MIX 太子

MIX 評價 相片

今日係界限街見到呢間新開張輕工業風裝修既餐廳幾吸引 見到餐廳主打燒春雞好似幾正 就入去chill下🤤呢到一共有3款口味既燒春雞 分別係rosemary 是拉差醬同黑啤味 我哋覺得黑啤味比較特別所以就揀左泥試下🤩 燒春雞都幾大隻 有埋手套可以盡情食😆 黑啤燒春雞外皮帶甜味 啤酒係燒嘅過程揮發得7788 所以小朋友都食得😋 燒春雞醃過夜 所以好入味 而且肉質好嫩滑 一撕開雞肉 肉汁流晒出嚟好好食👅另外 我哋仲試咗呢度嘅招牌燒德國大豬手😍 上菜嘅時候已經起晒肉 食起上泥夠晒方便☺️ 點埋蜜糖芥茉醬真係perfect豬手外皮香脆 飲埋啤酒好鬼正🤤仲有另一個送啤酒小食推介就係佢哋嘅邪惡燒肉丁 偏重口味小食😆 五花腩炸完仲係超級嫩 隔離仲有炸洋蔥圈 炸醬好薄 洋蔥仲好多汁好甜 高質👍🏻泥呢度點可以唔飲番杯啤酒 我地就飲左杯Sapporo同一罐手工啤🍺 Sapporo最緊要夠冰凍 呢杯就夠哂凍啦☺️ 手工啤酒有六隻口味可以選擇 我就揀咗This Town Needs Beer 🍻 啤酒帶茉莉花香 飲落甜甜地 有荔枝同柑橘味 好清新輕盈 啱晒食完咁多邪惡嘅肉飲番杯🌟

同朋友去開太子, 行過馬路見到呢間新開嘅餐廳, 見到餐牌幾吸引, 就決定同朋友坐低飲番杯啤酒食啲嘢～▶️生燒黑啤春雞 Grilled Beer Whole Chicken Hak$98 入到去見到佢哋燒緊啲雞😍店員話三點幾就會有一批出爐, 所以我哋就叫咗一隻🤭燒雞熱辣辣上枱, 店員俾咗對手套我哋用, 等我哋可以盡情用雙手直接食👐🏼燒雞好香, 面頭嘅黑啤醬幾濃郁, 先係拆咗隻雞髀成隻食, 肉汁流出, 啲肉好嫩滑, 果然係春雞～ 🐓🐔店員話佢哋而家做緊新開張外賣優惠, 有燒雞同埋豬手可以直接外賣, 平d添🥳啱哂開party～▶️燒汁和牛漢堡 (HK$88)用咗黑炭包🍔雖然成個包整體唔算話係擺到好豐富或者好IGable, 但係個漢堡真係用咗和牛嘅, 食落去好滑, 用上嘅沙律菜同埋青瓜都好新鮮, 嗰醬汁亦都有心機整, 唔係好hea嗰啲漢堡/沙律醬汁～ 如果可以配埋少少薯條就會錦上添花啦～🤭▶️西班牙黑毛豬叉燒 (HK$108)呢個我覺得係正常水準之作, 如果改用慢煮嘅方式肉質會更加嫩滑, 黑毛豬好食嘅, 豬味重啲🐷▶️德國啤酒Paula Draft Beer (HK$68)店員話咁啱黑啤賣曬, 有呢一隻白啤, 清新嘅味道, 有淡淡花香味, 男女都啱飲🍻💫女店員好親切, 佢話因為係新開張, 所以會繼續改良菜式～佢都有問下我哋嘅意見, 睇下我哋嘅食後感, 感覺佢哋都有心經營, 唔錯👍🏼

今次試下呢間新開喺太子嘅西餐廳，主力係食豬🐷、雞🐔同埋漢堡🍔質素都唔錯又大份，價錢相宜😆🤩·✨招牌燒德國大豬手 $188主廚上菜時分享佢地嘅豬手係用啤酒同醋醃一晚 ，做到脆皮肉腍架😆豬手份量好大，外皮果真係好脆，肉質唔會太鞋，食食下覺得少少偏鹹，不過連埋醬食就啱啱好·✨海南雞自家米堡 $98海南雞飯嘅變形版😋米堡用上兩邊都煎過嘅黃薑飯代替漢堡包嘅包包部分，個飯唔會鬆散，米飯有煎過嘅香味雞夠多又好嫩滑，淋上微辣嘅雞醬，好食喎🤤·✨金沙魷魚圈 $88鹹蛋黃魷魚圈🦑+炸洋蔥圈🧅熱氣又好邪惡嘅小食，我就鍾意魷魚圈多啲，鹹蛋黃實在太惹味🤤，而👦🏻就歡喜洋蔥圈，咬落去仲有洋蔥汁👍🏻👌🏻·🌟餐牌雖然選擇不算多，但小店每樣嘢都頗有水準，店員都好好服務態度👍🏻，希望繼續keep落去❤️

