蜜蜜見 將軍澳

蜜蜜見 評價 相片

今日係母親節,出去食個飯慶祝下.近近地係將軍澳附近搵到間小店,雖然餐廳地理位置唔係幾好,但勝在好方便泊車,環境寧靜舒適,而且店員都係好好傾同好funny,最中意就係黎呢種餐廳食野,吹得水黎又唔會係咁煩住曬.我地6個人叫左好多野食,因為見樣樣野都好想食下,叫下叫下就好多咁.蜜蜜豬手 $128豬手製作需時,要早小小叫.味道真係唔錯,一般豬手都係好易整到肉質好柴咁,但餐廳整到唔會,仲有保留到肉汁,相當唔錯.小食拼盤 $108拼盤就有洋蔥圈,炸粗薯條,3隻雞翼,小小沙律同埋3條炸芝士條,而雞翼都有3款味道都可以揀下,今次我地就揀左蜜糖味,好好食.個拼盤一次滿足曬我地想食多幾款既願望.意大利大啡菇意粉 $68菇意粉個意粉底應該係卡邦尼意粉再加上蘑菇汁同好多蘑菇,食落口蘑菇軟硬度岩岩好,又唔會整到蘑菇冇曬汁或者好熟咁.意粉軟硬度又係岩岩好,真係相當唔錯.香煎日本帶子蘆筍意粉 $88 3粒大大粒帶子,呢個價錢黎講相當有誠意,而且個人好中意食蘆筍,蘆筍唔老同埋又唔會好淋身,意粉都係卡邦尼,唔會好鹹.香煎挪威三文魚扒意粉 $98三文魚意粉係好多女士既心頭好之一,我好多時食三文魚都係因為果日唔想食紅肉,就會叫三文魚食.餐廳整三文魚整到好好食,煎到岩岩好,皮又脆而且又唔係煎到成舊三文魚散曬咁.粒粒蟹肉意粉 $88蟹肉蟹籽都好出色,好足料.意粉都係好唔錯,可能真係因為餐廳煮意粉有一手,真係好唔錯,每次出去食意粉都好怕D意粉一係好硬一係就好淋唔知食緊咩咁.每一個意粉都可以加配小食同飲品炸芝士條 3條 (套餐 +$24)好好食,有小小拉絲既應覺而且中意食芝士既朋友就一定要試下.洋蔥圈 (套餐 +$24)洋蔥圈就冇咩特別,都係普通炸洋蔥圈,不過值得一提係好大份.蜜蜜雞翼 3隻 (套餐 +$24)芝芝擺烏龍 (套餐 +$24)芝士奶蓋好濃郁,作為一個芝士控,為左個芝士我會再黎食多次.烏龍茶底都好清,唔會好澀口.芝芝蓋茉莉 (套餐 +$5)同樣芝士真係十分出色,有D OP,茉莉荼都係好清,飲落小小fresh同埋好解肥膩感.奇異奇異汁 (套餐 +$16)奇異果汁幾fresh同埋冇加糖水,唔會有個種好假既果汁感覺,但係略微唔係好夠凍.仙草凍芋圓珍珠金柚肉蜜蜜撈 $42好多配料都好想揀,但係去到後期個個都好滿足,所以都係叫小小試下.金柚肉有小小甘,唔係每個人都中意,但係我覺得好好食.整體黎講,餐廳CP值好高,每一道菜都唔係好貴,而且份量真係夠食,再加上揀唔到店員又會比suggestion你,悶既又可以搵佢地吹下水,店舖裝修同埋播既歌都好有心思,加分!下次再去!

今次黎到將軍澳發展中既地方食野,環境幽靜舒適。

方便一家大細三五知己一齊傾下計gathering.推介菜式卡邦尼意大利粉⭐️⭐️⭐️⭐️⭐️ （Max :5⭐️)雙色薯條⭐️⭐️⭐️⭐️⭐️ （Max : 5⭐️)卡邦尼意大利粉：意粉質感唔軟唔硬入口岩岩好，配埋芝士粉除左足料，強烈既芝士味，仲加埋忌廉入口更加juicy，份量岩岩好夠2個人share。

簡直拍得住一流既西餐廳。

唔知係咪我太肚餓關係，定太好食我地好快就食曬成碗。

雙色薯條：顧名思義即係2隻色既薯條啦，一隻係黃到金既粗薯，另一隻就番薯甜薯條。

一咸一甜味道混合埋一齊岩曬唔同人既口味之餘，仲係即叫即炸絕對夠曬心意。

店內環境雖然鋪面細細但佈置都十分舒適而且地靈人傑人小小岩曬大家吹番成個下午/晚上架！仲有不同既揮春同有意思嘅宣傳品添。

咁有質素嘅店舖係呢個疫情下多多幫襯啦。

人均消費：$88價錢絕對大眾化，讀緊書既學生都負擔得起！地址：將軍澳唐俊街12號天晉匯地下G06號鋪

之前見到新聞圖上既甜品相睇落好精緻，所以今日就同朋友一齊去試，叫左四樣野，老實講，四樣食完都係覺得一般什至難食我地分別叫左Oreo2. 0, 雞翼薯條，三文魚意粉同埋椰汁紫薯西米露，我吾肯定菜式名係咪正確，因為本身覺得吾算好食無諗過寫食評，所以無刻意記低菜式名，但最後一道上菜既三文魚意粉實在太令人愕然，所以先決定寫見到條三文魚我真係嚇一嚇，半條皮係燶既，吾使食已經知道一定好乾，然後意粉只係溝芝士，香草同甜度都拿捏得吾好，整體只係喊，無乜香味椰汁芋圓西米露一上見到結達達都知出事，我係嗌熱食都結到咁，原因係因為椰漿落得太重手，令到甜品又係偏咸，啲芋圓份量少而且細粒，普通貨，咬落無口感自於雞翼薯條，雖然雞翼大隻，但友人既評價係：無乜味。

