花木日本料理 尖沙咀

花木日本料理 評價 相片

之前就已經有留意呢間日本料理,感覺好似幾高級,所以一直都係留返特別日子先會考慮講明先,今次經驗唔算好好,食物OK嘅,食材的確非常好,但就係唔知點解上菜好慢....我地唔想搞到自己選擇困難所以叫左個二人餐．梅因為另外兩個set都有主題,一係牛一係蟹,想試多少少其他野所以揀左呢個餐一開始前菜,刺身同沙律都好快到好精美嘅擺盤,隻蟹係令人最深印象嘅,一啖搞掂如果散叫我都一定會叫呢個沙律,我就係鐘意食呢啲有少少頹又冇乜特別嘅野,甜甜地又有菜食唔記得係啲咩魚,只記得都係啲常見魚類,嗰兩塊拖羅仲要未溶哂雪添;嗰刻係覺得是但啦兩塊仔我都唔執著嘅然後我地就開始等...等....下一道菜應該係串燒,但大半個鐘之後出現嘅係炸雞而且等嘅期間店員話安格斯賣哂轉個三文魚扒俾我,個餐我都食左3樣野,我可以話唔好咩,而且我已經等左咁耐,仲可以點炸雞之後就係嗰塊三文魚扒係好香而且唔腥,但原本你個餐就應該係俾安格斯...坦白講係失望,而且唔係我一落單就通知我,係已經食左3樣野先出聲,其實咪即係焗我要跟住冷麵都黎埋喇,咁中間個串燒去左邊度其實唔跟次序出我係接受嘅,不過又唔係爆場點解仲要等多20分鐘個串燒先黎?喺差不多食完嘅時候請店員上埋甜品,因為覺得一定又要再等於是又等左20分鐘先見到個甜品,埋單又要再等,唔講仲以為去食法國菜,前前後後3粒鐘野食再新鮮都冇用,店員係有禮貌,環境都好舒適,但我唔覺得以上呢啲出品係需要俾咁多時間等待,就當係我份人太心急啦

