feehk.com
最推薦好用的香港餐廳搜尋器

大茶飯 將軍澳

地址: 將軍澳唐德街9號將軍澳中心1樓137B號舖

台灣菜,中菜館,名人店,

最後更新:

大茶飯推介

由藝人黃美棋開設,主打台式料理。菜式名稱特別,如豬骨湯底的「17歲的麵」自選餸麵食及「乘風破浪鹽酥雞」。

將軍澳大茶飯


餐廳分店大茶飯
地區將軍澳
電話訂位 23501628
餐單 Menu台灣菜,中菜館,名人店,
人氣指數 334
價錢幾錢$51-100

大茶飯訂位

大茶飯位於將軍澳區,詳細地址是將軍澳唐德街9號將軍澳中心1樓137B號舖,餐廳寬敞座位數目共有未知幾多個。大茶飯幾錢?價錢優惠後人均消費大約$51-100埋單,早餐午餐晚餐大茶飯餐單包括有台灣菜,中菜館,名人店等美食,付款方式有Visa,Master,AlipayHK,支付寶,現金,八達通付款,Booking網上訂位可以電話致電 23501628 查詢訂座。


大茶飯優惠


大茶飯 評價 相片

之前食過大茶飯的自選車仔麵,餸菜選擇多,味道亦不錯,知道晚市有更多菜色,決定今晚同朋友試試。

芝士蘑菇雞翼 $48釀雞翼煎得金黃色,外皮香脆,包裹著肉汁鮮嫩的雞肉、蘑菇,仲有微微拉絲的芝士,咸甜適中,三件實在唔夠喉🥺滷水拼盤 $58有滷水雞翼、滷水金錢肚、滷水白蘿蔔、滷大腸、滷水蛋。

