泰聚 太子

泰聚 評價 相片

估唔到依家太子花園街盡頭呢個位開咗咁多東南亞嘢食，去咗呢間泰國菜試吓，入到去樓底夠高，空間感足、幾舒服👍🏻#泰皇咖哩炒軟殼蟹 $158 都可以擺到靚靚🌺，軟殼蟹炸得好脆，加上甜咖哩汁超好食，最岩就係跟埋蒜蓉包😆 #香葉肉碎雞蛋飯 $98 啲肉碎炒得好香，同時都真係辣辣地，食到辣應該會中意😋 #椰青 $48 好大個同好清甜，超正😍估唔到太子有咁到位嘅泰國嘢食😝 今次試得唔多，有機會同一班人再黎食多啲款🤤總評🔮食完可再食

同事食完後覺得抵食，所以推介比我。

當我得知十月份做梗半價Promotion後，即刻book左星期五晚約埋中意食泰菜既朋友去試🙊。

星期五晚上6點黎到，當時雖然只有幾枱客人，但原來有好多枱都已經留左比人，估計walkin應該無乜機會有位。

見到如此爆場，我同朋友都滿心期待!! 😃由於我地都係小黑洞，兩個人點左4樣野，結果飽到上心口…..😆首先上枱既係泰式小食拼盤(大) $198其實兩個人食細拼盤已經好足夠，但見到大同細既價錢只係相差$30，半價後即係只差$15，分別咁少，所以直接點大size。

包含蝦餅、魚餅、春卷各6件、雞翼、香葉包辣雞各3件，份量好多，賣相吸引，每樣都係新鮮炸出黎，半價後好抵食😆。

蝦餅彈牙，不過外層唔夠脆；包辣雞肉質嫩滑有雞味，不過香葉同辣味欠奉；雞翼最差，完全無味，肉質又鞋又實，全晚最差。

沙嗲串燒(6串) $108雞牛豬各2串，賣相唔錯。

平時牛串燒最易中伏，但呢度整得唔韌，食得過。

豬串燒唔夠肥，比較鞋同乾。

不過串燒都有一個通病，就係醃料蓋過食材本身既味，只能靠肉質同顏色分別出咩肉類。

由於枱太細，職員貼心地幫我地將食物分兩批上枱。

仲會不時留意我地用餐進度，見到我地近乎食哂，先再上其餘果d，呢個位十分抵讚👍。

咖哩炒軟殼蟹 $158呢個咖哩好港式，居然加左三色豆落去😧，完全唔夾…..😕咖哩香料味欠奉，而且好似埋左芡咁，杰撻撻，我地仲點左薄餅配佢，完全唔夾....😩好彩軟殼蟹係新鮮炸出黎，脆卜卜，而且好有蟹香🤤。

不過鹹左少少，所以我地點左個白飯餸佢。

白飯係絲苗米，好有米香，煮到粒粒分明，呢個配搭最好!!😋牛油薄餅(8件) $38其實係完整2塊，雖然新鮮、辣手，可惜唔夠酥軟，牛油亦唔夠香。

可謂食之無味，棄之可惜😥。

反而望到隔離枱order左蒜蓉包吸引好多!! 雖然只有四件，不過大大件、金黃色，成條金磚咁。

結果四樣野加一碗白飯，半價後人均$155。

價格方面無可否認非常經濟，職員服務好又細心，環境舒服，但味道方面確實麻麻。

如果正價既話一定唔會黎，半價就可以試下。

很思念泰國的澎湃熱鬧跟在地小菜，思念在地才有的溫暖氛圍。

幸好香港也有很道地的泰菜，稍稍撫慰我的泰國魂😋🇹🇭吃泰國菜，咖哩海鮮是一定的啊！就像去台灣必吃蚵仔煎一樣（我的堅持）。

軟殼蟹真的百吃不膩！好下飯啊啊啊，可惜這陣子晚上戒澱粉，不然拌三碗飯是基本款😭無法抗拒小食拼盤。

都是炸的好上火，但真的好好吃😍最愛蝦餅蘸泰式酸辣醬♥️♥️♥️雞翅跟雞肉炸得剛剛好！我這不愛炸物的人都忍不住狂吃（笑）。

話說呢間泰國菜我平日經常去食午餐 見到佢啲水準都相當之唔錯 所以今晚去試下食晚餐 仲聽啲同事講佢主餐牌有半價 咁就即刻約咗啲朋友去試下 啤酒它刺身係一個套餐 188蚊三支啤酒加八隻生蝦刺身 泰式生蝦刺身最緊要係個汁同埋啲苦瓜 佢兩樣都有齊曬非常之唔錯 風味始終唔夠九龍城啲泰國 料理 好 雖然啲蝦都夠新鮮夠甜 但係個醬汁唔夠辣 見佢有半價梗係叫下個泰式魚爐喇 講真佢正價收198蚊如果咁細條魚就有啲唔抵 而家半價就抵好多 可能佢有少少將貨就價所以條魚相當細 好彩佢所有味道都有齊曬 呢個九龍城啲泰國舖都同佢差唔多 雖然都已經爆咗八成不過都仲係想食下嘢飲下酒 所以夾硬叫多個泰式細拼盤 春捲蝦餅魚卷雞翼 蕉葉炸雞 每樣兩件 恰到好處雖然佢個位置喺太子酒吧街 但畢竟已近街尾 平時都相當清淨 呢排更加冇乜人 希望大家多啲幫襯佢

今晚餐晚餐只有半小時，食到好趕呀，不過都無損我同朋友既心情呀要讚一讚呢度嘅侍應，做嘢爽手，完全配合到我趕時間既心態🤝🤝❤️泰式生蝦❤️ 每次食泰國菜都一定要嗌既**車功南白**哩度隻隻都大大隻，好厚肉，好飽滿😋😋食落彈牙，係新鮮既點埋啲祕製生蝦汁，好正呀😜😜❤️炸蝦餅❤️新鮮熱辣辣炸起，係幾好食嘅🤤🤤蝦肉好彈牙，咬落好有質感，配埋甜酸醬，一係可以提鮮，二黎可以減低左油炸既温度😍😍❤️泰式串燒❤️豬，牛，雞各兩串😋😋牛肉串燒就最好食，因為有番啲牛味🤩🤩豬肉串竟然有啲奇怪既酸味，而雞肉串燒就燒得太鞋太老，不過哩度既醬汁係有兩款，一款係青芥辣，一款係沙爹醬汁😋😋勝在有誠意💓

泰聚餐單提供泰國菜, 咖喱, 串燒等推介美食位於太子區，餐廳座位數90人均消費約$101-200，結賬可以用Visa,Master,AlipayHK,支付寶,現金，Booking訂位可以電話致電 23387666 查詢。

您對於太子餐廳「泰聚」有何 comment？

泰聚餐廳詳細資料：

• 泰聚地址:
  太子花園街239號嘉慶苑地下
  Thai Gather Restaurant & Bar, G/ F, Garden Heights,239 Fa Yuen Street, Prince Edward
• 泰聚電話: 23387666
• 泰聚價錢: $101-200
• 分類: 泰國菜, 咖喱, 串燒
• 座位: 90
• 付款: Visa,Master,AlipayHK,支付寶,現金
• FB專頁: 泰聚 Facebook

更多泰聚相關資料:

• 泰聚分店
• Youtube
• Facebook
• Twitter
• Google