翡翠拉麵小籠包 尖沙咀
地址: 尖沙咀廣東道3-27號海港城港威商場3樓3328號舖
最後更新:
翡翠拉麵小籠包推介
來自新加坡的連鎖上海菜館，2002年進軍香港，將傳統上海菜口味改良，菜式較清淡。
尖沙咀翡翠拉麵小籠包
| 餐廳分店 | 翡翠拉麵小籠包 |
|---|---|
| 地區 | 尖沙咀 |
| 電話訂位 | 26222699 |
| 餐單 Menu | 滬菜,上海,拉麵,中菜館,少鹽少糖食店, |
| 人氣指數 | 388 |
| 價錢幾錢 | $101-200 |
翡翠拉麵小籠包訂位
翡翠拉麵小籠包位於尖沙咀區，詳細地址是尖沙咀廣東道3-27號海港城港威商場3樓3328號舖，餐廳寬敞座位數目共有未知幾多個。翡翠拉麵小籠包幾錢？價錢優惠後人均消費大約$101-200埋單，早餐午餐晚餐翡翠拉麵小籠包餐單包括有滬菜,(上海),拉麵,中菜館,少鹽少糖食店等美食，付款方式有Visa,Master,現金,八達通,AE,銀聯付款，Booking網上訂位可以電話致電 26222699 查詢訂座。翡翠拉麵小籠包優惠
翡翠拉麵小籠包 評價 相片
係人都知海港城消費唔平，但又要唔算太貴食物質素中上，呢間絕對可以試一試！因為成日係海港城行街關係，所以呢間我都算係常客仔平時每次我都係單點食物，今次老公落order，叫咗個2人套餐！岀其地每樣都不錯👍🏻 前菜我地叫咗雞絲粉皮同涼拌木耳，都好開胃主菜係清湯牛肉麵同最愛的蔥油拌麵，牛肉麵味道偏淡，我唔太鐘意，所以推咗比老公食，但老公覺得不錯 我就繼續品嘗我的蔥油拌麵，呢個麵同味道都剛剛好，唔會太咸又唔會得個油字，食完起碼唔會太油膩先。
呢幾日比部 #手機 搞到頭都痛埋😮💨 見手上仲有啲 #HarbourCity dining coupon喺度，一於唔好嘥，乘機請半日假走去 Pixar Fest #打卡 之餘，再食埋個late lunch先去下一站😬陪住大家成長嘅 #Pixar動畫人物 果然有佢嘅賣點，估唔到星期五嘅下晝已經吸引咗唔少人嚟潮拜，我哋只好快閃影幾幅相就去搵食🤤 因為當時已經三點有多，我個肚已經餓到打晒鼓，就近近地揀咗前面嘅 #翡翠拉麵小籠包。
入嚟之前，仲諗住可以食到佢哋拿手嘅 #百葉紅燒肉，點知睇勻成個餐牌都冇咗呢個餸👉🏻👈🏻 只好退而求其次，點咗個 #嫩雞煨麵、#糖醋魚柳 做我哋嘅午餐😉 眼見仲遲過我哋入嚟嗰位哥哥已經食飽埋單，但係我哋啲食物一直未見影😅 …可能係太肚餓，心情特別期待😆 前後大概等咗半個鐘，終於有嘢食🤤 不過唔知點解 #傳菜姐姐 硬係要將啲食物放到半呎咁遠，唔知仲以為自己呢餐去咗大排檔😅 食物味道都算唔錯， 煨麵個湯底夠晒熱辣辣，麵條索哂啲湯汁好鮮味🤤 #糖醋魚柳 更係令我喜出望外，魚塊夠厚身，個 #醬汁 甜甜酸酸好開胃🤤 最後再配埋杯 #凍豆漿… 確係唔錯😉
整體來講，餐廳食物質素唔錯，價錢可接受唔太貴，海港城嘅餐廳之中算抵食，特別推薦 「擔擔麵」、「東坡肉」👍🏽小籠包：即包，皮簿餡多，咬落啖啖肉汁，味道好食，不過無驚喜蘿蔔絲酥餅：酥皮鬆脆，內餡足料多蘿蔔，咬落有汁唔會太乾，不過酥皮唔夠香，餡嘅味道好淡，算合格但不推薦口水雞（+$10轉雞脾）：原價$85另加左$10轉雞髀，但只有面頭係雞髀，全部雞胸鋪底，感覺唔抵。