📍Mix係疫情期間太子竟然開咗一間新餐廳 🏚，餐廳主打好多唔同西式嘅嘢食，例如：大大隻德國豬手丶漢堡包丶秘製燒春雞丶黑毛豬叉燒丶海南雞自家米堡，仲有好多唔同嘅小食，送啤酒一流 🍻🍺，餐廳裝修簡約工業風格，所有牆壁都係水泥牆，好似去咗外國添 😹，餐廳環境好舒適播住啲好休閒嘅音樂，好啱同朋友傾吓計食下野，價錢相宜，佢哋門口仲有得買燒雞🐔，全部都係即刻燒，而家外賣仲做緊優惠啊‼️大家快啲去試吓啦，想知我食咗啲咩就睇下面啦👇———————————————————大大隻德國鹹豬手🐷 $188一見到個餐牌就德國鹹豬手梗係即刻試吓啦🤤，豬手一嚟到‼️嘩‼️，好大隻好香呀，豬手外皮焗得好香脆，肉質好唔會好硬，再配合埋佢跟嘅芥辣醬，可以減少油膩感，食多樣嘢食都得啦 🙈，餐廳好貼心仲會幫我哋切，會附送埋手套唔使食到我哋食到隻手污糟晒 👍👍———————————————————西班牙黑毛豬叉燒 🐷 $98叉燒啱啱好半肥瘦又唔會太肥，叉燒燒得好焦香arrr 😋，食落口好香會有油香同汁，如果有一碗白飯配合埋簡直係一流 😎😎，支持餐廳要跟飯 🤣🤣🤣———————————————————海南雞自家米堡 🐔 $78呢個真係好特別 😂，海南雞飯就食得多 ，第一次食海南雞米煲，海南雞米堡外型好精緻，佢哋啲海南雞食得好滑肉質厚，加埋佢哋酸酸甜甜嘅醬汁 😉，米堡煎得好香脆，但稍微硬咗少少 🤏，呢度可以改善少少 🤩———————————————————環境 餐廳環境好舒適，好適合同朋友一齊食嘢傾偈，餐廳係走工業風格，如果想同朋友食嘢飲酒都得㗎餐廳有提供啤酒🍻🍺———————————————————📍地址MIX (太子)太子界限街43C號地舖

最近新開業嘅MIX位於太子，餐廳裝修行工業風，感覺有格調！邪惡燒肉丁 $88將燒肉粒再炸至香脆可口，認真邪惡！配埋啤酒，爽呀！頂級純安格斯牛肉漢堡 $128好巨型嘅漢堡呀！安格斯牛肉漢堡扒肉味香濃，好juicy，配上芝士，蕃茄及生菜，好滋味！是拉差醬烤春雞 $98春雞烤至剛剛好，嫩滑多汁，！表面塗滿由是拉差醬特製嘅醬汁，好惹味！金沙魷魚圈 $88外層炸至金黃香脆，加上適量鹹蛋黃醬，唔錯！Edelweiss 330ml $48味道甘甜，入口豐盈順滑！可樂

MIX餐單提供多國菜, 烤肉, 漢堡包等推介美食位於太子區，餐廳座位數未知人均消費約$51-100，結賬可以用Visa,Master,AlipayHK,現金,八達通,AE，Booking訂位可以電話致電 55090071 查詢。

您對於太子餐廳「MIX」有何 comment？

MIX餐廳詳細資料：

• MIX地址:
  太子界限街43C號地舖
  MIX, G/ F,43 C Boundary Street, Prince Edward
• MIX電話: 55090071
• MIX價錢: $51-100
• 分類: 多國菜, 烤肉, 漢堡包
• 座位: 未知
• 付款: Visa,Master,AlipayHK,現金,八達通,AE
• FB專頁: MIX Facebook

更多MIX相關資料:

• MIX分店
• Youtube
• Facebook
• Twitter
• Google