大巴窰海南雞 旺角

大巴窰海南雞 評價 相片

由於星期六晚約左成大班好朋友去捧千嬅於是我地就起黃埔一帶流連喇去搵野食醫肚既時候我地去左黃埔UA留下的美食坊度搵食我朋友話呢間野好好味哈哈........竟然係大巴窰海南雞入度去好似急住開舖咁~~冇咩裝修咁黑蚊蚊....比個感覺好似好慳電咁去到得下午茶食成班朋友每人叫一碗麵每碗麵既價錢係$17蚊我地叫左香茅豬扒粗香茅雞翼粗炒麵等等味道不俗但.....唔夠食17蚊真係17蚊2啖麵食晒成碗野於是我地決定去波波玩完再等多陣先再食過如果唔係今晚點有力睇千嬅演唱會2007呀

呢間野好似由朗豪坊開幕至今都一直存在,我都好少幫襯,前兩日去食晚飯,見到隔黎pepper lunc鬼咁多人,連韓國野都係迫爆,唯有黎呢度睇睇,呵呵,最吸引我既竟然唔係佢sell既海南雞,反而係什菌湯麵,見到有唔同種類既菇菌,清清地,又夠大碗,呢度其他食無咁既選擇,而且22蚊連飲品,比起pepper lunch最平都40蚊更為划算,於是落左order!食後感係...一般啦!個麵真係好清,清到好淡,至於菇,其實無想像中多,大概只有三款什菌,不過個麵就真夠大碗,所以都夠飽肚,只可以話係合格!

第一次去longham food court睇完最想食都係海南雞初初睇見$48 一個餐望真d 原來$38 果個都係餐只係多十蚊有埋串燒怕太飽於是要$38 果個餐飲熱檸茶唔錯, 檸檬好香例湯無味精o既感覺, 又唔太鹹雖然唔係好知係咩湯只見到紅蘿蔔同不知名o既菜不過好好飲講番個飯先油飯乾身唔太重味, 唔錯雞肉好滑雞皮下有jelly唔太肥仲好有雞味一向意見多多o既朋友都大讚睇相唔係咁睇到果度其實都幾多雞雞下面仲有d 青瓜粒好爽脆不過略為鹹左少少$38 好抵食個人認為好食過南香好多

雞不算多,但新鮮,皮肉滑,不肥;酸辣醬調較味道適中,很醒胃,有舊式海南雞飯的感覺;雞油飯中規中矩,個人認為如能煮得軟熟些會更好入口;餐湯稍細,火候足夠,尤其那塊湯骨完全稔晒,很好食.整個海南雞飯夠水準.其它如:沙嗲串燒中規中矩,沙嗲醬調較得很好,花生味香濃;1價錢$48,還有熱飲送,算抵!

其實已幫襯此店多次了，因在附近返工，食lunch 堂食或外賣都方便。

到目前為止，本人每次都只order 海南雞飯單叫或跟餐。

叫套餐的分別就係多個湯及沙嗲串，多十蚊。

一客海南雞飯套餐很夠份量，1/4 海南雞、配菜、雞油飯、4 串沙嗲串、餐飲及餐湯，50 蚊有找，都抵食。

海南雞肉非常鮮嫩、不肥、滑淜的口感、有肉汁、雞咪濃、薄薄一層皮下脂肪剛剛好，配以酸醋及子薑蓉一齊放進口，非常醒胃，再扒啖不油不膩的雞油香飯，真是天依無縫﹗餐湯亦做得不錯，今次是意米冬瓜湯，有雞湯味，不太重味，飲完不會覺濟。

配菜都經常轉，普普通通的烚菜，試過有豆角、椰菜花、大白菜、蘿蔔等。

到沙嗲串，有雞或豬選擇，所以揀豬。

味道無咩驚喜，厭口感較粗，之前都試過雞串，食後感一樣。

但沙嗲汁就做得非常正宗，很香甜的花生味。

啲員工全部都係阿姐黎，都非常殷勤。

因此地係food court，所以都無咩特別，一般的快餐店四人硬膠椅囉，洗手間都很乾淨。

總括而言，海南雞飯係首選。

佢地重有滷水豬手，很香、賣相很好，下次一定要試試。

大巴窰海南雞餐單提供新加坡菜等推介美食位於旺角區，餐廳座位數未知人均消費約$50以下，結賬可以用現金。

您對於旺角餐廳「大巴窰海南雞」有何 comment？

大巴窰海南雞餐廳詳細資料：

• 大巴窰海南雞地址:
  旺角亞皆老街8號朗豪坊4樓
  Toa Payoh, L4 Langham Place,, Mong Kok
• 大巴窰海南雞電話:  
• 大巴窰海南雞價錢: $50以下
• 分類: 新加坡菜
• 座位: 未知
• 付款: 現金
• FB專頁: 大巴窰海南雞 Facebook

更多大巴窰海南雞相關資料:

• 大巴窰海南雞分店
• Youtube
• Facebook
• Twitter
• Google