味道普通，香味唔夠，不過夠辣，雞肉唔夠滑，不推薦東坡肉：功夫菜黎講算價錢唔貴、幾抵食、性價比都算高👍🏽 味道香甜，肉質嫩滑，半肥半瘦完全唔肥漏，值得推薦✨擔擔麵：餐廳最推薦菜式✨大大碗，麵質有咬口，湯底味道香濃十分濃厚，啖啖花生同芝麻香味，必食之選👍🏽鱔糊炒麵：平平無奇嘅一個炒麵，味道ok小小甜同咸，鱔魚唔爽無鮮味，麵質就幾好酸菜魚：湯底清甜但唔夠酸味同辣味，桂花魚片十分爽脆，但欠魚味，有啲仲食到魚腥味，配扁薯粉但口感差，不煙韌無咬口內容易斷，完全唔似食薯粉，不合格不推薦👎🏽
好耐無同屋企人係海港城食飯,因為要就返屋企人,中菜呢d就大路岩晒每一個人。
同時海港城做緊coupon,都快到期,就拿拿聲用埋佢!紅油抄手 $58基本上每次中菜我都會點的,但今次比以往辣左好多,得個辣字,無左以前咁有層次好食皮都滑不是雞火炒飯 $95呢個表面上係炒飯,實際上佢係無飯而係最緊大熱的椰菜花飯,味道係可以,因為有火腿咸香但係個口感係偏硬,都幾硬下曾經食過一間處理得比較好就高下立見玫莓脆脆豬頸肉 $95豬頸肉炸過配上甜酸汁有食咕嚕肉的感覺開胃美味,但脆脆已經唔脆上海菜必定叫 蟮糊炒麵 $108蟮糊小左好多份量麵係入味配上芽菜口感係出色不過個人中意蟮糊,就覺得份量唔夠喉同屋企人食係正路之選
【 經濟抵食套餐 】🛍係海港城行街後，去咗翡翠拉麵小籠包食Lunch，可能早到的關係，門口竟然無人排隊。
🥗中午的豐盛套餐都幾抵食，$108有齊前菜，點心，經典小菜，白飯和飲品，相當豐富。
⭐️為大家推介幾個經典小菜 :🐟糖醋魚柳魚柳啖啖肉，醬汁酸酸甜甜好開胃。
🧆回鍋肉超多肉片，而且口感非常軟身，好啱小朋友食。
🦀瑤柱賽螃蟹賽螃蟹送飯食一流！🥙京蔥爆牛肉牛肉炒得啱啱好，好惹味，大人小朋友都鍾意食。
🍆我哋仲點左宮廷醬茄子和雞絲粉皮做前菜，茄子多汁入味，一口一個，好開胃。
雞絲粉皮夠爽口。
另外點心有香脆可口的脆皮春卷和皮薄足料的花素蒸餃。
🥛最後飲番杯凍豆漿，解一解油膩感，非常完美。
⭐️我哋都好滿意這間的食物和服務質素，下次會再來試下晚餐。
您對於尖沙咀餐廳「翡翠拉麵小籠包」有何comment？
翡翠拉麵小籠包餐廳詳細資料：
- 翡翠拉麵小籠包地址: 尖沙咀廣東道3-27號海港城港威商場3樓3328號舖 Crystal Jade La Mian Xiao Long Bao, Shop3328,3/ F, Gateway Arcade, Harbour City,3-27 Canton Road, Tsim Sha Tsui
- 翡翠拉麵小籠包電話: 26222699
- 翡翠拉麵小籠包價錢: $101-200
- 分類: 滬菜,上海,拉麵,中菜館,少鹽少糖食店,
- 座位: 未知
- 付款: Visa,Master,現金,八達通,AE,銀聯
- FB專頁: 翡翠拉麵小籠包 Facebook