HeyYO!! 屯門

HeyYO!! 評價 相片

話說有日經過市中心既呢間frozen yogurt店，突然閃過中學時期嘅回憶。

當年Frozen yogurt非常之紅,仲係學生妹嘅我哋成日放學就一齊去食。

覺得DIY好好玩，鍾意食乜就夾乜。

咁耐冇食，就懷緬一下。

Frozen yogurt本體揀咗原味，原味先似froyo，否則不如食雪糕。

酸酸甜甜，開胃。

配料揀左crumbs, cheesecake, Mochi.Crumbs石頭一樣硬，可能不受歡迎放太耐了..Cheesecake也是普通，但雪糕配蛋糕係夾既。

Mochi煙煙韌韌，是我從往時到今日不變的至愛。

整體好味，可惜略貴也不健康，不能常吃。

同朋友食飯嘅時候，男小編講開好懷念m記嘅脆皮朱古力雪糕🍫😭有位朋友就同我哋講其實HeyHo都有朱古力脆皮，叫我地得閒去試下😝曾幾何時乳酪雪糕店真係周圍都有，依加真係唔易揾🤷🏻‍♂.😋好味指數：(7.5/10)大家記住認住一支叫脆皮朱古力醬嘅嘢🍫⭐唔好拎錯普通朱古力醬呀😚倒咗啲朱古力醬落去冇幾耐就變咗脆皮😳襯原味嘅乳酪雪糕就最夾🤤每次嚟HeyYo都好鍾意加嚿藍莓芝士蛋糕😚今次店員仲送咗舊好軟身嘅芝士蛋糕，超開心😍第一次到倒呢個朱古力醬真係有啲論盡🤦🏻‍♂記得睇埋小提示👇🏻.⭐溫馨小提示📌店員話朱古力醬要係雪糕最高嘅中間位倒落去📌記住就住個位慢慢倒，如果唔係啲朱古力醬去晒個底，凝固就會變咗舊好厚嘅朱古力📌小編認為最好倒咗脆皮朱古力醬等佢硬咗先落其他材料🤔如果唔係脆皮朱古力醬就會包住咗啲材料😂(小編加咗爆爆珠落去，結果諗住🥄嘅時候啲爆爆珠就爆晒😭)

有幾年冇食過heyyo~~一食就唔小心禁多左🤷🏻‍♀️🤷🏻‍♀️😭😭記得有幾隻味士多啤梨//原味//哈蜜瓜就全部都禁曬來食配料方面就一定要加最愛食既糯米池超煙un係一定要加！！！其次仲一定要加熊仔餅同埋cheesecake再加啲生果感覺靚好多又fresh好多

一直以嚟，我對乳酪嘅印象都停留係超市果d杯裝，來來去去得幾隻味，食都食到厭。

但呢度乳酪係用自選嘅形式order，揀完乳酪做底之後仲可以自己加好多生果同配料，每杯都可以獨一無二,啱曬我呢啲花心鬼，仲好好味tim~缺點係如果咩都想加, 會令到杯乳酪好貴, 因為係斷重量計錢ge, 我果杯買左50蚊......

一直都係呢間雪糕店嘅會員，但係平時都係購買雪糕蛋糕為主，好少幫襯佢地嘅乳酪。

不過上年續會嘅時候，得到左幾十蚊現金券，即將到期。

遇著週六天氣非常悶熱，所以醒起佢地家嘅乳酪。

坊間嘅乳酪店不少但仍然保持以自助形式嘅少之有少。

自助形式好處係客人可以選擇自己喜歡嘅乳酪口味、配料，以重量計算價錢，自由度較高，亦都有唔少人享受當中揀下揀下嘅過程。

但個人就唔太喜歡呢種形式，一來花多眼亂，乜都想揀，最終會點？咪愈揀愈多，價錢好貴囉。

二來，通常自己揀材料，都係hea hea地裝入碗中，基本上無賣相可言。

總結，我都係因為有現金券先食。

乳酪味道冇記錯好似有六款，原味，士多啤梨、蜜瓜、阿華田、藍莓等，選擇算多。

配料方面都係水果、餅碎、朱古力等。

自選乳酪 $50揀下揀下就已經50蚊，哈哈。

乳酪我揀左原味+蜜瓜味，香甜，不過都溶得幾快。

配料揀左芒果、椰果、杏仁、oero碎。

其實味道真係不俗，但我「筆」得好核突，而且唔平。

HeyYO!!餐單提供西式, 雪糕, 乳酪等推介美食位於屯門區，餐廳座位數未知人均消費約$50以下，結賬可以用現金。

您對於屯門餐廳「HeyYO!!」有何 comment？

HeyYO!!餐廳詳細資料：

• HeyYO!!地址:
  屯門屯隆街3號屯門市廣場一期3樓中央廣場Kiosk2
  HeyYO!!, Kiosk2,3/ F,3 Tuen Lung Street, Tuen Mun Town Plaza I, Tuen Mun
• HeyYO!!電話:  
• HeyYO!!價錢: $50以下
• 分類: 西式, 雪糕, 乳酪
• 座位: 未知
• 付款: 現金
• FB專頁: HeyYO!! Facebook

更多HeyYO!!相關資料:

• HeyYO!!分店
• Youtube
• Facebook
• Twitter
• Google