安平麵店 慈雲山

安平麵店 評價 相片

今日出去慈雲山搵朋友，朋友話要帶我去食好嘢，以為佢做乜咁神神秘秘，去到先知佢要帶我食台灣菜！呢度既菜式選擇好多，又有麵、便當、小菜，真係唔驚冇一樣唔啱食！叫咗個牛筋牛𦟌麵，一個麵裡面都好足料，料比得好大方。

勁大塊牛筋，燜得軟林而且夠入味，吸收晒腩汁味道濃郁，牛肋條肉質結實，唔會好韌，口感好好。

食得嘢當然唔少得杯嘢飲，點咗杯「粉色佳人」，由個名開始就令人好在意會係點嘅味道。

飲落去有濃烈的水果味，有奇異果同火龍果既味，以為淆埋會唔好飲，原來咁正！真係多謝朋友帶我去食好嘢，下次再嚟慈雲山既話肯定要再嚟呢間安平麵店。

自從去過台灣旅行，食過當地人好推薦嘅薑母鴨之後，就開始對薑母鴨嘅味道念念不忘。

因為係台灣菜，所以返嚟香港之後基本上都冇機會搵到餐廳上嘅Menu會有呢道菜。

而呢間最近係慈雲山新開嘅安平麵店簡直係迷戀台灣菜嘅人嘅福音！事不宜遲，我都即刻喊咗幾個FD一齊去試好嘢。

Menu真係有薑母鴨！拿拿聲點咗嚟食。

雖然佢係「小鍋」，不過大細就同一般打邊爐差唔多，係一個人絕對應付唔到嘅份量，好彩就有叫埋啲FD一齊嚟。

鴨肉食落好嫩滑，個清底個晒清甜，唔會太咸，就同係台灣個陣食嘅味道差唔多，都一樣咁好食！另外仲叫咗杯水果茶飲，因為加咗水果所以係杯甜甜地嘅茶，好正！呢一餐好滿足呀～

慈雲山我覺得呢頭冇乜好嘢食🧐就如以前稱香港為文化沙漠一樣，我都將呢度俗稱😩美食沙漠🏜️不過聽聞最近開咗間食台灣菜嘅鋪頭，沙漠終於要脫胎換骨？！於是快啲去試下新餐廳💃🏼🎉😻安平麵店淨係裝潢已經整得好有台灣特色，入面嘅位置分配令人坐起嚟好舒適，事不宜遲落單先😆叫咗碗寶島蚵仔湯飯🍲呢碗嘢完全係為鐘意食海鮮嘅我而設🐚蚵仔同蝦都夠鮮味🦐肉夠嫩滑，味道一流😻浸咗湯嘅飯都索晒湯底陣味，比起白飯更加好食😋另外加埋碟欖菜肉碎炒四季豆😋雖然平時係餐廳都食到，但係呢到的調理方式唔一樣，煮出嚟嘅味都會差好遠😆佢呢份四季豆個口感勁好，令人一啖又係一啖，好快就清晒成碟😋多得開咗呢間安平麵店，去開慈雲山都唔使愁到底要食啲咩啦😋

忙完一輪，同班同事想轉換下心情～今日唔再留係offices叫茶記外賣，成班人落樓去搵好嘢🤤太耐冇落樓搵餐廳，都唔知原來呢度新開咗專食台灣菜嘅鋪頭🤭可能過咗正午個繁忙時間，去到冇乜人唔使等位直接有得入去坐👆🏻台南香酥排骨便當個汁好清甜，唔會太黏配飯食真係冇得輸👍🏼不過重點都係個香酥排骨😍本身佢已經好香 好吸引而且個皮好脆，但又唔炸到入面乾曬咬落去好嫩，口感鮮滑，真係好好食👅👆🏻蜂蜜檸檬蘆薈飲落蜂蜜🍯同檸檬🍋陣味好夾唔會太酸or唔會太甜，啱啱好😚連平時唔太鐘意飲甜嘢嘅我都覺得幾好飲

今日收工之後就快快脆係附近食個晚飯，男朋友就揀左我地都好喜歡既台灣野，search openrice睇到呢間安平麵店好似幾正喎，我地一於去try try啦。

鋪面幾大，好光猛,價錢都好抵,而選擇又多，有湯麵呀、撈麵呀、便當都有。

我點左碗牛筋牛𦟌麵,個碗好有台灣既古早風格,份量都好多的, 牛筋同牛𦟌都好淋,而個湯底好似之前係台灣食過個啲牛肉麵湯底,好濃郁,再點左個小食牛蒡大腸,本身男朋友都吾太中意食大腸,因為驚餐廳洗得吾乾淨,但呢到完全冇呢個問題,我地兩個都覺得好好食!

安平麵店餐單提供台灣菜, 台式飲品等推介美食位於慈雲山區，餐廳座位數未知人均消費約$51-100，結賬可以用現金，Booking訂位可以電話致電 34282663 查詢。

您對於慈雲山餐廳「安平麵店」有何 comment？

安平麵店餐廳詳細資料：

• 安平麵店地址:
  慈雲山慈雲山毓華街23號慈雲山中心1樓107號舖
  安平麵店, Shop107,1/ F, Tsz Wan Shan Shopping Centre,23 Yuk Wah Street, Tsz Wan Shan
• 安平麵店電話: 34282663
• 安平麵店價錢: $51-100
• 分類: 台灣菜, 台式飲品
• 座位: 未知
• 付款: 現金
• FB專頁: 安平麵店 Facebook

更多安平麵店相關資料:

• 安平麵店分店
• Youtube
• Facebook
• Twitter
• Google