天文台道雖然遠離尖沙咀中心，但其實係一個覓食的好地方，吾少高質食店都係附近，因為中心區多數都被連鎖店租晒。

🔅裝潢傳統日式料理以木系為主，樓底高，每張枱皆有射燈，每張枱之間都有足夠距離，不會聽到鄰枱食客聊天，可暢談歡笑，另外感覺非常乾淨光鮮。

🔅香蔥吞拿魚腩蓉薄脆吞拿魚腩蓉油份適中，配上脆脆的米餅薄脆，薄脆不會搶走吞拿魚腩蓉的鮮味，一軟一脆👍🏻👍🏻。

🔅大根沙律好少食生蘿蔔，因為通常都吾好食，但呢度的蘿蔔沙律非常鮮甜爽口，吾會有苦澀同青澀味，配上和風沙律汁係岩岩好。

🔅花木卷此卷非常吸晴，視覺效果一流，打卡必叫，師傅運用了很多不同的元素在此卷內，外觀上，用了金色的脆脆及粉紅色的飯素，卷內更有不同魚蓉，味道亦非常特別。

🔅土佐豆腐外脆內嫩的豆腐，雖然皮面炸的脆口，但內裡仍然非常軟嫩。

🔅日本貝柱牛油焗野菌師傅配上火爐，本來覺得係為左視覺效果，但食後發覺係細心表現，因為充滿牛油的野菌如果冷卻了會令味道大打折扣，以火爐溫暖保持味道，一讚。

🔅自家製免治雞肉串免治雞肉串內軟外脆，配上蛋味十足的日本雞蛋，出色。

🔅白鱔串燒鱔肉不會燒得過火，彈牙之餘仲保持鱔肉的嫩。

🔅竹海老天婦羅烏冬天婦羅蝦炸得非常出色，粉漿不厚，蝦肉非常彈牙新鮮。

烏冬高湯清淡剛好彌補天婦羅的油膩。

🔅日本紅豆奶凍配茫果布甸奶凍完全充滿紅豆的味道，係令人眼前一亮的高質甜品。

😋味道：8/10🙃回頭：8/10💰消費：$400（每人）

繼去完杜拜、峇里公幹之後，實在太掛住一眾日式美食了❗️港女愛日料是常識吧😝 差唔多成個月都冇食過壽司、刺身、烏冬、玉子...今日老公就帶咗我來尖沙咀呢度食日本野，因為佢好快就會轉新環境，我哋可能日後會少來尖沙咀呢邊了～～一入去就見到有2間幾private嘅房仔，可以做包廂❗️可以下次帶老細過黎😏今日我地咩類型嘅菜式都點咗d❣️先來嘅係三文魚子海草沙律同一般嘅沙律有啲唔同😲呢個三文魚沙律用嘅菜係兩種唔同顏色/品種嘅海草，好特別❗️啲海草好清新好爽口🤩配埋三文魚子➕火炙過嘅三文魚粒一齊入口，識落鹹鹹地而且口感豐富❣️有驚喜得來都幾開胃🤓磯煮鮑魚 （2份）同寶寶一人一份唔使爭🤣鮑魚肉已被切成片狀，幾方便食☺️入口新鮮爽脆，而且切得厚薄適中❗️師傅好刀功呀～另外仲附上切得非常幼細青瓜絲俾大家伴鮑魚食，清一清口入面嘅味道再食下一道菜，好貼心呀❣️赤貝刺身口感清新爽脆❗️有經過師傅特別處理👍🏻某D位係輕輕用刀𠝹過，所以唔使點用力咬☺️非常方便客人食🥰花木仲買人特選壽司10本好餐廳果然擺都擺得唔同啲🤣 明明都只係10件壽司，但一上枱即刻覺得壯觀😜以下幾款壽司係我特別鍾意💕深海池魚帶魚香味同埋魚油🤩但一啲都唔覺得腥，咬落鮮味十足而且無筋👍🏻 幾surprise❗️帶子大大舊❣️清甜無腥味💕北海道海膽超新鮮😍 雖然色水睇落好似係爭啲，但真係食到濃濃嘅海膽甜味❣️ 超滿足☺️食物都唔可以貌相啊😎中拖羅無筋且入口即溶💕甜蛋雖然細舊咗少少，但口感好嫩滑，蛋香味濃，非常高質❣️雜錦天婦羅天婦羅炸皮薄香脆🍤，完全冇糟蹋到啲新鮮食材👍🏻最impress就係個大蝦😍隻隻蝦都肥美又飽滿，咬落去啖啖肉嘅質感💕 我同老公都食得好滋味🥰白飯魚🐟都幾唔錯，啲魚骨絕對可以食落肚唔使lur出嚟🙌🏻明太子燒飯團飯團外層焦脆❗️入面則鬆軟而且帶微微嘅明太子辣香💕如果入面再夾有一小件明太子做飯團餡就更Perfect啦😆好彩d 飯唔算太實，唔係今餐真係太飽啦🙈.真係一間高質素🌟而且環境好🎑嘅中高級日式食肆，可以下次帶埋老闆同啲同事一齊嚟食🥳❗️

食物，是滋養身體和心靈的重要元素。

通常有自制力，有智慧的人，通常飲食習慣也會良好、也會有要求。

有沒有留意，很多世界級的instagram『型棍、模特兒』，他們去的餐廳都特別靚喔。

其實學會在食物方面提高要求，心想要食，就食最好，這樣人也能括達一點！飲食，其實是一種self care。

Learn to love yourself by eating well.在繁忙而沒有假期的日子，仍然想享受一下日本的風光，今天就來轉換一下飲食口味吧。

是日尖沙咀天文台道8號【花木日本料理】，門面一眼就能感受日式風情了。

入面好有日本既清閒感呢，依舊日本餐廳一貫既裝演，用上大量木材的日式裝潢，雅緻舒適又有種溫暖的感覺。

因為偏黃Tone。

裝潢時尚寬敞，壽司吧枱及枱面都好闊落。

人多的話還可以包廂，每個包廂都挺大的，相信成班一齊係到食都幾開心。

坐壽司吧枱應該都可以，但需特別Request。

聽聞特色是築地即送原條鮮魚會係你面前處理喔。

花木日本料理主打刺身料理，㕑師研發新款料理，食材方面，堅持選用當地原產，每日由日本直送，知道大概後都估到相信好新鮮吧！食物種類選擇...點了6樣野食：炸沖繩苦瓜片 、安康魚肝豆腐、2份帆立貝、黑松露鰻魚卷、海鮮茶壺湯及雜錦天婦羅。

.🌟炸沖繩苦瓜片 $78苦瓜有清熱之效，不過味道苦澀，怕苦的人，入口面容扭曲成苦瓜乾；愛它的人，會吃出甘甜鮮爽。

把它炸左後...沖繩苦瓜件很香脆，口感幾特別入口苦瓜好薄，唔油膩有點回甜有點苦但總結吃多了就是太咸了...有人有同感嗎？飲了很多水的說。

🌟安康魚肝豆腐 $60呢個第一次食，配上海帶，但海帶及安康魚肝豆腐都是咸了一點，一齊食比較好；分開食咸味會重一點，但魚肝有魚油香配以豆腐再加以調味就會冇左內臟腥味，咁先才可入口。

這點處理得不錯呀。

🌟兩份帆立貝 $176 賣相非常討好，燒帆立貝吃起來味道挺鮮，當中帆立貝有大有細，但係都幾新鮮飽滿，配上滿滿燒香嘅芝士，芝味十足更加香濃，極具東瀛風味！每人一人一份，如果唔係真係唔夠喉架！Share食既話。

