湘川滬 旺角

湘川滬 評價 相片

今個星期六細佬同女朋友都出黎同我地食lunch,本身媽媽話食意粉屋，但原來新世紀仲係裝修緊，無左意粉屋，於是上酒樓碰碰運氣，果然有排等@@＂轉戰湘川滬，即刻有位！正！我一向都好鍾意呢間嫁，媽媽媽成日問我食乜我都會話食湘川滬o既，不過永遠個第一印象就係「又食辣野」，其實呢度有大把野好食，lunch時間除左京川菜之外仲有粵式點心，仲要一至日都有添喎=]1.蒜泥白肉~ 呢度 d 白肉真係好薄好薄 , 唔好就係因為無乜口感 , 份量都少左 d ... 但個味真係好得 , 少少蒜辣味 , 唔會過咸 , 撈埋 d 粉皮 , 正 !! 2.雞絲粉皮~ 必點 , 個花生醬好香濃 , 雞絲青瓜絲同粉皮o既比例好好 , 撈勻後食個味洽到好處 , 唔會太咸或者膩 , 唯一係唔係幾夠凍 3.四川擔擔面~ 呢個擔擔面暫時係第二度食唔到 , 四川 = 麻辣 , 好刺激 xd反而無乜麻醬味 , 但個肉醬真係好惹味 ,d 面都好爽 , 仲有 d 蝦毛仔 tim 4.灌湯小籠包~ 酒樓點心o既價錢 , 上海舖o既質素 , 不至於皮薄 , 但餡靚 望落去己經見到 d 湯汁喇 , 入口就連個豬肉都好 juicy ~ 又係必食5.鮮蝦水晶餃~ 一籠得三隻 , 唔好以為厄秤 , 佢三隻都好肥大 , 兩大粒蝦 , 又爽又彈牙 , 個皮厚薄適中 , 煙韌柔軟 , 正過好多大酒家 6.豉汁蒸鳯爪~ 無乜豉汁味 , 甜甜地咁 , 味道一般 , 勝在唔係太油7.魚蓉鮮竹卷~ 魚蓉係鯪魚肉 , 幾特別 ... 無豬肉咁肥膩 , 唔會腥 , 唔錯 =)8.流沙奶黃包~ 好大個 , 熱辣辣軟綿綿 , 奶黃餡好香滑 , 可惜唔夠流沙9. 叉燒餐包仔~ 阿姐捧出黎嗌手快有手慢無 , 新鮮出爐個個漲卜卜咁 , 賣相一流之餘 , 亦果然好味道 , 最緊要叉燒餡唔肥同無多餘生粉## title所講嘅嘆茶，係真有其事嫁！有一次黎唔知叫咩茶好，店完介紹我飲「人參烏龍」，嗰次之後我黎親都要叫返佢！好好味嫁，我從來未試過食飯／飲茶係咁欣賞杯茶，聞落去係茶味較香，就連呷落口都係茶味較重，初初沖起嘅頭一壼都尚未嘆到個人參味有幾正，泡多一陣等佢深色少少啦，之後飲就會出現強烈嘅層次感，茶香味甘，吞晒之後，甘味慢慢遠去，隨之而來嘅係人參微妙嘅甜味，維持數秒後你就會好想再呷下一口，飲完又再等一等，名正言順嘅慢慢嘆^^

顧名思義，這間是專賣湘（湖南菜）川（四川菜）和滬（上海菜）的菜館。

我本人受不了川菜的麻辣，反而喜歡湘菜的辛香味濃和酸辣，尤其是剁椒魚頭和粉蒸肉，光想也口水流。

以上三種菜式還是以滬（上海菜）比較容易被人接受，如此一來可以想像到為什麼上海菜在世界任何地方也能堂而皇之，打正旗號成為正統，但其實它在中國四大名菜和八大菜糸中是榜上無名的 !今晚 Honey 與他的兄姐們敍會，選址在這裡，難得與家人一起，食什麼已經不再重要了，各人決定由大嫂點菜，是夜菜單 ..... 鷄絲粉皮，上等之作，鷄絲滑、粉皮爽、蔴醬的味道亦調教得宜紹興花雕醉鷄，花雕味略嫌淡，如果師傅可以重手些就好了四喜烤麩，向來不喜歡烤麩的我，今晚給了我一個改觀，這裡做得好出色白玉賽螃蟹，炒得好滑，蛋白好香，送飯一流河蝦燴豆腐，蝦就一般，但豆腐有豆香，又清淡有益砂窩津白，只是將所有東西煮成一鍋湯，隨便喝兩口便算乳鴿，Honey 加餸（因是他大愛） 可惜味道欠奉，但總算入口鮮嫩，爭回多少失分綠豆沙，是送的，因太飽沒有試，未能在此提出意見以此價錢換一頓豐富的晚餐，心滿意足了，加上家人的閒話家常，敍首一堂，整頓飯也變得更有意思，立即訂下幾天後再來飯局

自從升大學後，功課考試忙得連睡覺也沒有時間，與家人相處的時間也少了，媽媽笑言我在英國讀書時好像與她見面的次數還要多難得假期，與媽媽出外吃午餐，享受一下母女談心的時光。

