錦明粥麵甜品 將軍澳

錦明粥麵甜品 評價 相片

一向都好鐘意食呢間野o既豆腐花、醬爆丸河同蘿蔔牛腩飯。

因為豆花夠滑，牛腩大件又好食，最重要係夠平。

可惜，早兩禮拜五晚10點放學諗住食個久違o既蘿蔔牛腩飯，點知突然見到落左閘，但係又無寫明原因，當時已覺得不妥，但因為成日都見到好多人去食野，所以仍未聯想到執粒。

點知無幾耐之後，發現佢連下午都落閘，不久，連招牌都拆埋。

之後問附近鋪頭，最終無奈地確定，係執粒...由慧安園時代食到而家執埋粒，真係算得上係我o既童年回憶之一。

如果有機會，真係想佢重開。

懷念的豆腐花、醬爆丸河同蘿蔔牛腩飯。

一向光顧呢間店，係因為平。

但係，最近D食物既水準真係好差!早兩次外買麵餐，第一次跟餐要豆漿，放屋企唔洗5分鐘，D豆漿已經酸，仲有一陣陣既異味，真失望! 好啦!比第二次機會你，今次加$2要凍豆腐花，點知仲哀，係肅既，嗰口豆腐花噁都噁唔切!唉!一個字"差"!今日，因為朋友話好窮，所以陪佢食多一次，點知!嬲到爆!去到既時候，計埋我地得兩張枱有客，兩個職員阿姐喺度食飯，一個阿姐負責落單兼收貨，照計兩枱客，無理由一個阿姐搞唔掂!食食下野，個阿姐放底一碗豆腐花，唔係我地叫既，「唔係我地架!」我講左兩次，個阿姐唔理我，掛住同另外嗰兩個食緊野既阿姐傾計，錦算啦!叫你都唔應，友人就食埋佢啦!點知埋單嗰陣，阿姐就話:「點解無寫豆腐花錢，........唔係4號枱咩」另一個食緊飯既阿姐就話:「唔係，我話2號枱.......」兩個阿姐喺度扯貓尾，唔肯認帳。

跟住，收銀阿姐話:「錦收你錢!」我即係同佢講:「點解!係你地做錯事，叫你地又唔應，我唔會比!」點知阿姐就話:「錦係你食左，就要比錢，我又聽唔到你叫，緊係你比」我真係嬲:「你地自已做錯事，掛住傾計唔理人，關我咩事。

」突然，食緊飯個阿姐就話:「算啦!跟餐收$2啦!」我聽完都諗，收$2都可以接受，始終有食到，費時比人覺得食霸王餐。

點知諗住比錢既時間，望度個阿姐打左收$6，我問佢唔係收$2咩，佢就堅持係收$6。

我就講:「你比錯食物客人，就算個客唔食你都係掉左佢既啫!」點知佢個答案真係嚇死人，佢竟然話:「唔係噃!我地會攞番起，再賣比其他人!反正都無食過!」嘩!我真係嚇親!即係同佢講:「咁污糟你都賣比其他人，之前個客有無撩過，噴晒口水你都唔知啦!我以後唔會幫襯!太污糟啦!」點知個阿姐唔夠我講就出言傷人:「你真係無乃，我第一次見到你呢D咁無乃既人........」佢不斷咁重覆，我真係好嬲，你地間店D衛生常識咁差，做錯事又唔應，仲要鬧番D客人轉頭，有無搞錯!結果，我放低$2就走!背段依然係聽住D無乃、無乃既聲音。

不過，都好既，因為我終於知道D食物水準咁差既背後原因，都埋令我明白，「平野無好野」既道理，我真係對呢間店完全失望!

齋腸粉 $1 only!!! 超抵食!!黑豆豆腐花，覺得無正常豆腐花咁好，因為好似比較意散同唔夠豆香蘿蔔糕同芋頭糕都煎得唔夠隆不過好抵，加埋都係$22 only!!

2008年09月04日， 錦明兩個無飯夫妻到此撐枱腳，吃家常餸：北菇蒸雞：想不到這麼多冬菇，分量多，味道都可以了。

蒸水蛋：幾滑。

白菜仔和通菜：跟餐的。

雖然不算很便宜，但喜歡D餸無乜味精，偶爾一吃也不錯。

這兒食物普通,環境也不怎麼好店面卻總是車對馬龍,想也知道"便宜"是背後的主因是日要了一個牛肉粗跟菜心牛肉沒雪味,但亦沒什麼肉味,菜心有點老,但亦不至於苦湯的筧水味略嫌重了點,但麵的口感尚算可以跟餐的豆漿甜得嚇人喝了一口也就放棄了誠惠$22,這樣的價錢也沒什麼好苛求的了

錦明粥麵甜品餐單提供港式, 甜品, 糖水, 粥品, 茶餐廳, 冰室等推介美食位於將軍澳區，餐廳座位數未知人均消費約$50以下，結賬可以用現金。

您對於將軍澳餐廳「錦明粥麵甜品」有何 comment？

錦明粥麵甜品餐廳詳細資料：

• 錦明粥麵甜品地址:
  將軍澳貿業路8號新都城中心3期地下G7號舖
  Kam Ming Congee and Desert, Shop G7, G/ F, M C P Discovery,8 Mau Yip Road, Tseung Kwan O
• 錦明粥麵甜品電話:  
• 錦明粥麵甜品價錢: $50以下
• 分類: 港式, 甜品, 糖水, 粥品, 茶餐廳, 冰室
• 座位: 未知
• 付款: 現金
• FB專頁: 錦明粥麵甜品 Facebook

更多錦明粥麵甜品相關資料:

• 錦明粥麵甜品分店
• Youtube
• Facebook
• Twitter
• Google