好彩酒樓 彩虹

好彩酒樓 評價 相片

好多時都有機會嚟到彩雲邨好彩海鮮酒家食飯，佢嘅叉燒同埋燒腩仔都好好食（雖然鹹咗少少），不論晚飯或者係食套餐，餸菜都做得好好，新鮮熱辣又夠大份量！一家人食餐晚飯，已經係一個好滿足嘅晚上！

一早就起左身…假日約左家人一齊去嘆個早茶…入到茶樓，前排就無乜人去飲茶，好多都係吉台，今日就比平時多人左好多台。

好好彩唔使排隊等位，就有一張八人台可以俾我哋四人享用早茶，坐低左，叫左好幾樣點心：六福點心拼盤，咸水角，炸雲吞，蒸鳳爪，鳳爪排骨飯，煎蓮藕餅，燒賣，煎薄餐，馬拉糕，鮮竹卷。

除咗叫左野食外，最緊要就係嘆茶～一壺普洱茶，一壺鐵觀音和一壺滾水，侍應都好快手俾到我哋享用，飲左一個鐘…服務都幾好。

今日見長腳蟹好抵 所以叫咗個長腳蟹，都有四磅幾！六個人食啱啱好，隻蟹好新鮮海水味好足！肉質肥美，價錢唔貴，所以好抵食！叫多幾個小菜，推介欖菜炒四季豆，夠獲氣，味道不錯！

老人家都係仲意飲茶多，所以就去咗彩雲的好彩試下，本身屋企附近都有好彩集團的茶樓，而且味道都ok，所以就諗住彩虹呢間應該都唔差，點知…其實彩雲呢間好彩都ok 好坐，因為個場都大，所以唔會好逼點心都係一般茶樓有的點心，無咩特別，但佢呢到有鵪鶉蛋燒賣！依家唔係間間都有賣，所以我一見到就點咗，但係好鹹，佢成粒燒賣肉都好鹹！佢的其他點心，例如荷葉飯，炒麵一樣逃不過鹹的命運…我地仲點咗煎餃，佢的煎餃好大隻而且肉好多，不過唔知係佢本身無醬汁點定忘記了俾，單食無醬汁點有d 乾

昨天下午到酒樓飲茶,佢係自由入座時間,由於我地8個人, 搵到一張大格但咩都未整, 咁我問下西裝服的男人, 身份矮小, 一開始已經態度惡劣, 話: "你坐左落去先啦, 你坐左落去就有人起台! " 嘩~我都係問下, 不知情情況下問下都好正常, 如是者, 就開始飲茶, 下午我明白點心好多都冇都好正常, 所以都冇特別問題。

之後去結帳就開始黎啦, 首先, 我結帳時有一個呀姐收銀, 我排第二, 之後有幾位呀姐都有排隊, 跟住有一個高既西裝服的男人(經理) 一行過黎, 一收錢就收我地後面果個先, 我俾張單佢佢冇反應, 算! 我等前面呀姐, 跟住呀姐到我結帳時 前後都係用同一部PAYWAVE機, 我諗住拍啦,點知呀姐態度勁串話: "後面已經收緊錢啊, 你仲拍! 收左你錢就唔好啦" 第一, 我排緊前面 點解係收我後面錢先! 第二, 我見你做緊結帳,我緊係拍卡啦! 都算!!   我行返位時, 有推車仔個呀姐, 話"有個珍珠雞啊! 你未食" 我話"我結帳了, 我要退返錢" 行返去收銀處同服務態度極之惡劣果兩位經理同收銀講, 佢就話"拍左卡啦wor!" 我話野食好耐未黎, 經理指住個呀姐就話: " 咪到左! " 我火都黎, 已經忍左好多次, 大聲話" 依家係咪拍左錢退唔到啊? 你拿拿退錢俾我啦! "    經理仲要勁串同我講:" 我都唔係同你講野,我同同事講炸wor"  會唔會智商低左少少, 依家小學雞扮唔係同我講咁又應我! 當我大大聲話返佢地轉頭先冇再出聲! 係咪一定要做到惡人怕惡個地步先可以去食飯?                    酒樓雖然起係村屋裡, 但都唔係咁既服務態度, 我黎食野唔係黎受你地氣, 可能會話 咁嬲咪下次唔好黎食, 但我都要俾其他人知呢間野已經唔係第一次服務態度差, 之前已有評論講過呢間態度差, 但其他人寫好評都只係寫食物質素, 冇講過服務態度, 所以我好想話俾大家知,今時今日服務態度係唔得!

好彩酒樓餐單提供粵菜, 廣東, 海鮮, 點心, 酒樓, 海鮮酒家等推介美食位於彩虹區，餐廳座位數未知人均消費約$101-200，結賬可以用Visa,Master,現金,銀聯，Booking訂位可以電話致電 27501899 查詢。

您對於彩虹餐廳「好彩酒樓」有何 comment？

好彩酒樓餐廳詳細資料：

• 好彩酒樓地址:
  彩虹清水灣道45號彩雲邨彩雲商場第2期3-4樓
  Ho Choi Restaurant, 3-4/ F, Choi Wan Complex Centre Phasell, Choi Wan Estate,45 Clear Water Bay Road, Choi Hung
• 好彩酒樓電話: 27501899
• 好彩酒樓價錢: $101-200
• 分類: 粵菜, 廣東, 海鮮, 點心, 酒樓, 海鮮酒家
• 座位: 未知
• 付款: Visa,Master,現金,銀聯
• FB專頁: 好彩酒樓 Facebook

更多好彩酒樓相關資料:

• 好彩酒樓分店
• Youtube
• Facebook
• Twitter
• Google