Amplifier Restaurant 旺角

Amplifier Restaurant 評價 相片

今晚同朋友黎到旺角既Amplifier食晚餐～係呢d非常時期入座前探熱、消毒雙手呢d步驟走唔甩，餐廳亦會提供餐紙比你放口罩餐廳環境闊落舒適，窗口卡位特別係每個星期五至日都有live band啊，食住好西聽歌真係好鬼嘆，香港人壓力咁大週末係要好好放鬆下既呢度菜式都幾多選擇，價錢偏貴但都抵食既，尤其佢d 小食同drinks呢度都有得食生蠔～飲品好抵，我地撞正星期五黎mocktail有半價優惠，都幾抵飲啤酒就日日都有買二送一優惠特色小食拼盤（$158）呢個小食拼盤都幾抵食，可以用呢個價試到咁多款小食個人最喜歡佢幾燒豬肋骨，做得外層有少少焦焦脆脆地，咬落去d叉燒汁同肉汁滲出黎好正佢既魚手指都做得唔錯， 外層金黃色十分脆口，點埋佢隻蛋黃醬食真係一流如果人少少黎食叫呢個拼盤都唔錯，每樣都試到又可以留番個胃食正餐龍蝦汁海鮮手工義大利麵（$208）個義大利麵好彈牙，個醬汁酸酸甜甜，非常濃郁海鮮料好似魷魚、青口、蝦都幾fresh同埋煮得啱啱好，爽口彈牙燒西班牙脆皮乳豬南瓜義大利飯（$248）乳豬做得好脆皮，層皮就好似d豬肉紙咁薄咁脆但係d肉就有d少都薄至於d義大利飯就偏硬但配埋d濃濃既南瓜汁同埋海量既菇都算唔錯Exotic（$78）呢杯有Passion fruit, mint leaves, grapefruit, orange juice~Grapefruit 味好濃同埋偏酸，個人覺得麻麻地

一直都想搵有得聽Live band既餐廳，享受美食之餘仲聽下live band，今次搵左係旺角都有分店既Amplifier restaurant🤤不過餐廳唔係日日都有live band，最好打電話問一問餐廳有2人set或者4人set，主菜食威靈頓牛扒、巨型斧頭扒等等，仲可以散叫生蠔，如果唔想叫Set，都可以單點小食、意大利飯，選擇都相當多－－－－－－Beef Wellington Set 4.5/5整體套餐來說都係非常高質🥰上菜速度快，但可能坐近冷氣位置，食物好快就變涼，但不影響食物既質素Starter 4.8/5👍🏻清甜密瓜配意式帕爾馬火腿相當夾，牛油蒜蓉包好好食🤤好香蒜蓉味，邊位焗得非常香脆，羅宋湯亦好足料香煎鵝肝 4.8/5👍🏻鵝肝油脂肥美🥰煎至兩面金黃，齋食可能會好膩，所以配合蘋果製既汁，味道帶點酸甜，更有層次香煎北海道帶子意大利飯 4.8/5👍🏻帶子微微煎至半生熟狀態，非常鮮嫩同埋大粒，意大利飯好creamy，表面濕潤帶點黏黏的，有咬口之餘又唔會過硬，非常好食😋5小時慢煮澳洲M5威靈頓和牛 4/5反而我覺得主菜Wellington較為遜色😕慢煮牛肉理應係鎖住肉汁，肉質較腍，但當日食既威靈頓牛面層雖然鮮嫩但底部已經overcook，切落去有點UN，要咀嚼一段時間😖酥皮內包左鵝肝野菌醬及巴馬火腿，但食唔到火腿既咸香，鵝肝野菌醬味道濃郁，層次都豐富，食哂一舊都好飽🙈芝士蛋糕 4/5味道正常發揮，上層草莓cream中和芝士既膩，但食到最後一道其實都好飽，我建議可以轉千層酥或其他甜味為佳

