藍天日式海鮮市場 太子

藍天日式海鮮市場 評價 相片

本來去食豬紅腸加燒賣, 經過見到藍天佢出左$8 壽司,就入左去食。

我叫左好多碟$8三文魚壽司, $8立魚壽司, $8玉子壽司, $8蟹柳壽司, 碟碟都係$8有2件手握壽司, 超抵~~ 抵過食元綠同元氣, 計落同百佳一樣$4件, 平就笑, kee。

環境一流, 水準幾好, 最緊要係平同好新鮮, 現在耐不時都會叫外賣tim~

一向係自由撞鋪居多, 好少可在呢個網尋食店搵idea, 又無乜幾可在太子晚膳, 非常無把握, 於是隆重少少穩陣d於平日晚打電話訂位, 但似乎不必要, 因當晚入到去, 唔知係7點3 太早定d卡位高得似房, 又或d客坐晒樓上, 唔見多客, 非常疏落. 其實個人就好鐘意咁, 出外用餐早少少永遠有著數.廁所味就唔覺, 但入去到有陣濃烈香精香薰味, 準確d講就係卡拉ok味, 對於隻狗妻鼻敏感花粉症者, 非常不利, 對於自己, 感覺有點不討好, 因香得太濃, 覺得店內好焗. 訂位一早要求非煙區, 可惜佢無分, 所以安排坐於稍近門口位置, 以求空氣好d. 有時小人之心, 諗諗下佢會否驚你坐得太近門口, 食食下鼠出去走數, 因全程晚餐中, 成日有人好刻意咁行埋你度望下你地, 甚至'虛寒問暖', 由於呢種過度呵護, 當晚兩個人傾談常被打斷, 唔采佢又好似無乜禮貌, 而事實上卡位環境極優良, 又有LCD電視仔邊食邊睇, 好有私人空間感覺, 但好可惜結果完全相反, 經常比人'造訪'令到自己有一種監視晚餐感覺. 攪到當時內心高呼住leave us alone. 老實講係幾煩下, 而且當初order野食時, 個人習慣會用5分鐘合理時間研究餐牌, 但過程中成日比人promote, 一個接一個, 車輪戰, 食到最尾亦不放過機會, 問你要甜品否. 就係因為以上煩煩情形, 影響左叫更多食物既意欲. 免費送我地碟雞軟骨串或贈品一set三件壽司, 個人覺得可有可無, 沒有所謂, 在於自己立場, 唔會貪呢d, 何況普通貨仔, 至緊要叫到靚野, 好野, 自己鐘意既野, 加埋合理價錢, 適當服務, 怡人環境, 不需花巧賣弄, 只合乎個人簡介3大基礎原則, 已經心足. 講番食物, 200零兩人埋單, 食品質素同份量, 可以. 當中叫左蟹粥同剌身便當, 對於蟹粥, 感覺過甜, 粥中有大量紅蘿蔔, 但個人至鐘意果份一口口純粹熱粥, 感覺當中之海鮮甜味, 但事實上被山之蘿蔔搶晒. 而個人至鐘意既便當, 既然係自稱海鮮巿場, 整多兩塊剌身入便當咁我會食得更有滿足感. 如相中顯示, 飯夠晒多, 魚生比例多d就開心d, 大體食品表現正常, 食物評語在此篇幅不多.至有意見始終係服務方面, 其實, 服務就係一種藝術, 不足時會比人媽, 過度又比人嘈, 真係難做, 但得平衡, 令客人開心, 必屬好鋪有好前途. 希望佢地過度呵護唔係好心壞左事.