滷水汁甜甜地唔會過於甜膩,要數到最鍾意的一定係滷水金錢肚,鹹中帶甘,滷得均勻,質感軟稔有嚼勁,送飯一流。

白蘿蔔和大腸亦不遜色,白蘿蔔無渣,煮得鮮甜多汁;滷大腸乾淨無腥味,肥嫩軟滑。

㷫烚烚三杯杏鮑菇 $58是夜最期待菜色,本身非常喜愛三杯雞食譜,見到有三杯杏鮑菇即刻流曬口水。

雖然價錢不算平,但以熱鍋呈上,真正食到㷫烚烚的三杯杏鮑菇,你就知道呢個價錢值得比。

杏鮑菇呈金黃色,用醬油、米酒、麻油煨煮至收乾,口感爽口多汁,加上香氣撲鼻的九層塔、薑、洋蔥和蒜頭,很有風味。

大茶飯雞扒配白飯 $58呢個真心抵食,係一人晚餐的份量,雞扒炸得酥脆金黃,肉質厚實、嫩滑多汁,雞肉簡單腌製已經可以好美味,另配涼拌雲耳,香辣開胃。

黑糖芋圓仙草凍 $43黑糖芋圓仙草凍再配紅豆和綠豆,用料豐富,之前飲波濤洶湧奶茶已經試過佢地既黑糖珍珠,屬細粒Q彈,黑糖亦唔會過甜膩。

今次覺得芋圓有驚喜,三款不同口味,紫薯、番薯及抹茶,口感煙煙韌韌,特別係抹茶芋圓味好突出,紅豆和綠豆亦是健康之選。

呢日同呀媽去開將軍澳買嘢,就順便食埋個午餐🥢。

之前經過幾次已經留意到依間叫「大茶飯」嘅餐廳,皆因個名好易記🤣,呢日終於有機會一嚐試試。

餐廳環境光猛,座位數量唔算多,門口外都有幾張枱,我哋就係坐咗喺嗰到喇。

雖然我哋係嚟食晏,但時間已經兩點,所以可以叫Tea Set,比較抵食👍。

另外,主餐牌嘅食物選擇超多,花多眼亂。

部份食物命名更加食哂字,同餐廳名稱一樣大賣噱頭😝。

餐廳主打台灣菜,不過都有賣🚗車仔麵,因此麵底、配料同湯底都有得慢慢揀,呀媽叫咗碗食下。

🍜麵底揀咗准山麵($15),配料要咗黃金蝦餅($14)、麻辣鴨血($12)、滷水豬大腸($12)同秘製豬皮($12),最後湯底要咗鮮熬豬骨湯拼沙嗲汁。

我試咗蝦餅(好厚好大塊)同豬皮,味道都幾好食;呀媽就話鴨血同豬大腸都OK。

由於係下午茶(Set A)嘅關係,嗌三餸車仔麵就送飲品。

不過整體以車仔麵來説,我覺得算偏貴,因為份量唔多,比較大路嘅餸如豬皮、豬大腸都要$12🙈,好彩味道搭救。

我自己要咗Tea Set D嘅滷水牛腱麻香拌麵($40),🐮牛腱肉有三塊,肉質都幾嫩。

落單時店員提醒個麵會有啲辣,食落我認為麻醬味多過辣味,就算真係辣,旁邊都有個湯可以解下。

碗湯幾好飲,似車仔麵個豬骨湯,幾夠味🤤。

狂蜂浪蝶蚵仔酥($88),本身只係諗住八卦下個主餐牌,但見到有蚵仔酥、而唔係常見嘅蚵仔煎,就忍唔住口叫嚟食。

嘩,個造型同想像中唔同,有少少其貌不揚😅,不過份量超多,而且好好食。

蠔仔好新鮮,完全唔腥,每粒都酥酥脆脆,難得食完一啲喉嚨痛嘅感覺都冇。

我同呀媽都鍾意食芋圓,所以叫埋Tea Set J 黑糖芋圓仙草凍1號($28),即包括紅豆、綠豆同珍珠。

唔知下午茶餐嘅甜品Size係咪細啲㗎呢?但而家呢個量啱啱好,因為都飽飽地。

店員好細心😊,知道我哋Share食,所以主動比多隻碗我哋。

芋圓有幾隻色同味,連同珍珠都幾好嚼,唯一扣少少分係整體甜咗啲。

飲品方面🥤,我要咗凍薏米水,清清地幾好;呀媽就加咗$8要凍台灣甘蔗汁。

總括嚟講,呢間餐廳嘅多方面(食物味道、環境同服務等)都算唔錯,唯獨定價就無乜優勢。

餐廳因應政府要求堂食坐唔滿,但相反外賣訂單源源不絕。

最後,我埋單時發現佢係撐香港人的店啊,齊上齊落💛。

由藝人黃美棋開嘅台式餐廳已經大半年,雖然我唔係佢Fans,但係都想試吓藝人開設價錢又貼地嘅餐廳。

餐廳設計簡潔,座位排得較密,大概下午點半左右,客人唔多,好多座位,但單客多數係安排坐中間大枱。

午巿套餐有飯同車仔麵選擇,食物有啲唔錯,有啲好一般口,份量正常,而服務就普通。

