Ice Puff 旺角

Ice Puff 評價 相片

阿華田脆脆格仔餅經過呢間舖頭已經聞到好香嘅雞蛋仔同格仔餅味, 所以忍唔住要買返件試下🤭 店舖出名賣唔同口味嘅雞蛋仔, 甜味同鹹味都有得揀, 有選擇困難症嘅小妹樣樣都想試😂 最後同行嘅"大佬"提議試另一個招牌菜, 超厚格仔餅🤤✾大概等左67分鐘, 一路等一路聞到好濃好香嘅格仔餅味, 越聞越肚餓🤣 老闆整完拎出嚟嘅時候, 我地見到都忍唔住嘩左聲, 因為真係好厚身, 而且大大件😆 即整嘅餅底熱辣辣又脆口, 中間夾左好多阿華田醬, 極度邪惡😈 好彩有"大佬"一齊share, 唔係小妹未必食得哂咁大件嘅格仔餅😂 但呢個格仔餅絕對係大件夾抵食!👍 唔知店舖嘅雞蛋仔好唔好食, 見唔少人都有幫襯過🤔 而且佢嘅雪糕雞蛋仔都好吸引, 下次再去試下先❤️

雞蛋仔食唔少，但高質嘅雞蛋仔唔係到到有，旺中呢間行過已經聞到好香，所以今次黎左試下～雞蛋仔有好多口味可以揀，連鹹嘅雞蛋仔都有，例如洋蔥鹹牛肉同埋黑松露味，有機會真係想試晒所有口味😝•🥢 阿華田脆脆雞蛋仔 $29以前試過喺其他店食過好求其嘅版本係整好個原味雞蛋仔，然後搽一pat阿華田脆脆醬喺面😥不過呢到係阿華田/朱古力味嘅漿，加埋大量阿華田脆脆醬喺雞蛋仔入面，食到每一啖都有脆脆🤩整體有少少甜，但都有淡淡嘅麥芽香～雖然加左脆脆醬喺中間，令到雞蛋仔嘅餡少左，不過雞蛋仔都有做到外脆內軟，再加埋脆脆，口感好豐富～😋•🥢 黃金咸蛋黃雞蛋仔 $32咸蛋黃份量好多，每粒都有，但食落唔會太膩，不過蛋黃會令到雞蛋仔本身冇咁脆，有啲可惜•🥢 原味超厚格仔餅 $23格仔餅係超級厚(可以碌去後面睇相)，外脆內軟，唔係得個面脆嘅空心格仔餅🤩夾係入面花生醬、煉奶、牛油都好足夠，唔會食到一半冇醬，但傳統格仔餅會咬到有明顯嘅砂糖，呢個就唔太覺有，可能比格仔餅本身嘅脆吸引左，冇留意到啦～

<超多人推介既極黃雞蛋仔💛 ɪᴄᴇ ᴘᴜғғ🌈>口味款式眾多～有鹹有甜(伯爵茶、鹹蛋黃、黑松露芝士等✨)阿華田麻糬雞蛋仔 $35 (6/10)外層烘得非常香脆！🤤內餡豐富 有華田脆脆醬同麻糬💕麻糬偏軟身 略欠煙韌口感 同想像有啲出入😳而且整體甜度偏甜 食到有啲膩😣有少少失望..我都係鍾意媽咪雞蛋仔多啲🙈...

之睇係youtude睇人介紹掃旺中野食，睇到利間 即刻心心眼想試🤪好多人都話足料 又外脆內軟 又可以加6蚊有麻薯超正😝一於今日黎試下🥳計我話食落係真心外脆內軟，但我厭有d甜，愈食愈甜禁🤔🤔🤔但佢有得加麻薯已經幫佢加返分！真心吾係到到有得架🥺❤️整體黎講 我比7.5/10分大家都可以一試🤟🏻😛

其實以前成日行旺中經過,，但係都無試過。

因為要做到高質既雞蛋仔一D都唔易，所以好驚會中伏而無去試。

我依家發覺呢個諗法其實唔係咁岩，因為會好容易錯過左一D好味高質既店。

店面細細，本身唔起眼，但依家經過會被佢黃到金既光芒吸引。

第一次試左佢既人氣之選「阿華田雞蛋仔」加$6要麻糬餡。

第一口，真係驚為天人(好似浮誇左XD但事實真係有呢個感覺)。

外脆內軟，脆到D碎跌哂落地，阿華田濃但唔會過甜。

裡面加左麻糬更加軟糯。

超好食呀~「點解可以咁好食架?」我真係咁樣問返收銀個呀姨XD老闆，你收唔收學徒呀?我真係好想學整雞蛋仔，將來萬一真係無路可逃要移民，都有一技旁身，將香港既雞蛋仔精神發揚光大!

Ice Puff餐單提供港式, 甜品, 糖水, 雪糕, 乳酪, 小食店等推介美食位於旺角區，餐廳座位數未知人均消費約$50以下，結賬可以用現金，Booking訂位可以電話致電 66255348 查詢。

您對於旺角餐廳「Ice Puff」有何 comment？

Ice Puff餐廳詳細資料：

• Ice Puff地址:
  旺角彌敦道688號旺角中心一期1樓F51舖
  Ice Puff, Shop F51,1/ F, Phase1, Argyle Centre,688 Nathan Road, Mong Kok
• Ice Puff電話: 66255348
• Ice Puff價錢: $50以下
• 分類: 港式, 甜品, 糖水, 雪糕, 乳酪, 小食店
• 座位: 未知
• 付款: 現金
• FB專頁: Ice Puff Facebook

更多Ice Puff相關資料:

• Ice Puff分店
• Youtube
• Facebook
• Twitter
• Google