鐵板燒 太古
最後更新:
鐵板燒推介
此店的鐵板燒使用上醬汁、調味品帶出食物的味道;鐵板燒師傅手藝純熟，值得一看;爐邊設有強力抽油煙機，不會使食客越吃越熱。
太古鐵板燒
| 餐廳分店 | 鐵板燒 |
|---|---|
| 地區 | 太古 |
| 電話訂位 | 沒有電話提供 |
| 餐單 Menu | 日本菜, 鐵板燒, Food, Court |
| 人氣指數 | 918 |
| 價錢幾錢 | $101-200 |
鐵板燒訂位位於太古區，詳細地址是太古太古城道18號太古城中心一期3樓大食代，餐廳寬敞座位數目共有650個。鐵板燒幾錢？價錢優惠後人均消費大約$101-200埋單，早餐午餐晚餐鐵板燒餐單包括有日本菜, 鐵板燒, Food, Court等美食，付款方式有Visa,Master,現金,AE,銀聯付款。
鐵板燒優惠
鐵板燒 評價 相片
太古有間鐵板係food court一直都無機會食 今次等睇戲有d時間試下食完真係覺得好抵食有師傅即場鐵板表演 而且野食質素唔錯價錢以鐵板燒黎講 唔算收得貴海陸空二人套餐 $248好食指數: 4/5抵食指數: 4.1/5一個套餐包左牛柳粒 雞扒 魚柳 海蝦加時菜 一碗白飯同湯 仲有咩好挑剔？牛柳煮得剛好五成 醬汁香濃雞扒個皮前得香脆 值得推介後尾仲用左半價＄22加左個香煎鵝肝不得了！！！火喉拿捏得100分！真係外脆內軟 必食！
復活節假期最後一天同女朋友仔相約下午在太古康怡睇戲 女朋友仔就介紹我去太古城3樓大食代既Express Teppanyaki鐵板燒食午飯 之前女朋友食過話好好食去到目的地，發現人流都幾多幸運地剛剛有客埋單走人我同女朋友仔就坐低了，我坐低看見，原來所有食物在鐵板炒完係用石紙上菜架，好特別。
門面特別場內環境美觀大廚表演廚藝功架1。
油墨菜:份量好多，炒得好香又爽口，不過炒得過左火位，比較燶少少。
2:羅宋湯+黑芝麻白飯:羅宋湯一般，好淡，又唔熱既。
黑芝麻飯幾特別，飯軟硬度剛剛好。
3。
黑椒雞肉+芽菜:大廚炒完用石紙上菜，放在坐位面前，熱烘烘熱辣辣的雞肉肉質彈牙嫩滑，雞肉又唔韌喎，絕無雪藏味，配合黑芝麻白飯，勁正囉。
芽菜就一般，勝在份量多。
4。
沙嗲羊肉+芽菜:熱烘烘的又係放係坐位面前用石紙上既這個羊肉仲正出奇地無羶味，肉質鮮美嫩滑，羊肉唔韌係超淋既，比較起黑椒雞肉，沙嗲羊肉就好食好多了。
好多時經過太古城既food court, 成日都見到好多人排隊食鐵板餐，d嘢食一定唔差，心郁郁想試好耐。
是日剛好约左朋友係康怡睇戲, 一於晚餐就去試下先……6點鐘排隊，等十几分鐘左右就有位了，邊等邊睇定個Menu, 有setga wor, 朋友揀左52蚊呢個餐，包有湯、飯、炒菜、葱花蛋及豬肉。
而我就想食炒羊肉，54蚊一set, 但就無葱花蛋囉！炒薄切既豬肉及羊肉，肉質鮮嫩彈牙，加左辣辣既沙爹醬同葱花一齊炒，越嚼越香，勁惹味！朋友唔食羊肉, 都讚少羶味，而我就勁愛吃呢！葱花蛋，蛋炒得夠滑溜，加上葱花後更香。
芽菜及油墨菜，又多又爽口。
仲有大大碗芝麻飯及清甜既青红蘿蔔湯呢！呢餐鐵板餐認真超值呢!
睇戲前有45分鐘食晚飯，本來想去商場一間有名氣嘅西餐廳，可惜無時間排隊，去food court希望快食一餐，朋友揀咗呢間，坐低我叫咗個鐵板羊柳套餐（$89）加$15多個小菜同特飲，我揀咗菜甫煎蛋，蘆薈蜜桃紅茶（少冰）不過無得少甜，其實除了主菜，都唔知套餐有乜嘢，先上一碗清湯，再來推堆芽菜，有黑芝麻白飯，油墨菜，菜甫蛋，蒜粒羊柳，全部師傅會燒好放響坐位前嘅鍚紙上，即燒一定夠熱，鐵板燒一定會油，不過可接受，配合湯同飯，餸菜味道唔錯，半小時攪掂，主菜羊柳粒唔蘇，淋身唔韌，配合蒜粒食，好正！菜甫蛋一般，食咗朋友嘅主菜牛肩扒粒，淋身唔韌，但無乜牛味，我覺得羊好味道啲！朋友的椒鹽豆腐較乾，一般！紅茶真的有少冰，有蘆薈粒，不會太過甜，清一清油膩感!幾滿足！地方全部向鐵板，可以見到師傅炒每一味菜，因為無卡位，全面向鐵板，我兩個人傾偈無問題，人多就傾唔到，地方乾淨，最緊要抽風幾好，唔會食完成身味！侍應勤快，有問必答！
好耐冇食太古城FOOD COURT嘅鐵板燒啦~重新裝修之後, o黎咗2位好高大嘅師傅, 手藝睇落好純熟, 決定再試吓... (裝修前D師傅水準越搞越唔穩定)同之前唔同嘅係, 之前D蔬菜係用錫紙上, 好易整爛食咗落肚, 而家轉咗用碟上...套餐嘅芽菜依舊, A菜變椰菜就有d失望, 仲多咗碟辣辣地嘅涼伴青瓜, 幾爽脆... 佢碗白飯OK o架, 粒粒米都咁大粒, 加埋黑芝麻食仲香d...椒鹽雞脾菇新增菜式, 連蔥炒香好多, HONEY話味道都OK, 不過雞脾菇都係切薄片好食D喎...鐵板羊西冷新增菜式, 好得喎D羊, 有羊味, 又唔韌, 一啖一粒SIZE啱啱好, 最正係, 黑椒同蒜粒份量任你隨意配搭, 以快餐o黎講簡直係超班!!!基本上芽菜椰菜雞脾菇都係用果4支調味料(豉油, 酒, 油, 水), 再加d蒜蓉或者黑椒, 所以無論你叫咩食, d調味大致上係一樣嘅... 今次呢2位師傅水準好平均, 比初開業時嘅師傅更加好, 希望以後都係佢地煮就好啦~
鐵板燒餐單提供日本菜, 鐵板燒, Food, Court等推介美食位於太古區，餐廳座位數650人均消費約$101-200，結賬可以用Visa,Master,現金,AE,銀聯。
您對於太古餐廳「鐵板燒」有何 comment？
鐵板燒餐廳詳細資料：
- 鐵板燒地址: 太古太古城道18號太古城中心一期3樓大食代 Express Teppanyaki, 3/ F, Food Republic, Cityplazaone,18 Taikoo Shing Road, Tai Koo
- 鐵板燒電話:
- 鐵板燒價錢: $101-200
- 分類: 日本菜, 鐵板燒, Food, Court
- 座位: 650
- 付款: Visa,Master,現金,AE,銀聯
- FB專頁: 鐵板燒 Facebook
更多鐵板燒相關資料:
香港餐廳2026推介9月