餃子縣餃子專門店 屯門

餃子縣餃子專門店 評價 相片

放飯時間一個人,去邊都好快有位，時常過門不入就比個機會你啦， 入面主要真係食餃子，可放湯可煎兩款～本選了椰菜木耳，但賣哂，所以選了另一個的日式紫菜豬肉餃 配米線及 蕃茄湯底～唔洗五分鐘即上枱賣相，睇個餐單上都寫到表露無遺～ 日式紫菜豬肉餃 + 米線 + 蕃茄湯底，送半棵小棠菜當然以味行先啦，米線煮得正常可口；湯底呢... 茄膏溝出嚟既... 酸囉！日式紫菜係有紫菜香夾左椰菜爽口番，豬肉都香，成隻餃子都好味，係個皮厚同硬左D~食餃子🥟好了

聽過呢間嘢好耐，今日第一次同老婆去食，老婆叫咗個餃子樂園配清湯，我就煎餃樂園，d餃子皮厚過乜咁，從來無食過餃子店有咁厚嘅皮，肉餡無肉汁無口感，碎到好似木糠一樣嘅肉餡，肉餡d菜得嗰兩、三條，人地其他餃子肉同菜比例就1:1，而佢地呢間嘢肉同菜嘅比例係8:2，可想而知一粒咁厚皮加木糠嘅肉餡配數得出嘅菜嘅餃子係幾咁失敗！咁嘅價錢比d差到無可再差嘅質素.......唔值！補充：落單用的表單令人有混亂感覺，要員工一番解釋至明，員工態度普通無意見。

以後都唔會幫襯！對呢間嘢好失望，因無諗過水平可以咁差！

某日睇完戲過對面食餃子縣，叫左個韮菜煎餃，唉，個皮厚到啊媽都唔認得，我自己係屋企搓塊皮都薄過佢。

d餃子完全唔香脆，好似冇煎咁，d餡料又冇味。

我朋友表示唯一可取之處為佢杯豆漿屬正常；而我都認為餃子縣近戲院，絕對係睇戲前後快捷輕鬆取得劣食果腹的好地方 （苦笑）。

出嚟買嘢諗起好耐冇食過嘅芝士餃子😋忽然好想食，就拉咗男小編入去陪我食😝#芝味樂園 ($52)😋好味指數：(7.5/10)煎餃就$52，湯餃就$48🤔(其實有啲貴😭)一共有四款芝士餃子，每款兩隻🥟煎餃係冰花餃子嚟咖，外面煎到脆脆地，入面就仲有啲肉汁😋.🔹#三重芝士餃子對上一次單嗌咗呢款餃子食😚不過到底有邊三重芝士呢🤔(到依加都仲未知😎)雖然話就係三重芝士，但係就唔會有拉絲出現☝🏻但芝士味道好香😆.🔹#韓式辛辣芝士豬肉餃因為係辛辣嘅關係，所以係四款餃子之中最為濃味😚食落去其實又唔算好辣嘅，唔係好食得辣嘅朋友仔應該都ok😛.🔹#黑松露芝士豬肉餃 一咬落去已經聞到好香嘅黑松露味😍又唔會過份濃烈，幾好😙.🔹#蕃茄芝士豬肉餃開頭覺得呢個冇乜特別，但食落去反而幾驚喜😝入面有小小番茄蓉係度加埋芝士好夾，食落去清清地都幾好味😚#擔擔麵 ($31)😋好味指數：(6.5/10)擔擔麵嘅醬汁幾稠，有好濃嘅花生味，仲有好多肉碎添😳麵質比較粗而份量就適中，不過食完之後就有少少口喝🤔.⭐溫馨小提示📌可以whatsapp落單，建議提早15分鐘😚📌每款芝士餃子亦可以單嗌，或者跟麵餐😚

同朋友2個睇到食評入去試傳說中既芝士餃子，我叫左三重芝士餃米線，朋友叫左咩味都有既餃子樂園，不得不提我食曬5隻芝士餃都完全唔會濟，芝士同肉味道好濃，皮薄，朋友試左都後悔冇叫芝士餃子

餃子縣餃子專門店餐單提供京川滬, 雲吞, 餃子等推介美食位於屯門區，餐廳座位數未知人均消費約$51-100，結賬可以用現金。

您對於屯門餐廳「餃子縣餃子專門店」有何 comment？

餃子縣餃子專門店餐廳詳細資料：

• 餃子縣餃子專門店地址:
  屯門屯門鄉事會路117-157號康麗花園地下1號舖
  餃子縣餃子專門店, Shop1, G/ F, Hong Lai Garden,117-157 Tuen Mun Heung Sze Wui Road, Tuen Mun
• 餃子縣餃子專門店電話:  
• 餃子縣餃子專門店價錢: $51-100
• 分類: 京川滬, 雲吞, 餃子
• 座位: 未知
• 付款: 現金
• FB專頁: 餃子縣餃子專門店 Facebook

更多餃子縣餃子專門店相關資料:

• 餃子縣餃子專門店分店
• Youtube
• Facebook
• Twitter
• Google