絕對係色、香、味俱全呀！！🌟黑松露鰻魚卷 $168餐廳的招牌主打卷物，是我大愛的鰻魚和黑松露醬呀。

鰻魚非常厚肉，好厚身，味道好香應是脂香吧，飯卷包著青瓜很清新，青瓜絲加鰻魚，肉質堅挺，仲會有啲爽口，以黑松露襯更顯鮮味。

所以整體很鮮甜。

好快就清左，黎到呢度，黑松露鰻魚卷好推介。

🌟雜錦天婦羅 $168整晚最喜愛的菜式，因為每樣都處理得好好，炸漿薄而脆。

非常豐富，「有大蝦、魚、冬菇、蕃薯、青椒、 蔬菜」。

最愛大蝦、青椒、 蔬菜，天婦羅蝦又大又彈牙鮮甜，炸粉輕盈薄薄的一片蔬菜入口鬆化很好吃又美又特別。

就是心機的出品喔。

🌟海鮮茶壺湯 $128日本料理中有一種是用茶壺煮的海鮮湯，飲左呢個茶壺湯之後最後暖笠笠呀。

日本人注重餐具，利用陶瓷茶壺盛着湯，賣相靚，而且可保存湯的溫度。

加上最後放青檸在湯中焗一焗，湯中散發出青檸香味或者可以滴一小滴青檸汁進湯內，味道會帶來驚喜。

入面都有好多料的說，「如：粉絲、蜆肉、蝦、豆腐等」湯味香濃、香甜、夠鮮味。

記得湯料要吃光呀，因為精華所在呀！仲有甜品食添呀！好正！一個人懂不懂得吃，也是天生的。

遺傳基因決定了他們對吃沒有甚麼興趣的話，那麼一切只是養活他們的飼料。

喜歡吃東西的人，基本上都有一種好奇心。

對食物喜惡大家都不一樣，但是不想吃的東西你試過了沒有？好吃，不好吃？試過之後才有資格判斷。

沒吃過你怎知道不好吃。

就等於呢間【花木日本料理】，因好奇心去試，但驚喜十足，因為就是好吃而已。

不嬲都鍾意食日本野，之前朋友又帶我食好西，揀咗呢間花木日本料理呢個$1288二人前最令我印象深刻嘅唔係咩主菜反而係呢個★★★★前菜——酒盜芝士﹑鮟鱇魚肝﹑日本澤蟹三款前菜都係我係其他地方未食過酒盜芝士咬落內裡有陣濃厚酒味，芝士夠鹹香之餘又帶新奇口感魚肝幼嫩帶油甘最正係隻迷你日本澤蟹，真係勁QQ，淨係俾佢個樣已經迷倒食落脆脆地，外殼有佢陣獨有嘅蟹香油脂，頂癮！★★★★黃菊菠菜油揚沙律★★★★刺身——平政魚﹑深海池魚薄切﹑牡丹蝦﹑中拖羅所有刺身都好新鮮，色澤飽滿，呢隻蝦似足游上水面探出腦袋，好QQ★★★串燒——雞翼﹑雞肝﹑黑豚肉﹑牛肉露荀卷﹑大蔥﹑鵪鶉蛋★★★沖繩一口雞★★★★蒜香安格斯肉眼呢個牛抵讚，生熟度好啱我心意，肉質夠鮮夠juicy★★★★綠茶冷麵呢個都係比較有趣，用鵪鶉蛋撈勻D麵一齊食，清新得嚟帶濃濃蛋香★★水信玄餅如果再透明D，圓咕碌D，就更吸引啦花木日本料理整體評分★★★★地理環境★★★★★服務★★★★★食物★★★價位＄＄＄＄

花木日本料理餐單提供日本菜, 壽司, 刺身等推介美食位於尖沙咀區，餐廳座位數未知人均消費約$201-400，結賬可以用Visa,Master,AlipayHK,支付寶,現金,銀聯，Booking訂位可以電話致電 26179222 查詢。

您對於尖沙咀餐廳「花木日本料理」有何 comment？

花木日本料理餐廳詳細資料：

• 花木日本料理地址:
  尖沙咀天文台道8號3樓2號舖
  Hanaki Japanese Restaurant, Shop2,3/ F,8 Observatory Road, Tsim Sha Tsui
• 花木日本料理電話: 26179222
• 花木日本料理價錢: $201-400
• 分類: 日本菜, 壽司, 刺身
• 座位: 未知
• 付款: Visa,Master,AlipayHK,支付寶,現金,銀聯
• FB專頁: 花木日本料理 Facebook

更多花木日本料理相關資料:

• 花木日本料理分店
• Youtube
• Facebook
• Twitter
• Google