鹽酥雞配肉燥飯,雞有啲乾,係預早炸定,微暖,唔脆,肉燥味道亦麻麻,雲耳幾辣。

台式糖醋魚塊配白飯,魚肉幾厚幾大件,新鮮炸好,外脆內嫩,個汁酸甜度適中,配新鮮菠蘿,送飯一流,好味。

台式糖醋豬扒配白飯,豬扒唔乾亦無醃得太勁,但無咩汁,配飯好乾。

自選車仔麵:柱侯牛筋,柱侯牛腩,滷水雞翼,滷水豬大腸,准山麵配鮮熬豬骨湯。

豬大腸,牛筋又軟滑又入味,牛腩偏肥啱晒我,雞翼都可以,可能揀嘅餸偏濃味,湯底唔使加汁都夠晒味,准山麵淋得嚟唔會散同漿住,全部都好唔錯。

滋味加配$16:鹽酥豆腐,豆腐鞋,唔係滑嗰種。

爆漿糖心蛋,差唔多全熟,無糖心,上面加啲漿,好求其。

薏米水,好淡無甜味,太健康冬瓜茶。

豆漿幾好飲。

+$15珍珠奶茶亦唔錯。

呢晚冇特別諗頭,隨便係商場揾D野食埋先搭車走。

Park Central裡面選擇多,價位親民。

見到呢間台式料理,既有台式自選小火鍋,又有單點小食、主菜及台式特飲甜品。

裝修雪白簡潔,有位唔駛等咁就入去試下。

點了一客遍地黃金哈哈蝦,單係個名就已經俾佢吸引左,香口食物尤其開胃,配埋個香熱白飯簡直無得頂。

一碟足有八只大蝦球,底部用上肉色大蝦片將蝦球堆成塔狀般叠起,端起最頂一只靠口,外面薄薄一層既金黃外裳披上均勻既咸蛋黃汁及油炸封乾後,咬開脆薄之中餘熱更爆出豐厚既咸香感,蝦肉同樣爽彈兼鮮味足,一口緊接一口停不了的誘惑,食完真係笑哈蝦!花雕嫩雞麻香拌麵,原來是用木盆以套餐型式分開上,起始吃麵條時麻香味相對濃,但發覺麵條掛入不少碎椒,讓人有不經意越食越辣既感覺,在麻過後既辣之中,浸透著花雕味既雞件,頓時酒體又會營造出另一番強烈味覺反差,又嘆到鮮嫩幼滑既雞肉。

若然感到咀巴輕痺的話,附上的清甜雞湯可助舒緩清新一下繃緊既味蕾! 滷水牛腱,帶住餘溫的薄切牛腱肌軟滑,雖有一點柔韌組織但咬起上來唔會有起渣既感,而且吸收左濃厚既滷水汁後,依然不會有口乾。

點了一杯女生恩物:桂圓紅棗茶寒冷既天氣底下手握一杯暖笠笠既黑糖桂圓茶,確係有一份温暖入心既感覺。

飲數啖全身慢慢發出暖意,既補血又滋潤真係一個不俗既選擇。

紅豆紫米糖水加芋圓,有三色芋圓,口感Q彈,煙煙韌韌。

紅豆紫米亦有補血養顏作用,味道亦唔太甜。

今日同朋友仔經過由藝人開設嘅台式餐廳。

喺好奇心驅使底下+文青如我,當然要試吓佢味道如何。

一試之下,果然冇令我哋失望啊!一坐低朋友即刻叫咗呢個大雞扒飯。

本身冇諗到係配肉燥飯,好多肉啊!岩哂食肉獸!主角雞扒大份又juicy,肉燥肥膏唔太多,食落岩岩好,醬汁甜甜地我就點左嫩雞麻香拌麵,成日出街食麻辣麵都係齋辣唔麻,貨不對辦!但係呢個拌麵麻而不嗆,又麻又香。

配上又嫩又滑嘅花雕醉雞真係好夾,俾個like佢鹽酥雞系台式菜嘅靈魂,所以又脆又嫩嘅雞肉相信係基本門檻!但係呢到嘅鹽酥雞唔單止份量夠多,而且調料十分出色!多人嚟食叫呢個開心share都十分之抵食食台灣菜緊係要配一杯珍珠奶茶!見佢有豆漿就一齊叫埋試下分別。

黑糖珍珠唔洗驚太過甜膩,珍珠都好彈牙。

如果鍾意飲甜野嘅話,強烈推介黑糖珍珠豆漿!又滑又甜又彈牙另外,呢到芋圓糖水好出色,芋圓QQ彈牙,食到唔停口。

而且店員好體貼,知道係兩位share,送上嚟已經俾多個碗仔我地,貼心服務加分近月社會事件影響,大家嘅心情較為低落,一句齊上齊落,香港加油!真係令人覺得好warm

大茶飯餐單提供台灣菜,中菜館,名人店等推介美食位於將軍澳區,餐廳座位數未知人均消費約$51-100,結賬可以用Visa,Master,AlipayHK,支付寶,現金,八達通,Booking訂位可以電話致電23501628查詢。





您對於將軍澳餐廳「大茶飯」有何comment?

大茶飯餐廳詳細資料:

更多大茶飯相關資料:


最後更新: