扒王一哥 旺角

扒王一哥 評價 相片

今日同朋友出旺角買野，見到open rice食評幾好就黎試下，上到去好多人食緊，心諗無死啦，坐低落左2個扒餐，有薯條任食，凍奶茶，店員問我地要幾多成熟，我地都係叫左5成熟，等左陣黎到發現2份都係全熟🤦🏿‍♂️個黑椒醬既黑椒味太重有d咸，凍奶茶黎到得返小小溶左既冰碎係面飲落仲有d苦，應該係個茶底煲得太耐。

為一好既係店員服務態度非常好，見我地食晒d薯條過黎問我地仲洗唔洗加，唔夠可以再叫。

但應該唔會再黎

我是在星期一致電去問，會否因疫情下影響星期六營業，女職員好有禮貌解答又問我要唔要book 位，book 左會安排靚位，我聽落覺得女職員講得好有親和力🤣🤣🤣我是星期六下午3點去食，已經有下午茶餐，不過覺得$88的扒餐更吸引，還有任食薯條！🤤我與朋友都叫了鐵板黑椒汁牛柳，7成熟。

朋友就覺得可以叫5成熟，我個人覺得7成熟都好好味。

牛扒的量都足夠1人進食，再加上粟米＋瓜而味道方面都是好的係對等起個價錢另外薯條我們2人叫了扒餐，只俾了1份我們，好快就食完再加，發現2次食薯條都是熱的，好似即叫即炸的感覺餐廳環境，只有4張枱是窗邊位，其他都是中間長枱有隔板。

3點時間去食人流不多，都有不少 walk in 客人是坐窗邊2位，不過都要看運氣🤣

開咗21年嘅扒王之王細個就聽得多，但未食過，而架好似得返沙田分店😹最近上網見到佢開左新線－ 扒王一哥，亦都係主打食扒嘅～午餐又有優惠做緊，所以決定試下！！鋪頭開咗喺Sky726七樓，除咗呢間，棟嘢都仲有好多餐廳，而大廈門口已經可以見到扒王一哥嘅餐牌～上到去有隔板隔住座位同lift👆🏻而且就會見到👇🏻扒王大大個招牌👍🏻12點過啲黎到已經有幾檯客啦～咁我都算早黎，坐左係窗嗰邊，可以望住彌敦道👆🏻！而窗口位只有幾張，仲見有人book咗添，所以想坐窗口位就要早啲啦😹👇🏻中間嗰啲位就會逼少少～午餐餐牌有幾張，就係👆🏻呢張特價午餐 吸引咗我黎食～三款都係抗疫優惠價38蚊！加埋一都只係42蚊！講真價錢係好抵架啦，同你喺大家樂、大快活食個餐差唔多～👆🏻而其他午餐就同出面正常價錢差唔多，加埋一60蚊起～👇🏻平食扒黎講，依然都係幾抵架😹叫咗餐之後，店員拎碗羅宋湯黎～我話我無加錢要湯，隔離檯就同我講碗湯係送嘅～😹😹😹我諗可能開張無耐送掛😆(原本餐牌寫餐湯加8蚊)又幾好飲，番茄味幾濃又有啲辣辣地，幾開胃👍🏻S4 煎蒜蓉汁牛扒飯🐮🍛牛扒係預先砌好👍🏻唔洗用刀，方便～正常份量，牛扒都算多，而且咬落唔un又唔會太淋！而🧄蒜蓉汁都幾香～飯就比較多😅😹飲品熱檸檬茶就細細杯，如果大杯啲就好啦～但整體真係幾好，平得黎又好味👍🏻

見到廣告話想試下呢間平價扒房，嗌左個午餐牛仔柳連任食薯條 HK$ 88 + 10%，唔貴之餘性價比黎講非常高~ 牛仔柳啖啖肉冇筋好易切，肉質有水準冇平價牛扒餐會食到嘅梳打粉，薯條都係熱辣辣新鮮炸，食落口諗番起以前細個喺舊式快餐店食到嘅薯條味道~ 侍應叔叔非常殷勤友善，席上好多家庭客真係客人一檯接一檯👏👏 一定會有下次，亦都推介大家過黎👏

只要$88你就可以食到10安士牛柳，包餐飲，湯飲，而且新鮮薯條無限任加。

呢間樓上鋪扒房真係價錢平民而又大份，特別係中午，都係38蚊咋，今日我放工之後一條友走去試，叫左個‘鐵板黑椒牛柳餐配飯 ’，3塊厚切，而且重10安士，真係無揸流攤，肉質都唔係hea你個隻，入口都嫩，牛柳唔會整到好韌。

如果經過旺角而又想平平地咁食扒，可以一試呢間。

P.S. 所有圖片都係真實圖片，沒有加filter。

扒王一哥餐單提供西式, 美國菜, 扒房等推介美食位於旺角區，餐廳座位數60人均消費約$101-200，結賬可以用Visa,Master,現金,Apple,Pay，Booking訂位可以電話致電 37059028 查詢。

您對於旺角餐廳「扒王一哥」有何 comment？

扒王一哥餐廳詳細資料：

• 扒王一哥地址:
  旺角彌敦道726號7樓
  RIBX, 7/ F,726 Nathan Road, Mong Kok
• 扒王一哥電話: 37059028
• 扒王一哥價錢: $101-200
• 分類: 西式, 美國菜, 扒房
• 座位: 60
• 付款: Visa,Master,現金,Apple,Pay
• FB專頁: 扒王一哥 Facebook

更多扒王一哥相關資料:

• 扒王一哥分店
• Youtube
• Facebook
• Twitter
• Google