我和媽媽分享了星期六的是日特價套餐，包括京式川辣明蝦球和雞絲粉皮。

先來的雞絲粉皮，醬汁疑似粗粒花生醬，花生味比應有的芝麻味還要強，而且醬汁份量太多感覺肥膩。

粉皮較厚，但勝在夠滑。

雖然醬汁甜甜辣辣挺開胃的，但這蝦球不論是鮮味還是調味料都欠奉。

炸漿厚而且都淋掉了，一點都不香口。

蝦肉未見爽口，份量又少只有7隻，唯一可取是溫度夠吧。

特惠時段也索價$128，這質素難免令人感到不值。

本來媽媽與我打算享用完套餐後再點一些餃子包點分吃，可是最後害怕再度中伏而改去下場吃甜點了。

然而侍應生的服務態度都很好，環境不擠擁，坐得挺舒適。

我鐘意食的菜式中，上海菜是不能缺的。

對於湘川滬，記憶是有人參烏龍飲，有三間分店，早茶及下午茶非常平，但實際只是幫襯過一次，而且(最少)有五年了。

今日回程在新世紀廣場，不想落去旺角迫住搵食，所以不作他想就在此吃晚飯，而且搭巴士回家也很方便。

六點幾還未需要等位，直入。

店內的裝潢實在輝煌，帶古色古鄉的味道，因此吸引到不少外國和國內的遊客吃飯。

主力卡位，我們二人坐在六人卡位，真係攤在睡也並不難這個月是大閘蟹的季節，除了兩人和四人的大閘蟹套餐是好抵食外，就不設一般的套餐。

可惜我們對此沒興趣，所以散點好幾樣小菜，吃到我倆捧腹而回。

浦坐下已有服務員前來詢問要的茶，來得這裡不喝人參烏龍就太浪費了。

每枱放有酸蘿蔔，未吃主食前，吃著它已經樂透。

小吃有兩款，首先食知味脆瓜皮蛋，因為我想食醃青瓜，不過沒有淨點的就無辦法。

青瓜用醋和蒜醃得入味可口，酸度適中，青瓜不失爽口，吃到停不到口皮蛋平時也只在粥品中嚐到，估不到做凍盤也很好味，軟軟綿綿，還是糖心呢。

至於油炆小竹筍因為外面好少有地方食到，見到價錢不太貴都點了。

荀條爽爽的，醬汁濃甜，油份絕對跟足上海菜特色：濃油赤醬﹗吃了幾口我已經覺得滯滯地。

剛才提到上海菜的特色是濃油赤醬以及口味較重，韭黃炒鱔糊也是用油相當多，多到是我們意料之外這碟我真是接受不到，用油浸形容可能會好點但味道是本身不錯，韭黃量勁多，鱔條相反少得多，口感軟軟香香，用作送白飯更為好。

香草鮮魚羹作為間場也不錯，非常的清新，散佈蛋花的羹內埋藏不少魚肉，鮮甜可人。

這裡的小籠飽做得很不錯，皮薄，湯汁豐盈，豬肉餡鬆化，這個比例已經是好吃了。

少不了蔬菜，當造的蒜蓉豆苗，蒜蓉炒香下清甜可人，吃到欲罷不能。

到了這個時候其實都飽了，但忍不住點多個餸，榨菜肉末(叉子燒餅三件)，貪其好玩之外，自己又未食過。

肉碎用咸醬油炒過，很濃味，加上榨菜的咸，變得很又咸又濃，實在不能吃太多，或者配湯米粉吃會好一點。

至於燒餅新鮮烘起，熱辣非常餅身由幾層鬆皮形成，脆卜卜又鬆化，給我淨吃都可以呀。

沒胃納去試炒粉麵，今次覺得小吃和包點類，較小菜出眾得多。

希望下次試試湘川滬的特價茶市，讓我盡情食點心和...上海粗炒吧。

已經好耐沒寫食評, 真是忍不住 無論服務, 座位, 食物材料, 味道, 完全唔同晒.星期五晚上7時, 2位, 無訂位, 第一句: 2位, 個半鐘交枱, 有無問題? 吓!! 心諗唱K 或是 放題咩? 唔緊要, 食快D無問題, 點知就是座門口的2人枱, 好似邊道有位就硬加張2人枱, 隔離張椅貼住我地張枱, 好似一齊食飯!! 唔緊要, 但是D食物就唔得.上海素鵝 好乾, 用4至5層的腐皮包一層黑漆漆, 腐皮咁薄的唔知咩餡料? 我相信是素菜, 無味, 唔好食 牛肉炒拉麵 唔算太油, 可以接受, 牛肉都嫩, 可以切細塊D重好, 不過醬油味道好濃, 勁多老抽, 自問都喜歡食濃味食物, 都覺得過份, 扣分砂鍋雲吞雞 有9 or 10粒雲吞 + 幾條菜 + 半隻雞, 無特別, 味道ok, 飲完個湯後, 個人覺得口渴.素菜蒸餃 層皮太厚, 要熱食, 攤一陣就被吹凍左, 層皮乾到變硬皮, 剩食餡料, 味道都ok最重要是埋單時, 已經問有無信用卡有折, 佢地話 "無" , 而家唔係用Citibank 埋單有9折咩 ?? 總括是一間都算出名的湘川滬菜, 我都食好左幾年, 一次差過一次, 如果有其他選擇, 可以去其他地方吧.....

湘川滬餐單提供川菜, 四川, 滬菜, 上海, 湘菜, 湖南, 中菜館等推介美食位於旺角區，餐廳座位數100人均消費約$101-200，結賬可以用Visa,Master,現金。

您對於旺角餐廳「湘川滬」有何 comment？

湘川滬餐廳詳細資料：

• 湘川滬地址:
  旺角太子道西193號新世紀廣場5樓509-512號舖
  China Land Restaurant, Shop509-512,5/ F, Grand Century Place,193 Prince Edward Road West, Mong Kok, Hong Kong, Mong Kok
• 湘川滬電話:  
• 湘川滬價錢: $101-200
• 分類: 川菜, 四川, 滬菜, 上海, 湘菜, 湖南, 中菜館
• 座位: 100
• 付款: Visa,Master,現金
• FB專頁: 湘川滬 Facebook

更多湘川滬相關資料:

• 湘川滬分店
• Youtube
• Facebook
• Twitter
• Google