狗不理醉雞麵小籠包 屯門

狗不理醉雞麵小籠包 評價 相片

話明狗不理醉雞麵小籠包，嚟到緊係要試狗不推理包嘅🤓所以我叫咗狗不理同一碟生煎菜肉餃。

結果大失所望 😪餃子皮太厚，包似係番蒸再番蒸 倒汗水令到包皮濕透 食落口變泥蓉🤦🏻‍♀️ 基本上餃子同包無咩分別 都係濕淋淋。

不過唯一可取嘅係朋友叫嘅上海排⻣唔鞋算有點安慰同老闆娘好好😌

自我懂事開始，已大量享受美食，不敢說是美食名家，但算是懂得分辨食物的高低水平。

這一間開一天不開天的小店，真的抹殺了上海食品應該呈現出來的水準。

首先，小籠包漿口不滑，湯汁又少，皮又厚，如果小朋友食還可以騙騙，實在太難食，比惠康買的速食南翔小籠包更不堪入口，根本侮辱了上海小籠包。

狗不里包子真的一如其名，掉出馬路口給餓了幾日幾夜既野狗也不吃。

大陸週街賣的幾蚊一大袋的肉包更好吃，包身又實，豬肉餡又死實實，相信老闆無乜心機放在店舖，開一天又不開幾天，整間舖都無一樣好吃。

就算基本的湯面，一吃就知街市賣的現成幼身上海面，這樣就叫上海美食。

不過，午餐附近又無乜選擇，都不失為人類作為充飢的驛站，但絕無下次，完全食唔出店名所謂打正上海旗號的特色。

搭輕鐵時望到喱間唔太起眼既村屋小店，所以決定帶埋個朋友一齊試。

係何褔堂落車行2分鐘就到，果到仲有得停車，方便揸車既朋友仔。

入面有一張大圓枱，坐到大約九個，同埋三張坐到4人枱。

人就唔算多，星期日都唔洗等位。

川味口水雞飯，45蚊包埋豆漿。

醬汁帶麻香，雞肉非常嫩滑，分量好足夠，有成七八件，重點係骨細肉多。

飯就太過濕。

金牌醉雞湯麵，都係45包豆漿，雞皮和雞肉色澤鮮嫩，雖然我聞唔到酒香，但食落去的確係啲雞入晒酒味，好濃同多汁。

係好好味：）普通清湯底既麵。

分量，味道，價錢，環境都好唔錯，下次想食雞時都會黎，同會想試下啲包。

今天到何福堂附近睇醫生，難得找到個不錯的女醫生，看症很用心，主動查看情況及給各種意見和提醒，細心又耐心，有女生毛病的話會再來這看診。

睇完醫生找找附近有咩好食，找到這一家在輕鐵站附近的，似乎是與世無爭的隱世小店。

擔擔水餃湯麵連豆漿$38確是抵食，即叫即煮，湯底少少辣有明顯花生味，不會太稠可以邊吃麵邊喝湯，麵條是上海麵偏軟身，餃子有三隻，是韮菜餃，用料新鮮食得出來，似乎是自己包的，皮薄。

豆漿可選冷或熱，要熱的話是立即用電爐坐熱給顧客的，這是花時間的，很多店乾脆說沒有熱就算，這就是小店的人情味。

吃得差不多，我問老闆娘取一杯水食藥，她很快就遞給我，沒覺得麻煩。

最後埋單無加一，但服務好及禮貌道謝客人，這就是我喜歡小店的原因，下次會再來吃其他菜式。

其實呢間店即使係屯門人都未必識，佢其實就係何福堂站隔離。

雖然店面裝修好簡陋，但d野食真係又平又好食。

佢出名就係醉雞麵，個醉雞好滑，亦好重酒味。

原隻雞脾上，唔怕佢比d冇肉淨係得骨嘅地方你。

狗不理包熱辣辣上到黎，好足料，包都好軟熟，推介最好嘅係三五知己黎食野傾下計

狗不理醉雞麵小籠包餐單提供滬菜, 上海, 粉麵, 米線, 雲吞, 餃子, 中菜館等推介美食位於屯門區，餐廳座位數未知人均消費約$51-100，結賬可以用現金。

您對於屯門餐廳「狗不理醉雞麵小籠包」有何 comment？

狗不理醉雞麵小籠包餐廳詳細資料：

• 狗不理醉雞麵小籠包地址:
  屯門良田村96號地下
  狗不理醉雞麵小籠包, G/ F,96 Leung Tin Village, Tuen Mun
• 狗不理醉雞麵小籠包電話:  
• 狗不理醉雞麵小籠包價錢: $51-100
• 分類: 滬菜, 上海, 粉麵, 米線, 雲吞, 餃子, 中菜館
• 座位: 未知
• 付款: 現金
• FB專頁: 狗不理醉雞麵小籠包 Facebook

更多狗不理醉雞麵小籠包相關資料:

• 狗不理醉雞麵小籠包分店
• Youtube
• Facebook
• Twitter
• Google