小飛象葡國燒烤餐廳 旺角

小飛象葡國燒烤餐廳 評價 相片

今日又兩個人向旺角搵食...諗左好耐食咩見無咩點食過葡國野就上黎食下啦!見到都幾多野食下....D set仲做緊7折叫左一位最平ge set $88之後另叫兩款小食先講講兩款小食先啦1)炸馬介休球恕小女子無知...其實我唔知咩叫馬介休...淨係知好出名友人話係葡國ge鹹魚....食落我覺得係整過ge炸薯仔球咁囉...哈哈~不過我幾鐘意食，熱辣辣幾好食2)肉醬焗薯皮出乎意料好好味呀！唔似得出面D socalled肉醬ge茄汁...真係好多肉ge肉醬囉D薯皮絕對唔係樹皮，仲係脆脆地又鬆化一個字:正！Set 裡面有5樣野加朱古力電糕pancake同一杯餐飲1)唔知咩咩薯仔湯睇落唔覺有薯仔...但飲落有薯仔個味道幾好飲...仲幾大碗tim..可以分多一細碗出黎~2)芝士白法焗生豪呢個只可以叫OK...唔覺有豪味...幾鐘意佢D芝士可以拉得好長好長...我覺得好好玩小女子好少見茶餐廳D芝士可以拉得長最重要係...我覺得佢墊底D薯蓉好好味~哈哈3)燒沙甸魚拼葡式雜菜燒沙甸魚要吱D 0檬汁落去食...感覺似日本果D燒魚...我鐘意食！個雜菜就好麻麻地...無咩味咁....都OK ge4)燒豬肋骨配飯豬肋骨我以為佢係有燒汁果D...點知唔知食落都幾好味呀...D味幾特別不過可能有D人唔鐘意...但幾合我口味舊骨都幾juicy..一D都唔乾...但D飯一人食左一啖就無食...因為實在太飽喇！埋單$176...都OK呀食到食唔晒...個肉醬焗薯皮真係好好食順帶一提~佢D服務真係好好...一級捧！

同個fd兩個人食左218蚊~首先勁快就上左「馬介休炒飯」....逼住要先食...好普通，無味無道，不試也罷。

等左好耐，終於有「紅酒燴牛尾」，味道都okay，但係食多兩淡就覺得太鹹，而且食到有少少焦味。

之後，主角「豬肋骨」出場，賣相奇差，無汁...干到七彩，食落太大陣檸皮味，實左令人聯想起洗潔精的味道。

好。

除夕夜都太把位剩，最適合趕唔切訂位既人士 !!BAD EXPERIENCE !

一黎先送左碟燒羊脾我地試食味道唔錯值得一提既係燒牛仔骨燒得岩岩好葡國雞比其他葡國菜黎講算係好waiter幾好笑容最唔好係有兩碟飯遲左黎d餸食晒先黎

12月7日去食, 慶祝爸爸生日, 見openrice 最近食評都幾好, 黎試一試去到餐廳, 連埋我地得兩枱人, 心感不妙..叫左燒風膳 勁少....得六舊細細舊... 雖然係話$45, 但係個樣present出黎好唔大方兩份牛仔骨呢個就幾好食, 幾香紅酒牛尾 味道一般la燒羊脾2磅半 一d羊ge感覺都冇... 又乾...海皇湯 有d"海鮮"物體ge 忌廉湯, 無乜特別炒耶菜正常~有個類似香橙骨ge野(唔記得叫咩名, 佢個名好聽好多) 食落就係香橙骨咁la, 家姐就覺得似洗潔精味佢仲唔聲唔聲送d燒羊比每枱客, 落order o個時又唔講, 好在我地嗜羊, 如果唔係我會唔開心囉... 自己叫左羊又送羊..咁鬼多羊...d侍應超級唔識做, 個個d感覺都好似新黎咁, 講野又細聲我地有個蛋糕諗住食完飯上la, 點知成張枱d野執都未執就想放個蛋糕落黎... 張枱一個位都冇, 又污糟, 點放個蛋糕落黎呢?? 要"喝"住佢地, 佢地先識執左d野先仲有~ 佢地用恒生咭簽賬係有九折ga! 你唔問佢唔會講, 記住問!! 不過只限散叫, 套餐冇折

昨天朋友生日, 找找下便到了這間, 其實多年前已來過我們二人點了燒風鱔 – 特價 $45 ,好吃, 大件, 我們好彩的是那碟特別肥美, 雖然不是太脆, 另碟上還有沙律跟馬介休炒飯 – 一般紅酒牛尾煲 – 很大煲,而且很 “林”蒜蓉炒什菜 – 很多款菜, 而且不是太多 “平菜” , 例如有西蘭花, 菇, 椰菜等另外每人送了兩件羊脾, 可惜硬到咬不到生意應該可以好一點, 因為那個中心很多食市都關門了

小飛象葡國燒烤餐廳餐單提供葡國菜, 湯品, 燒烤, 咖喱, 西餐廳等推介美食位於旺角區，餐廳座位數110人均消費約$51-100，結賬可以用Visa,Master,現金。

您對於旺角餐廳「小飛象葡國燒烤餐廳」有何 comment？

小飛象葡國燒烤餐廳餐廳詳細資料：

• 小飛象葡國燒烤餐廳地址:
  旺角西洋菜街1號兆萬中心8樓
  Little Flying Elephant Portuguese Restaura, 8/ F, C T M A Centre,1 Sai Yeung Choi Street South, Mong Kok, Hong Kong, Mong Kok
• 小飛象葡國燒烤餐廳電話:  
• 小飛象葡國燒烤餐廳價錢: $51-100
• 分類: 葡國菜, 湯品, 燒烤, 咖喱, 西餐廳
• 座位: 110
• 付款: Visa,Master,現金
• FB專頁: 小飛象葡國燒烤餐廳 Facebook

更多小飛象葡國燒烤餐廳相關資料:

• 小飛象葡國燒烤餐廳分店
• Youtube
• Facebook
• Twitter
• Google