正斗粥麵專家 太古

正斗粥麵專家 評價 相片

新開張不久嘅正斗有粥麵、炒飯、點心、燒臘、粵菜，價錢比酒樓貴三分之一，又嚟試吓佢嘅實力！正斗生腸及第粥 $66粥底綿滑，白米粥熬到米粒全化，配料很多，有豬肉丸、豬潤、豬粉腸、豬肚等。

炸兩 $47腸粉皮嫩滑，油條酥脆香口，無油益味及油膩感。

香煎蘿蔔糕 $40饀料豐富，質地紮實，口感軟綿，香味撲鼻，令人垂涎欲滴。

懷舊鮮蝦餃 $42蝦餃飽滿又透亮，內餡蝦仁不馬虎，新鮮味甜，外皮Q彈牙。

流汁叉燒飽 $37叉燒肉醬香味濃，豬肉肥瘦適中，麵包皮柔軟，要盡快襯熱食。

原蜜味叉燒腸粉 $48腸粉口感很滑，米味濃香，加埋甜豉油更好味。

蛋黃千層糕 $42層次分明，口感軟綿，香濃蛋味，唔太甜！We’ll be back

正斗呢個名真係由細聽到大，出名雲吞麵細碗食唔飽，所以一路都無諗住試，咁啱見太古城新開咗一間就入去試吓👀可能佢定價比較貴，午飯時段都坐唔滿，啱晒我呢啲唔鐘意等位嘅人。

第一次食梗係揀佢最出名嘅雲吞麵試吓佢地嘅功力啦！😈另外我朋友有推介呢度嘅南乳豬手。

❤️ 正斗鮮蝦雲吞麵 (大) $58一上枱已經聞到好香蝦籽味！睇返正斗介紹，原來湯底用咗大地魚，豬骨，蝦籽長時間熬成，果然真材實料！😲麵條使用全蛋麵，平時最怕韌到咬唔斷/太淋/鹼水味太重，呢度完全無呢啲問題，非常爽滑！配埋佢嘅湯汁，真係食慾大增🤤至於主角雲吞，坊間食好多都溝太多肉，呢度皮薄又滑，肉同蝦嘅平衡非常好，蝦亦都爽口彈牙，食落有層次！同埋佢都有成6、7粒雲吞架！好食度：⭐️⭐️⭐️⭐️(4/5)❤️ 巧製南乳炆豬手 (小) $105細嘅一碟有四件，南乳味好夠，炆得好入味好淋，啲骨好易就拆到一舊舊，食落唔覺肥，滿滿嘅骨膠原，啱哂女人補一補！好食度：⭐️⭐️⭐️⭐️(4/5)餐廳推薦度：⭐️⭐️⭐️(3/5)呢度價錢係偏貴，我食量細都覺得一碗麵係唔夠飽，叫多個南乳豬手同朋友share先啱啱好，男士們可能要叫多幾樣嘢喇！😬

上一次新店開時我已經寫左一次食評,今次點解又寫呢?事關我又去第二次,睇下佢有冇維持到水準同試下其他款式但係有一樣野我始終都會叫就係"乾炒牛河"因為真係好有水準,枱枱都必叫.所以喜歡食粉麵既朋友不妨試下.今次點了生魚皮.正常味道 沒有太大驚艷既感覺.今次試點了炸鯪魚球, 首先我想讚一下那個蜆芥醬, 平時到外邊點,只會給你一小碟醬. 但這家正斗很豪爽給你一大碟.我都是頭一次點這個有咁大碟蜆芥醬. 鯪魚球方面味道不錯,大小適中.今次點了及底粥, 粥底好滑亦不會吃到有味精既感覺.至於材料方面, 什麼都有,絕對足料.  豬膶.豬肚.豬腰,生腸都有....豬膶真的很不錯.可次我會考慮直接點一個豬膶吃.因為他們家處理得不錯.

太古終於有間好食又衞生嘅粥麵店！最like炸兩，唔同時段來食都好新鮮又夠脆，congee保持一貫水準！粥底超正！雲吞爽口彈牙！試過外賣炒粉炒麵都不錯，仲有八折！

正斗粥麵專家餐單提供粵菜, 廣東, 粉麵, 米線, 粥品, 中菜館等推介美食位於太古區，餐廳座位數128人均消費約$51-100，結賬可以用Visa,Master,AlipayHK,支付寶,現金,AE,銀聯,Apple,Pay,Google,Pay,微信支付，Booking訂位可以電話致電 27800163 查詢。

您對於太古餐廳「正斗粥麵專家」有何 comment？

正斗粥麵專家餐廳詳細資料：

• 正斗粥麵專家地址:
  太古太古城道18號太古城中心2樓222B號舖
  Tasty Congee & Noodle Wantun Shop, Shop222 B,2/ F, Cityplaza,18 Taikoo Shing Road, Tai Koo
• 正斗粥麵專家電話: 27800163
• 正斗粥麵專家價錢: $51-100
• 分類: 粵菜, 廣東, 粉麵, 米線, 粥品, 中菜館
• 座位: 128
• 付款: Visa,Master,AlipayHK,支付寶,現金,AE,銀聯,Apple,Pay,Google,Pay,微信支付
• FB專頁: 正斗粥麵專家 Facebook

更多正斗粥麵專家相關資料:

• 正斗粥麵專家分店
• Youtube
• Facebook
• Twitter
• Google