榮剛 屯門

榮剛 評價 相片

見佢新開冇耐 就去試試叫左鳥冬 <豬骨湯底雙拼包埋野飲都只係35蚊而且外賣又係35蚊就送服務態度OKD天婦羅同吉列豬扒超正呀!即使係外賣 D豬扒仲脆脆地我其實覺得唔幾夠我食下次要問問有冇得加底先

上星期，我睇到 Openrice 新餐廳資料，搵到呢間「榮剛」；見地址喺屯門盈豐商場，仲係咁近屋企，一於試吓！亦要多謝首位寫食評嘅學生食家，先知道咁抵食！呢度隔離係出口，對面係內衣店；附近有其他餐廳，好容易就搵到！ 店子尚未正式開張，仍用紅紙 cover 店名。

估唔到兩位 80 後老闆仔咁 young ：阿榮及阿剛，取其名「榮剛」，易記又有意思！ 好日本名！佢哋一位做樓面，一位做廚房，另有一位店員。

樓面那位老闆好有禮貌！雖然店子細細，但不失和風裝飾，可見心思！店內有 L 形枱及 4 張高木櫈，唔係太好坐，仲有油煙味； 店外有兩張摺枱，由於喺商場之內，唔可以吸煙。

日式餐主要係烏冬餐 (自選兩款配料) $35 及鰻魚飯餐 $29，另有學生餐 $25 烏冬餐 (只限一款配料) 。

附送面豉湯或日本綠茶 /柚子茶。

認真抵食！烏冬餐 味噌湯底 (自選兩款配料：日式叉燒 + 帆立貝蟹棒) $35 等大約 5 分鐘就有得食！加上粟米粒、日式魚片、紫菜絲，賣相吸引不少！ 最怕食到酸味烏冬，呢度用上讚岐烏冬，真落本！有些少煙韌口感，滑溜溜又夠入味！有 6 款湯底：味噌湯底、日式咖哩、豬骨湯、豬骨味噌湯、蕃茄湯、日式醬油湯底，我選擇味噌湯底，睇見味噌湯底幾深色，味道恰到好處，真係唔錯！食完唔會好口渴！配料有多款選擇：日式叉燒、豬骨軟、炸餃子、肥牛.....等等。

我叫咗日式叉燒 + 帆立貝蟹棒，日式叉燒有一大塊，帆立貝有兩粒仔，蟹棒約一條。

都 OK ！ 全碗配搭好和味！另有一些小食由 $5 ~ $9，如炸帶子、中華沙律...。

熱柚子蜜雖然見到只係落咗些少柚子蜜，但係味道已經夠清甜，可以解渴之餘，又唔會覺得甜到溜！確實係一個好選擇！面豉湯用上熱水沖日本牌子面豉湯包，紙杯盛住，有少許蔥粒、日式配料；略嫌缺乏一點口感！因為無咗海帶，如果成本許可嘅話，希望可以加豆腐粒，能增加口感。

但係，終於俾我重拾日本面豉湯嘅味道！比較清味又不失面豉湯嘅味道！真驚喜！自從去完日本飲過當地嘅面豉湯，幾時都覺得日本麵豉湯最好飲！返到香港之後，覺得好多日本餐廳嘅面豉湯偏咸！日式蒲燒鰻魚飯 $29日本珍珠飯嘅份量認真多，十分慷慨！ 滿到去飯盒條界，珍珠飯軟硬適中；有一條鰻魚，不過唔夠肥美，所以煎起上嚟乾咗少少！ 至於鰻魚汁甜味都 OK ，相信加埋日本醬油，幾惹味！老闆話唔夠汁可以再加，我覺得已經足夠，無需添加。

配上子薑及蘿蔔，蘿蔔醃得酸酸地好醒胃！每逄食客幫襯完臨走時，老闆都會問食客有關食物味道及質素；這樣，可以了解食客需要之外，亦可改善品質。

值得一讚！ 只要用心經營及保持食物水準，待客好！相信不久會有好多熟客！加油呀！順帶一提，要先俾錢！之後，會有張單俾食客，當食物送到嘅時候，店員 / 老闆會收走張單。

講真，食物味道真係無得彈！唯一要講係用上紙杯、發泡膠兜，不太環保！ 老闆話感覺會比較衛生，大家同意嗎？

是日考試~好鬼死早放學,,之後聽朋友講話盈豐開左間新野~係食日本野既,,於是我地就決定去食下,,早上10:30去到,,但其實佢地係11:00開門~但老闆很好人,,,讓我地提早入去坐~真係好好既服務態度,,!之後我係個到叫了個'燒雞串飯'送熱飲,柚子蜜一杯~其實佢仲有其他野飲,,佢仲有綠茶同麵豉湯之後吾洗5分鐘,,熱辣辣既飯盒就尼到1u~個老闆超好人架,,!因為我地話肚餓,,所以特登幫我地加多啲飯,,吾洗收錢,,仲另外為我地係甘加鰻魚汁,同送左啲炸小食比我地xb真係超好食架!!因為我地有學生餐~價錢都ok既...我誠意推介屯門既朋友仔可以去試下~雖然佢入面店舖既坐位好小,,比較迫~但係哩啲小本經營~都吾錯架!

榮剛餐單提供日本菜, 烏冬, 串燒, 串燒店等推介美食位於屯門區，餐廳座位數未知人均消費約$50以下，結賬可以用現金。

您對於屯門餐廳「榮剛」有何 comment？

榮剛餐廳詳細資料：

• 榮剛地址:
  屯門盈豐商場1樓B19號
  榮剛,  
• 榮剛電話:  
• 榮剛價錢: $50以下
• 分類: 日本菜, 烏冬, 串燒, 串燒店
• 座位: 未知
• 付款: 現金
• FB專頁: 榮剛 Facebook

更多榮剛相關資料:

• 榮剛分店
• Youtube
• Facebook
• Twitter
• Google