大町日本料理 屯門

大町日本料理 評價 相片

元朗又新街果間「日之味」返黎喇！前兩日行過，女朋友勁眼利咁發覺呢間舖好似以前喺元朗成日食開果間，今日一試之下果然是真的！（佢話元朗間野未執前，佢足足食左十年有多）最愛的芒果蟹子沙律回來了，第二度食唔到呢間舖師傅整的口感，青瓜粗得來好爽口仲有錫紙焗三文魚頭依然肉質嫩滑其他兩樣（三色刺身，紫菜烏冬）都幾好，不過前兩樣較值得推介。

問了店員，他說又新街的舖位被加租一倍，所以不可能不走。

現在搬到的位置比以前偏僻很多，所以今晚食的人也不算多。

不過店內有一半人都同伙記有講有笑，可能都係收到風返黎食的「識途老馬」罷⋯仲有一樣野同以前一樣：埋單後有「甜品」雪米糍送～250不算很平，不過食物質素是值的（屯門真係冇乜好食日本菜，又唔想幫襯連鎖店）相比以前門口排晒長龍要等位真係差好遠，希望他們可保持食物質素同埋合理的價格，繼續服務呢區的街坊啦。

女友的細佬生日, 佢話要請細佬食飯, 我當然樂意奉陪 .適逢有朋友話佢屋企附近有間日本餐廳, 質素唔錯, 我地都鍾意食日本野, 一於去試試. 訂了枱 6:30PM, 準時到達, 店的裝修比較平實, 座位尚算闊落, I LIKE IT! 我最怕就係去啲日本放題, 座位逼到沙甸魚咁, 食都冇心機食!可能仲係農曆年假關係, 加上時間尚早, 入座時人客唔算多,  一坐低, 馬上落 order:先來個蟹子沙律, 好醒胃. 花之戀壽司, 喲蟹子滿到瀉! 剌身好新鮮!帶子尤其美味, 馬上加單淨帶子剌身!再黎軟殼蟹, 剛炸起, 好香脆, 我女友至愛!雜錦天婦羅, 主角當然係蝦啦, 味道唔錯呢碟燒蚝係全晚最貴既菜式, 冇記錯要$198/5隻, 可能我一向對蚝興趣唔大, 味道唔係好啱我, 如我俾我揀, 我寧願 order 多啲剌身/天婦羅. 燒牛肉配雜菜, 都幾嫩滑  黃金蝦, 是店主的推介, 頗有驚喜, 做法有點似饟蟹蓋, 賣相一流, 連隔離枱一對小情侶見到後, 也忍唔住過黎問叫咩菜名! 雖然個個都話飽了, 不過我點都要 order 個照燒雞飯先安樂. 除了上便食物, 另外還點了蟹柳壽司, 玉子壽司, 波子汽水, 但忘記影相. 整體而言: 食物質素有水準, 最緊要夠新鮮, 食日本野, 呢點好重要. 食飽飽時, 原來店內已坐滿人了, 門外還有人要等位, 幸好早來. 跟住又到埋單既時侯, 不收加一, 5個人盛惠1千1百多元, 實在抵食! 會再來.

大町日本料理餐單提供日本菜, 壽司, 刺身, 串燒, 日式西餐, 串燒店等推介美食位於屯門區，餐廳座位數未知人均消費約$101-200，結賬可以用現金。

您對於屯門餐廳「大町日本料理」有何 comment？

大町日本料理餐廳詳細資料：

• 大町日本料理地址:
  屯門置樂花園121-122號地舖
  大町日本料理, Shop121-122, G/ F Chi Lok Fa Yuen, Tuen Mun
• 大町日本料理電話:  
• 大町日本料理價錢: $101-200
• 分類: 日本菜, 壽司, 刺身, 串燒, 日式西餐, 串燒店
• 座位: 未知
• 付款: 現金
• FB專頁: 大町日本料理 Facebook

更多大町日本料理相關資料:

• 大町日本料理分店
• Youtube
• Facebook
• Twitter
• Google