御．八幡屋日本料理 旺角

御．八幡屋日本料理 評價 相片

當日打算去打邊爐，第一次來，結果日式放題食物質素好過打邊爐配料，湯底淡而無味，點選配料永遠都唔足夠。

一般來說，198一位這個價錢，加一再加上我們選擇4鍋湯底，需加68蚊。

價錢一般，但這個價格，旺角有更好的可選擇。

這次飯局也會有點失望。

因為一心打算來食火煱，見到派傳單員積極，加上傳單吸引。

御．八幡屋，聽說是八幡屋日本料理的高級版!!環境比樓上9樓八幡屋日本料理闊落好多，食物都同出面有點分別~各有特色吧!9樓有的食物種類御八幡大部分都有，另外仲多左很多特別食物~此乃韓式拉CCCCCCC芝士雞!Wow so crazy!熱辣辣鐵板上，芝士多到滿瀉，炸雞香脆加埋芝士，啖啖芝士，正!刺身新鮮，，生蠔好大隻，好鮮甜，食十隻都唔夠!磯燒海鮮，係今次嚟御．八幡屋嘅重點!鮑魚、大虎、帶子、蟹蓋、蟶子，都係任食GA!!!!甜品種類亦好多，特別推介:揚枝金露，濃郁芒果味，好足料，果肉豐富，

《八幡屋日本料理》…… 熟悉旺角美食的吃貨，相信一定不會陌生，這店位於旺角兆萬中心，對於經常尋求性格比高的小資女 BeautySearch 來說，更是這兒的常客。

不過，由於早前發現自己的身型一天一天在增長，BeautySearch 唯有忍一忍口，已有一段時間沒有前來用餐了。

早前與友人在旺角行街，途經兆萬中心時，商場前熱烈派發傳單的人群，忽然說 3樓新開的八幡屋空間大、美食多，令 BeautySearch 不禁停下來看個究竟！原來，《八幡屋日本料理》在商場的 3樓增設了分店，名為《御．八幡屋日本料理》…… 這裡的空間的確比 9樓的店子更大更闊寬，而且卡位雅座數量大增，在這裡進餐就更為舒適。

新店位處 3樓，剩搭扶手電梯直達，不用再轉搭升降機，非常方便。

食物方面，原來沒有到來一段日子，安排上也有新的變化，除了增多了一些新的食物選擇外，附加食物除了『升級料理』，還多了『磯燒放題』，而且附加收費非常超值，分別是每位 HK$60 及 HK$30，BeautySearch 見這麼久沒有前來，便決定豪一次，選擇同時附加兩款食物。

點選『磯燒放題』時要注意，店子已安排了一客食材給顧客，因此，可先看看是否足夠，因為當中已包括了：飽魚、半殼帶子、大赤蝦及北海道燒蟹蓋等，相當豐富，續後當然可繼續加單，但要留意，部分食材是需要另外收費的。

職員把食材放上爐後，會提示我們每款食材所需時間，確保食客可掌握最佳燒製時間。

輕輕鬆鬆，一邊進食其他美食，一邊燒製，十數分鐘後便可享用。

『磯燒放題』中，我最喜歡當中的北海道燒蟹蓋，蟹蓋注滿蟹肉、蟹籽及調味拌材，材料豐富，十分香口味美。

除了『磯燒放題』，當然少不了刺身放題，刺身膽拖依舊是我最愛的劍魚腩刺身，由於不是每間放題也有劍魚腩刺身提供，所以，在八幡屋，爽口鮮味的劍魚腩刺身成為我必點的刺身，當然，不能不搭配肥美爽滑兼厚身的「三文魚刺身」、鮮甜爽口的「鮑魚片」、鮮甜彈牙的「八爪魚刺身」，以及嫩口鮮味的「帶子刺身」等。

當然不可錯過『升級料理』中的美食，當中 BeautySearch 最愛的「味醂魚乾」伴以香濃醬汁而上，魚乾本身味道已相當香濃，十分有嚼勁，蘸上沙津醬汁，又是另一番風味。

「澳洲和牛壽司」就更令人驚喜，和牛肉味香濃肉質鮮嫩，薄切處理，輕燒後約 6成熟，外表嫣紅，是 BeautySearch 喜愛的成數，肉香四溢，入口時更能體會當中鮮甜的肉汁，口感爽嫩，滋味無比。

蝦子餅最愛這裡鮮嫩兼彈牙的「鹽燒虎蝦」，雖然，這夜沒有他的份兒，但 BeautySearch 也習慣了第一時間點選一打而上，幸好友人同樣喜歡吃蝦，加上廚師調味適宜，虎蝦燒得恰到好處，，鮮味中嚐到海鹽的淡淡咸味，試問又怎可不吃？唯一美中不足的，是這夜沒有蝦子餅替我拆蝦殼喔！這裡還有數款新推湯品選擇， BeautySearch 揀選了「人蔘雞湯」 ，熱烘烘而上，正好適合這秋涼天氣享用，加上用料足，每一口都透出淡淡的人蔘氣息，回甘，叫人細味當中滋味。