走上燈光樓梯，迎來型格餐廳<Amplifier Restaurant>，餐廳佈置玩味十足，環境昏暗，紅磚牆掛滿黑膠唱片，和古舊的唱碟封套。

座位空間感寬闊，靠窗位置，能觀望熙來攘往的街道。

逢星期四至六，有精彩的live band演出，一邊聽著觸動人心的歌曲，一邊享受精緻美食。

炭燒美國豬鞍扒$238(配焦糖蘋果蓉、法邊豆及燒汁)美國豬鞍扒厚切，燒至剛剛好，深褐色的網紋，散發陣陣炭燒香氣，令人垂涎。

輕輕用刀切下，入口鬆軟juicy，骨頭邊緣的肉特別軟嫩，肉汁豐沛，配上香甜的焦糖蘋果蓉，及爽脆法邊豆一齊吃，口感豐富，亦有助減膩，確實不錯。

芒果千層酥$88千層酥賣相精緻漂亮，一共三層，表面鋪上新鮮水果點綴。

每層夾滿幼滑細緻吉士醬，及香甜熟透的粒粒芒果肉， 切開時咔嚓聲響，酥皮鬆脆無比，沁出濃郁的牛油香， 令人迷醉。

受近期疫情影響，女友近排在家工作，都無乜心情出市區食飯，今日終於復工了，一於去食返餐好嘅。

「Amplifier Restaurant」位於花園街，位置相當易搵，之前女友去過大圍分店覺得唔錯，所以今日就來旺角分店。

兩個人唔食得多，叫左一份小食拼盤、兩碗湯、一個意粉及一個甜品。

特色小食拼盤 :拼盤有水牛城雞翼、洋蔥圈、魷魚圈、炸軟殼蟹及豬肋骨，款式夠多岩晒鍾意乜都食d嘅我地。

當中豬肋骨焗得夠淋而唔乾，好容易就可以將肉同骨分開，食落非常入味；水牛城雞翼外皮脆身，入口味道辣辣地好開胃。

伴碟有沙律菜，食完拼盤後食返d，可以減低油膩感。

泡沫龍蝦湯 + 牛肝菌忌廉湯 :兩款湯個人較喜歡牛肝菌忌廉湯，入口好香菌味，打碎後嘅牛肝菌微粒令湯更有口感，伴湯仲有新鮮焗嘅蒜蓉包，配湯食一流。

龍蝦汁海鮮意大利麵 :海鮮有青口、魷魚及蝦，配上燈色嘅龍蝦汁，賣相非常吸引。

意粉入口爽口彈牙，龍蝦汁好香海鮮味，味道唔會太咸，好好味。

焗蘋果酥配雪糕 :點正餐前我地已經留意到呢個甜品，決定一定要留肚食。

蘋果酥即叫即焗，入口外脆內軟，味道酸酸甜甜，配埋雲呢拿雪糕，感覺出奇地夾，兩個人話咁快就食晒。

食得咁飽又點可以唔叫返杯咖啡？係悅耳柔揚音樂聲中慢慢嘆，真係可以令近排鬱悶嘅心情有所抒援。

估唔到係旺角都有呢啲咁有格調的西餐廳，聽着悠揚悅耳的歌曲，係懷舊style的裝修下食晚飯，零舍有氣氛。

這個是櫻桃木輕煙燻阿根廷粉紅生蝦咯嗲，上枱時都幾特別，整道菜都係係一個充滿住白煙的透明玻璃罩入面，濛濛瀧瀧好有浪漫意境。

當打開玻璃罩，白煙四散頓時聞到好香的櫻桃木煙燻味。

生蝦肉質爽滑之餘仲好有彈性，味道酸酸辣辣惹味兼開胃，加上吸收了櫻桃木的煙燻味，令這道頭盤的味道提升了不少層次。

不要少看這個特色小食拼盤，小食種類多，份量又足。

有香脆可口的炸洋蔥圈、又酥又juice的炸軟殼蟹、爽脆的炸魷魚圈、香辣惹味的水牛城雞翼及燒得好腍又入味的豬肋骨，而且樣樣都好正，真係yummy!除此之外我們還叫了一個意大利飯同一個寛條麵，並升級成套餐，有餐湯、甜品及飲品。

是日餐湯是野菌湯，有好香濃的野菌味，口感幼滑得黎又creamy。

值得一提係跟湯的法包，一啲都唔hea，口感鬆軟充滿蒜香同油香味，辣辣好滋味！這個是繪和牛臉意大利飯，和牛臉煮到好腍又入味，而且口感嫩滑，有啲似牛腩。

至於意大利飯就煮得軟硬適中，香濃又creamy，而且好有嚼口。

兩者味道非常夾，好食。

而呢個係黑松露野菌寛條麵，有好濃郁的黑松露味，超多野菌，每條寛條麵都掛上好creamy的汁，再加上咸香的芝士，味道非常豐富。

而餐飲就叫了香甜美味口感好滑而且奶味重的雲呢拿奶昔和係香濃甘味的咖啡中加入甜甜的雲呢拿雪糕的Viennese ice coffee 。

最後甜品是香甜又Q又滑的奶凍同焦糖布甸。

食完甜品，今餐真係既飽肚又滿足，yeah!

Amplifier Restaurant餐單提供西式, 酒, 扒房等推介美食位於旺角區，餐廳座位數128人均消費約$101-200，結賬可以用Visa,Master,AlipayHK,支付寶,現金,AE,銀聯，Booking訂位可以電話致電 36150064 查詢。

您對於旺角餐廳「Amplifier Restaurant」有何 comment？

Amplifier Restaurant餐廳詳細資料：

• Amplifier Restaurant地址:
  旺角花園街3-5號鴻威大廈1樓B號舖
  Amplifier Restaurant, Shop B,1/ F, Hung Wai Building,3-5 Fa Yuen Street, Mong Kok
• Amplifier Restaurant電話: 36150064
• Amplifier Restaurant價錢: $101-200
• 分類: 西式, 酒, 扒房
• 座位: 128
• 付款: Visa,Master,AlipayHK,支付寶,現金,AE,銀聯
• FB專頁: Amplifier Restaurant Facebook

更多Amplifier Restaurant相關資料:

• Amplifier Restaurant分店
• Youtube
• Facebook
• Twitter
• Google