Oreo 2.0已經係相對上食完覺得唯一接受到既食品其實今日去到店舖好多人，店舖既員工亦有禮物同埋睇落好勤力，不過我覺得除左菜式上既研究，其實最重要都係食物既味道！老闆同員工真係要俾多少少要求係食物水準上！

今次叫咗四樣野，榛子醬可麗餅 雙色薯條 同 辣肉腸意粉 同 一杯白牛，驚喜既係四樣野都唔差。

咁就跟佢黎餐既次序講啦～首先黎既係辣肉腸意粉［8/10］意粉偏酸幾開胃，辣度岩岩好，讚既係以前食啲意粉成日嫌佢唔夠汁或者好淡味，今次又夠味夠晒汁👍🏻白牛［8/10］係雪碧溝雲呢拿雪糕，特飲黎跟個主食加五蚊就有幾抵飲，本人比較大飲，略嫌唔夠大杯，不過係正常size唔洗擔心太細杯。

榛子醬可麗餅［7.5/10］驚喜既係佢連埋啲碎一齊食好正，偏甜唔會過火，會跟一球雪糕，試左朱古力同雲呢拿同個可麗餅都幾夾。

雙色薯條［7/10］薯條+蕃薯條既組合，薯條幾好食，不過蕃薯條就比較普通，如果早啲上餐會開心啲，因為岩岩炸起太熱啦。

#200313沙漠中的一點甜💛.重要的事說三次❗️❗️❗️#justeat_黃店 #黃色經濟圈 #黃店.<#酥脆雜莓拿破崙 $52>其貌不揚😆但頗有驚喜的👍🏿一片片薄薄的酥皮夾著吉士 忌廉和莓果層次十足☺️酥皮香脆不油膩👍🏿若然能做到一層層千層酥般的效果不論賣相或口感定會加分🙈吉士濃稠挺身和清新的莓果粒互相配合🍓只是略嫌忌廉未夠挺身但整體不錯👌🏿旁邊還有雲呢拿雪糕🍦草莓🍓藍莓等賣相一流盡顯心思💛.<#宇治抹茶芝麻心太軟 配雪糕 $58>其實這款先前已經介紹過😚每次必點水準依舊👍🏿近日換上自家炒芝麻更濃郁香醇🙂還有起沙口感👅強烈要求推出芝麻糊😀蛋糕甘苦味突出😛外脆內軟🥰今次主要是介紹雪糕🍦加$12可選限定口味❗️花生醬雪糕🥜酒味售罄只好選花生醬味的😌可惜味道偏甜亦沒有花生粗粒未能滿足花生友🤭威士忌雪糕🥃終於一試的確不令人失望🤤入口帶冰涼口感酒的香氣慢慢滲出👍🏿感受到的酒的辣味混合奶香更可口☺️🤤🏆還有必飲洋甘菊花茶😍.將軍澳貴為美食沙漠黃店又實在潦潦可數😌大推這家又黃又美味的甜品🥰🇭🇰..📍 #蜜蜜見(將軍澳)將軍澳唐俊街12號天晉匯地下06號#justeat_西式 #justeat_日式#justeat_將軍澳#justeat_甜品 #justeat_蛋糕 #心太軟 #topfoodnews #hkig #hk #hkfood #hkfoodie #hkfoodstagram #hkfoodporn #fotdhk #hkgirl #igfood #igfoodie #foodpics #foodlover #foodie #food #foodstagram #foodporn

蜜蜜見餐單提供西式, 甜品, 糖水, 西式糕點, 糖水舖等推介美食位於將軍澳區，餐廳座位數未知人均消費約$50以下，結賬可以用AlipayHK,支付寶,現金,八達通，Booking訂位可以電話致電 95183356 查詢。

您對於將軍澳餐廳「蜜蜜見」有何 comment？

蜜蜜見餐廳詳細資料：

• 蜜蜜見地址:
  將軍澳唐俊街12號天晉匯地下G06號舖
  Deli Sweetie, Shop G06, G/ F, Popwalk,12 Tong Chun Street, Tseung Kwan O
• 蜜蜜見電話: 95183356
• 蜜蜜見價錢: $50以下
• 分類: 西式, 甜品, 糖水, 西式糕點, 糖水舖
• 座位: 未知
• 付款: AlipayHK,支付寶,現金,八達通
• FB專頁: 蜜蜜見 Facebook

更多蜜蜜見相關資料:

• 蜜蜜見分店
• Youtube
• Facebook
• Twitter
• Google