甜品方面， BeautySearch 最愛這兒的泡芙，外表軟綿綿內裏甜絲絲，相當味美。

往日下單時，沒有選擇機會，朱古力和忌廉泡芙，BeautySearch 偏好忌廉泡芙，往昔只能碰碰運氣，如今，我可以主攻最愛的忌廉泡芙，實在太幸福了！

老婆知我鍾意食海鮮，登特訂左台黎食日式磯燒海鮮放題，我地都算早去到，估唔到平日晚上都幾多人，好才重新裝修過，座位都寬敞舒適。

入到去見到飲品以自助形式，有多款汽水，仲有啤酒、清酒提供，另外仲有雪條自助雪櫃。

老婆話食好D，所以加錢升級，包括特定的野食，好似和牛壽司、黑松露海膽蒸蛋等等，呢度的食物種類多選擇，整齊分類好等客人容易落單，至於磯燒北海道燒蟹蓋、鮑魚亦可以另外俾錢單點~磯燒方面客人可以自己燒，餐廳有提供鹽、清酒自行調味，有唔明亦可以問店員。

首先會按照客人數目送上免費的磯燒海鮮拼盤，有北海道燒蟹蓋、鮑魚、扇貝、大赤蝦，如果升級左的客人可以食完再點，普通放題的亦可以逐款加錢點。

北海道燒蟹蓋非常鮮甜，濃濃的蟹味啖啖肉，鮑魚、扇貝、大赤蝦新鮮又大大隻。

其他磯燒海鮮我覺得生蠔、青口、蟶子都非常唔錯，食材新鮮 ，仲有蔬果類可以選擇，老婆超愛燒菠。

第一次食海膽就是呢個黑松露海膽蒸蛋，熱熱，海膽份量都大塊，味道鮮甜，下次可以挑戰海膽刺身，蒸蛋有淡淡的黑松露味，令我有驚喜。

放題任食亦有好多野食，好似刺身有多款選擇，如三文魚、虎蝦、希靈魚、象拔蚌、赤貝等。

壽司款式多，一口大小可以食多幾件。

燒物即刻燒，必食牛舌、日本甜薯，特別羊架燒得好好，仲有芝士焗生蠔等。

炸物方面連炸芋丸、炸榴槤都有，仲有炸雞軟骨、雞翼等、烏冬、關東煮等等。

仲可以點精選甜品，包括泡芙、布朗尼、楊枝甘露、櫻花奶凍等，我自己就比較少食甜食，兩個人食到超級飽，如果同一大班朋友黎仲開心，可以點更多唔同的食物。

之前食過<八幡屋>的火鍋覺得非常五錯， 一直好想試下它們另一間以磯燒放題的主題店， 最近知道呢度重新裝潢，決定帶老公仔去食~店內空間都幾大， 坐位之間唔會太過擠迫，仲有沙發卡位， 我地去到七點左右，雖然係平日夜晚，但已經八成座位坐滿~ 呢度是以放題形式任食，難得兩個人拍拖食飯， 我地選擇加錢升級體驗，可以任點特定的美食~ 點餐紙用左顏色&字母分類， 例如磯燒海鮮類、壽司類、刺身類、米炸物、燒物等多達數十款不同種類的美食~磯燒方面客人可以自己燒，提供鹽、清酒， 可以因應自己的喜好去調味~ 店員會先送上一個“磯燒海鮮拼盤”， 係按照客人人數計算免費送的， 非常豐富，有北海道燒蟹蓋、鮑魚、大赤蝦、扇貝， 因為我地升級體驗，所以可以食完再點，當中最愛“北海道燒蟹蓋”蟹膏非常鮮甜~ 鮑魚都算大隻，口感煙韌~ 扇貝新鮮肥美~ 其他任食海鮮有生蠔、青口、蟶子、海蝦等， 食材新鮮 ，選舉都五少，仲有燒蔬果類如椒、菇、菠蘿等~另外升級體驗必試“黑松露海膽蒸蛋”， 熱哄哄的，上面有大大塊海膽， 食落淡淡的黑松露味，個底仲有蟹柳~“八幡一品海鮮湯”望落好清，的飲落鮮甜， 入面仲有海鮮材料~“生蠔刺身”大大隻肥美十足~ 放題任食亦有好多野食，例如刺身方面都有十多款選擇， 如三文魚、象拔蚌、有頭甜蝦、虎蝦、赤貝等， 我鍾意切得薄薄地可以食多幾款~壽司亦係我最愛的食物，款式多醋味剛剛好， 而且一口大小岩岩好~燒物即點即燒，味道香濃， 最推介“鹽燒雞翼”及“燒牛舌”~仲有邪惡的炸物，特別係“炸芋丸”、”炸榴槤”，食完仲想食~甜品方面除左有自助任食的雪條之外， 仲可以點不同味的泡芙、布朗尼、楊枝甘露、櫻花奶凍等精選甜品~啤酒汽水、連清酒都係任飲的~ 食完真的大滿足!!!

御．八幡屋日本料理餐單提供日本菜, 壽司, 刺身, 串燒, 日式放題等推介美食位於旺角區，餐廳座位數未知人均消費約$101-200，結賬可以用現金，Booking訂位可以電話致電 21511000 查詢。

您對於旺角餐廳「御．八幡屋日本料理」有何 comment？

御．八幡屋日本料理餐廳詳細資料：

• 御．八幡屋日本料理地址:
  旺角西洋菜街1號兆萬中心3樓301號舖
  Superior Yahataya Japanese Restaurant, Shop301,3/ F, C T M A Centre,1 Sai Yeung Choi Street, Mong Kok
• 御．八幡屋日本料理電話: 21511000
• 御．八幡屋日本料理價錢: $101-200
• 分類: 日本菜, 壽司, 刺身, 串燒, 日式放題
• 座位: 未知
• 付款: 現金
• FB專頁: 御．八幡屋日本料理 Facebook

更多御．八幡屋日本料理相關資料:

• 御．八幡屋日本料理分店
• Youtube
• Facebook
• Twitter
• Google