之前食過有朋友覺得貴, 不過收到朋友forward 佢地個web site有得download couponwww.geocities.com/blueskyjapanseafoodmarket睇完個web site 知道轉左menu, 好似好多新野食, 而且所有食品都平哂咁, 所以去多次, 今次叫左好多小食:1. 明太子/芝士雞翼($2x3x)雞翼王就0岩哂2. 有骨的腸($2x) 好得意, 好多肉汁3. 藍天刺身沙律($6x)好鬼正, 好多刺身, 本身有沙律醬, 再另配個秘製沙律, 酸酸地, 好鬼開胃4. 鐵板牛肉好美味, 比食開的日本料理店的一口牛大碟好多5. 綠菜蝦天婦羅自創的, 綠綠地, 又幾得意6. 鵝肝炒飯肥野, 不過都幾好味~7. 花之戀2種魚生(46片)包住個有蟹籽的sushi 飯,因為太大舊, 我地分開左一片來食, ha好多樣都幾有新鮮感, 天氣未轉冬所以未試佢個"秋冬特選", 總括係比上次抵得多, 今次0的朋友仔都話幾抵食, 下次gathering 都會再去, cheap cheap 地食晚市定食; 叫個二人餐, 三個人女仔分都okay.

與女友在lunch與tea的尷尬時間搵食.又再行經藍天,waitress話要3點先有tea,請我地入去住先.當時係2:45,ok,照入.入到去見有lunch menu(同上次新開張果份一樣,冇乜變動)於是選左一個lunchset食住先.藍天日替定食.飯,麵豉湯,一杯野飲,魚生油甘魚tuna三文各兩片,敗筆地方係淋上大量沙律汁(應該分開上嘛!)另有沙律炸雞塊!又係撈埋一齊!魚生新鮮但完全被沙律汁酸味蓋住!個人建議想食既朋友order前叫佢將汁料分開上!tea set好抵.$28一個湯麵三件suhsi加一杯飲品.要了炸雞湯麵,湯底極淡麵冇味.可入口唔太差.雞外皮炸得極脆.sushi飯太易散,有三文魚,蝦同墨魚,普通貨色但$28咁多野仲想點整體tea set唔錯.lunch set日替定食可以不試今次坐卡位睇電視有得自己轉channel.又有dvd播放.arm晒平日追電視劇既朋友.

人間有情結業後，便開了這新店。

一直也想來試試，早幾晚有空便來試了。

我們叫了雜錦壽司拼盆(8件)、三文魚頭鹽燒、什錦天婦羅、海膽炒飯。

雜錦壽司拼盆(8件) 全部也是平價魚，維一的油甘魚壽司還是有根的，d飯也不大像日本米，沒有什麼口感，可以不要。

三文魚頭鹽燒 味道唔錯，可惜太鹹了，相信係落得太多鹽吧。

什錦天婦羅 炸蝦很新鮮，味道唔錯，又有咬口，炸物來說，都算唔錯。

海膽炒飯 海膽你在那裏！吃了很久也沒有點發現，相信是有的，但又真係少得可憐；d飯相信太新鮮太濕，唸在一起，在炒飯來說，係唔合格的。

本來期望新開的店，應該唔會太差，但來一次就已經夠了。

價錢唔算平，但食物只是普通，來不來試就你們自已決定了！

藍天日式海鮮市場餐單提供日本菜, 海鮮, 鐵板燒, 壽司, 刺身, 日式西餐等推介美食位於太子區，餐廳座位數未知人均消費約$101-200，結賬可以用現金。

您對於太子餐廳「藍天日式海鮮市場」有何 comment？

藍天日式海鮮市場餐廳詳細資料：

• 藍天日式海鮮市場地址:
  太子界限街43號地下(彌敦道交界-太子地鐵站A出口)
  Blue Sky Japan Seafood Market, G/ F,43 Boundary St., Prince Edward
• 藍天日式海鮮市場電話:  
• 藍天日式海鮮市場價錢: $101-200
• 分類: 日本菜, 海鮮, 鐵板燒, 壽司, 刺身, 日式西餐
• 座位: 未知
• 付款: 現金
• FB專頁: 藍天日式海鮮市場 Facebook

更多藍天日式海鮮市場相關資料:

• 藍天日式海鮮市場分店
• Youtube
• Facebook
• Twitter
• Google