏾我同小妹今次去左旺角「火鍋撚」打邊爐，餐廳都嚴陣以待，食客全部都一律要探熱同用酒精搓手液消毒雙手方可入座，「火鍋撚」所有餐具都係即棄，仲推出左一人一鍋，咁就可以打邊爐食得放心啦！見到佢推出左新湯底，係沙嗲溝麻辣湯底，啱晒重口味又嗜辣嘅我哋！😂台式古早沙嗲麻辣鍋（$129）以十多種藥材熬製而成，好香濃，辣勁比一般沙嗲湯底強，帶沙嗲和沙茶香氣，仲有配料蜂巢豆腐和鴨血，吸盡湯底嘅精華，正！☺️小妹係食肉獸，所以打邊爐一定要有肥牛，極品安格斯肥牛（$229）肥牛有小和大兩個size，我地order左大，不過份量比我想像中少，颜色唔係好鮮艷，不過勝在肉香有嚼勁！⭐️推薦❗️火鍋撚香滷拼盤（$119）1次過可以食晒所有滷水：蜂巢牛肚、香滷大腸頭和香滷牛筋，滷水味幾入味，腸頭厚肉有口感，牛筋嫰滑，值得一試！上次試左黑松露墨魚滑和瑤柱干貝滑，兩款都好正！今次就試下第二種口味啦！⭐️推薦❗️鴛鴦滑滑拼盤（$98）黑松露墨魚滑好香嘅松露味，仲有粒粒墨魚肉係裏面，食落爽彈有嚼勁！香菇貝鮑鮮滑材料豐富，口感十足，好味道！😋 ⭐️推薦❗️紅薯寬粉（$40）扁長條狀嘅寬粉條夠煮不爛，Q彈煙韌，有咁正嘅湯底，一定要有吸湯嘅配料！👍🏻最後，每枱食客都會贈送腐竹糖水沙冰乙杯，腐竹味真係好突出，夠晒清涼解渴！😆
上星期好開心，因為喺屋企打邊爐都可以食到火鍋撚嘅酸菜白肉鍋！餐廳最近推出外賣服務，立即引起我嘅興趣。
第一次外賣火鍋料，餐廳送到屋企樓下勁方便，我哋因為買滿$1000，所以運費全免！餐廳好細心咁pack好曬啲食物，醬料都有齊，連湯底都有三大盤，可以原汁原味唔洗自己加清湯！最驚喜係餐廳竟然送埋酒精搓手液作抗疫小禮物，好窩心。
酸菜白肉湯底 $114酸菜白肉湯底真係好入味，新鮮酸白菜配以大骨湯每天新鮮熬成，湯頭酸而不嗆，入口酸香瞬間化為鮮甜，打邊爐前首先飲返幾碗！白肉肥瘦適中，清爽唔油膩，加上湯頭幾微酸，不但減低肥膩程度，仲好開胃！火鍋撚御用手切肥牛（大） $308火鍋撚御用手切肥牛都值得一試，肥牛肉質軟腍，肉味濃郁，好彩點咗大盤，唔駛幾分鐘已經清光！日本A4霜降和牛（小） $298日本A4霜降和牛雖然點咗小，但份量都唔少，都有10片左右！霜降和牛油花漂亮，雪花密佈，肉味冇手切肥牛咁濃，但口感真係入口即溶，食落充滿牛脂香。
酒糟五花肉 $79火鍋撚嘅酒糟五花肉都勁正！五花肉口感爽脆，食到清淡酒香，好入味。
香菇貝鮑鮮滑 $69除了肉類之外，鮮滑都好出色。
香菇貝鮑鮮滑係手打墨魚滑，添加香菇瑤柱鮑魚，爽彈之餘口感更加豐富。
脆魭魚腩 $60魭魚腩肉質結實彈牙，口感很爽口，吸收湯底鮮味，打邊爐必備！我哋另外亦都試咗餐廳自創嘅蛋牛包心墨魚丸 （$69）。
丸類手打，所以係幾彈牙嘅。
呢段非常時期，火鍋撚宜家每位食客無論堂食或外賣都採用獨立餐具，比較安心。
我哋喺屋企都係由媽咪一人用公筷碌熟，再分俾大家，雖然無得親手碌樂趣係比平時少咗D，但始終比較衛生，同埋有得食到街外湯底以及火鍋料一樣開心呢！落單方法可以上佢嘅官網。
火鍋撚餐單提供港式, 火鍋等推介美食位於旺角區，餐廳座位數未知人均消費約$201-400，結賬可以用Visa,Master,AlipayHK,支付寶,現金,銀聯，Booking訂位可以電話致電 23361098 查詢。
您對於旺角餐廳「火鍋撚」有何 comment？
火鍋撚餐廳詳細資料：
- 火鍋撚地址: 旺角染布房街6號1樓 Hot Pot Land, 1/ F,6 Yim Po Fong Street, Mong Kok
- 火鍋撚電話: 23361098
- 火鍋撚價錢: $201-400
- 分類: 港式, 火鍋
- 座位: 未知
- 付款: Visa,Master,AlipayHK,支付寶,現金,銀聯
- FB專頁: 火鍋撚 Facebook
更多火鍋撚相關資料:
香港餐廳2026推介8月