銓滿記餐廳小廚 尖沙咀

銓滿記餐廳小廚 評價 相片

開邊蝦煲仔飯 (5.5/10)($72)係凍凍地既天氣食個煲仔飯真係暖到入心啊喂！但可惜呢到既#煲仔飯 真係好一般😂😂😂😂，#蝦 有蝦味☺，飯有飯味☺，煲仔飯有煲仔味☺，foodki都有foodki味，總知試唔試都罷😂，仲要#無乜飯焦 tim😭😭😭。

唯一可取係蝦下面既粉絲😍，入曬飯味同埋蝦味，加少少鼓油，幾好食！地址：尖沙咀漆咸道南71號地下C舖

一行四人去到尖咀沙想食中餐，飲啖湯，黎左呢間煲仔飯尊門店，一order完就野食就一人黎一大煲例湯先，個例湯好好味，似落左味精咁，但飲完又唔係好覺有味精果種令喉嚨好乾既感覺，個湯仲有d渣食下，有青紅羅白，而d豬肉煲完都仲有d味，飲完個湯都飽左一半，而煲仔飯d料都好足,中蝦幾大隻同埋新鮮，唔似死蝦，但個飯一定要加甜豉油先夠，我地一共order 左帶子，中蝦，大鱔同蠟腸排骨，平均每個飯加湯80蚊到，又有得用門口派既10蚊coupon，響尖沙咀黎講算係幾抵食個湯好鮮甜好好味係帶子食落去冇咩味，冇左帶子應有既鮮味排骨幾入味，而蠟腸唔會太大陣膠味

背景故事：原來旺角分店下晝冇煲仔飯，得尖沙咀先有。

不過煲仔飯師傅要12點先返，阿老闆本身喺門口拉緊客，但係佢見到我一副失望嘅樣（因為都趕時間，等唔切個師傅返嚟），就二話不說衝入廚房幫我整煲仔飯，感動感動～食物：有好多款煲仔飯，由最基本嘅窩蛋牛肉飯至海鮮都有，例如聖子、開邊蝦、象拔蚌等。

我個黃鱔飯＄73送個煲仔湯，今日係合掌瓜紅蘿蔔湯，一飲就知佢冇味精，又唔算鹹，very good！跟住等咗大概20分鐘我個黃鱔飯就到～啲staff好體貼咁幫我開飯蓋落豉油，攞埋筷子俾我，閂返個蓋叫我等多陣先。

佢並冇忘記我，幾分鐘後就返嚟幫我拎走個蓋。

嘩～蒜蓉粉絲黃鱔飯？！原來係老闆搵唔到木耳，所以放粉絲。

心諗仲好啦，最愛蒜蓉粉絲！個飯好乾身，一刮煲底就成層飯焦出晒嚟，正呀！！！仲有送一碟菜，＄73抵食啊！員工：全部員工態度非常良好，滿臉笑容，我等緊煲仔飯嘅時候會定期update我 "個飯整緊架喇"，"等多一陣啊，就嚟煲完㗎喇，飲住個湯先啦"，好有被照顧嘅感覺！最buy佢為咗滿足個客好想好想食煲仔飯但唔夠時間等嘅願望，個老闆會親自入廚房煮，超級誠意可加！佢仲溫馨提示我，如果多人食飯可以訂檯，連煲仔飯都可以外賣添～環境：原來只係開咗半年咋，所以咁乾淨啦！鍾意食蒜蓉粉絲嘅朋友，下次落單嘅時候可以要求加粉絲呀！

打1號風有啲涼所以想到在旺角的銓滿記在尖沙咀也有分店。

水準跟旺角差不多。

叫了豉汁大鱔煲仔飯及紅燒豆腐鍋，大鱔肉鮮嫩汁甜，豆腐鍋也不錯。

套餐大慨一百元已有無味精老火湯及油菜，加上可反過來吃的飯焦，難以想像是尖沙嘴的價錢，值得推介的良心餐廳。

行到攰搵野食，是但搵間茶記就入去坐低，環境普普通通，不過不失。

至於食物，我地就叫左幾個小菜同一個海鮮煲仔飯，煲仔飯就食得多，海鮮煲仔飯真係第一次食，感覺都幾新鮮，食落d飯吸晒海鮮既鮮甜味，再加少少飯焦味，估唔到都幾好味，再加上有專人幫我地起飯焦，起左出黎成個蓋咁，相當過癮 ，食落脆卜卜都唔錯。

銓滿記餐廳小廚餐單提供粵菜, 廣東, 港式, 茶餐廳, 冰室等推介美食位於尖沙咀區，餐廳座位數未知人均消費約$51-100，結賬可以用現金。

您對於尖沙咀餐廳「銓滿記餐廳小廚」有何 comment？

銓滿記餐廳小廚餐廳詳細資料：

• 銓滿記餐廳小廚地址:
  尖沙咀漆咸道南71號地下C舖
  Chuen Moon Kee Restaurant, Shop C, G/ F,67-71 Chatham Road South, Tsim Sha Tsui
• 銓滿記餐廳小廚電話:  
• 銓滿記餐廳小廚價錢: $51-100
• 分類: 粵菜, 廣東, 港式, 茶餐廳, 冰室
• 座位: 未知
• 付款: 現金
• FB專頁: 銓滿記餐廳小廚 Facebook

更多銓滿記餐廳小廚相關資料:

• 銓滿記餐廳小廚分店
• Youtube
• Facebook
• Twitter
• Google