花園餐廳 (西洋菜南街) 太子

花園餐廳 (西洋菜南街) 評價 相片

今天週未放工相約了朋友在旺角行街買衫同日用品，未開始行，我們找間餐廳吃一吃Tea先，因想找間便宜點而座位可座得舒服點，行了一會，看一看門口餐牌，之後入了現在這間吃，平時返工地方都有這間，多數吃午餐，午餐價錢不貴，份量大，個餐飽好軟熟，Tea比較少吃，我們選了卡位座，很寬倘，今次吃Tea餐很有驚喜，自己叫了馬來抄貴勺，貴勺抄得很乾爽同滑身，放上枱很香馬來辣味，不太辣，不吃辣的人適合吃，朋友叫了泰式豬頸肉煎蛋飯，豬頸肉厚身，烘得很香肉味，煎蛋，煎得很流心，有蛋香味

行過太子, 見到好耐無食既花園餐廳, 星期日中午仲有午餐供應, 梗係要食喇!😅午餐抵食, 仲有幾個選擇, 連鐵板都有! 叫左 🥩蒜蓉蘇格蘭牛扒拼 (三選一 白飯 / 意粉 / 薯菜) 🥩, $58, 有餐湯 (二選一 蘿宋湯 / 忌廉湯) 有牛油餐包, 有餐飲, 價錢真係好抵!😋牛油餐包大大個暖笠笠超軟熟!😋 牛扒唔鞋口亦都唔un, 亦都無鬆肉粉既感覺, 好食!😋 蘿宋湯多渣都唔錯, 係感覺淡左少少, 但都可以接受! 整體鋸下扒都真係幾抵食!

我完全唔理解唔到水喉膠管跌落杯野有幾好笑話說我本身對呢間野無乜感覺，普普通通，友人想食，咁就入去，無服務就預左，食物無素質都預左...同朋友一人一個餐，飲埋杯野就番歸，飲到尾，發覺有啲硬硬地嘅野，用支飲官篤住就發覺有支水喉膠管即刻問待應呢個乜野嚟，點知個待應即刻笑到卡卡笑，又話同事你支水喉落左人哋杯野到呀，笑到好似中左六合彩咁一啲歉意都無，仲要加多兩錢恥笑之後經理同水吧同事都有所謂嘅解釋同聲稱水機水喉膠喉好乾淨，但係一啲歉意都係無，一味解釋話好乾淨好乾淨，我憑乜野信你，連支水喉膠喉都管唔好對呢間野完全失望，無下次！

今日星期六諗住去旺角花園街買下日用品，未開始行動前，諗住搵個餐廳食午飯先，老公最中意港式西餐，記得附近有間花園餐廳，咁就揀左個度醫肚。

鐵板黑椒汁肉眼扒雖然唔係d咩高級牛扒，但味道口感都絕對唔差，港式口味加兒時既味道已經好滿足。

牛扒5成熟, 生熟度岩岩好。

佢跟餐個羅宋湯都好味道。

蕃茄焗牛脷飯誠意推介，蕃茄味濃，牛脷份量多，炒飯底，成個配搭真係無得輸。

焗法國田螺跟餐加$47就可以食到，田螺好肥美，味道都唔錯，加埋焗薯蓉墊底，整體味道都靠得住。

兩個人食到攬住個肚走，埋單都係$209, 勝價比好高！！

#旺角 #花園餐廳 好耐無去地底嘅餐廳😂 好抵食，但味道一般，如果糧尾又想鋸扒，又想食飽，可以揀呢間呀!特餐A #肉眼扒配意粉 件扒夠薄身😂都有牛味嘅，不過侍應哥哥無問幾成熟，咁上到黎又唔算靭，意粉就好腍🤷‍♀️不過56蚊，又有餐包，又有味精餐湯，唔好咁高要求🤣🤣🤣特餐B #蒜香雞扒配珍寶腸跟薯菜 個蒜香汁淋咗係嗰片珍寶腸上面，反而令珍寶腸搶口咗，好食咗🤭另外，雞扒煎得好香口，外皮夠脆，唔錯👌#薯菜 浸咗落啲汁度，腍咗😓餐湯係#忌廉湯 係好普通嘅味精味😅反而#餐包 幾好食，少少甜，不過少少乾，搽牛油可以補償返😄侍應哥哥同姐姐態度一般，不過好肯收碟，會成日經過黎收，坐得都幾闊落，但係燈光好暗，唔係咁鐘意有得揀，會想去其他分店😆味道: 7/10味精: 8/10價錢: 8/10環境: 6/10服務: 5/10

花園餐廳 (西洋菜南街)餐單提供港式, 扒房等推介美食位於太子區，餐廳座位數未知人均消費約$101-200，結賬可以用Visa,Master,AlipayHK,支付寶,現金,OpenRice,Pay，Booking訂位可以電話致電 23932522 查詢。

您對於太子餐廳「花園餐廳 (西洋菜南街)」有何 comment？

花園餐廳 (西洋菜南街)餐廳詳細資料：

• 花園餐廳 (西洋菜南街)地址:
  太子西洋菜南街218-220號地庫
  Sweetheart Garden Restaurant (Sai Yeung Choi St South), Basement,218-220 Sai Yeung Choi St South, Prince Edward
• 花園餐廳 (西洋菜南街)電話: 23932522
• 花園餐廳 (西洋菜南街)價錢: $101-200
• 分類: 港式, 扒房
• 座位: 未知
• 付款: Visa,Master,AlipayHK,支付寶,現金,OpenRice,Pay
• FB專頁: 花園餐廳 (西洋菜南街) Facebook

更多花園餐廳 (西洋菜南街)相關資料:

• 花園餐廳 (西洋菜南街)分店
• Youtube
• Facebook
• Twitter
• Google