正御品居甜品 旺角

正御品居甜品 評價 相片

甜品好多時都見人見致, 有人鍾意芝麻糊有椰汁味, 有人要粗粒d, 各有所好呢間甜品就係食d特別的甜品, 傳統個d 就見有咩特出. 佢有特色的就係 芒果腸粉 真心湯圓 木槺布丁, 其他未試 芒果腸粉椰汁皮包芒果, 芒果鮮甜多汁, 不過皮略嫌唔夠椰. 不過我d fd就好鍾意 真心湯圓同花心湯圓一樣都係透明皮包唔同料 有菠蘿,紅豆, 仲有唔記得, 不過就好滑口, 好似食緊和果子, 正!! 木槺布丁 鍾意食tiromisu餅底的人會好鍾意, 成杯就好似個餅底, 不過有幾層, 超正, 勁鍾意 環境好乾淨平日去人流唔多, 好適合飲o野傾計, 假日就唔得啦. 其實大家同朋友食野都係鍾意傾下計, 唔使趕住走, 佢地就係咁, 我地玩埋game都仲得, 老闆仲叫我地慢慢玩tim! 價錢就同其他甜品差唔多. 廿多蚊, 呢類型的甜品都係咁的價, 但唔使俾人趕地點就唔多就腳, 不過都係隔一條街, 由好景行去都係幾分鐘 服務 小本經營, 得老細同一個女仔, 自己生意, 服務自然好啦, 仲有心機同你介紹有咩好食.

同朋友0係附近睇野戰用品，我口痕痕，話不如兜下有咩好食，見到呢間甜品店，見到入面好多「牆紙」(即係好多剪報貼0係度)就試一試。

入到去，同一名好殷勤介紹甜品0既年輕男子傾傾，原來佢就係老闆兼廚師喇﹗佢話之前呢度有4個老闆，而家淨係得佢一個撐，都幾辛苦。

我地點左五彩池同芒果腸粉，前者個樣可以睇圖片，有好多生果，都砌得幾靚，而且都甜度適中，係消暑0既好選擇；後者因為之前太多人post過，都係唔浪費openrice版面唔upload了，其實之前石磨坊都食過類似0既東東，所以唔會有好大驚喜，只係想試下個口感係點，又真係幾爽口彈牙，幾好食。

可能都係甜野，吸引左幾隻小烏蠅黎，希望下次見唔到啦﹗呢間野真係幾隔涉，又冇咩宣傳，希望老闆仔可以撐得住~

前幾日,同舊同事2名去MK食糖水.其中1位對食不太呵求的同事話呢間唔錯,見冇人,不如就呢度.其實小弟以前嚟過,質素只屬極度普通,敏敏哋。

入到去,諗住叫一個玻璃上貼住嘅雜誌上其中推介既一碗有百合,紅豆既糖水.心諗會穩陣d.點知個女waitress話冇.咁算啦,叫碗合桃糊。

嚟到,碗嘢杰過乜,可以用匙上既糊滳落碗度寫字囉!冇合桃味,得個甜字,好多合桃都未成糊,勁多粒粒,人都癲!食咗一啖,完全冇可能再劑多一啖落口,絕無誇張.友人嗰碟成29蚊既芒果腸粉,芒果好幼,汁少,皮不煙韌,坦白講,請我都唔食,仲要貴成咁,攪邊科????最大罪既係,呢間嘢已經唔係叫御品居,係叫糖苑,但佢既裝修,格局同御品居一模一様,仲要連介紹御品居既報章雜誌都唔拎走,當牆紙,擺名揾笨兼不忠實!!十個離譜!我奉勸大家咪中計!亦懇請openrice update資料.

1/16, 食完正餐, 同幾個朋友一齊入嚟呢度食嘢, 其中一個朋友叫咗碗烏冬, 佢話出奇地幾好食!另加呢個「鮮芒腸粉」, 我都幫襯咗幾件, 好似好食過年幾前嚟試既時候喎~~~ 而我哋就一人一個甜品, 我今次好快就諗到「熱芝麻糊」!! 唔知點解突然只想食呢個咁簡單既糖水!都ok 既! 唔甜, 但唔夠香, 都係杏花樓好食啲! 不過另外兩個朋友叫咗啲自選鮮果糖水就話唔好食喎~~~仲有碟糯米滋, 不過我太飽, 冇試, 但朋友話都係嘛嘛! 睇嚟呢間嘢都係得小部份嘢好食咋喎.......

第一次去呢間鋪頭食甜品, 都唔錯。

唸住食炸蝦多士但係未有得食。

所以叫左一個熱嘅豆腐花同炸雪糕。

個豆腐花暖嘅....唔講得上係熱....仲要啲豆腐花散嘅....唔係一片片....不過味道都okay。

食完個豆腐花個炸雪糕先到。

不過真係好好味...有小小油膩...不過舊雪糕就KEEP到好硬同好凍...等都值得。

最後梗係要講....個老細好靚仔。

正御品居甜品餐單提供港式, 甜品, 糖水, 小食店等推介美食位於旺角區，餐廳座位數30人均消費約$50以下，結賬可以用現金。

您對於旺角餐廳「正御品居甜品」有何 comment？

正御品居甜品餐廳詳細資料：

• 正御品居甜品地址:
  旺角廣華街3號百利達廣場地下1號舖
  Grand Royal Dessert, Shop1, G/ F, Paradise Square,3 Kwong Wa St. M K, Mong Kok
• 正御品居甜品電話:  
• 正御品居甜品價錢: $50以下
• 分類: 港式, 甜品, 糖水, 小食店
• 座位: 30
• 付款: 現金
• FB專頁: 正御品居甜品 Facebook

更多正御品居甜品相關資料:

• 正御品居甜品分店
• Youtube
• Facebook
• Twitter
• Google