薄餅博士 天水圍

薄餅博士 評價 相片

下晝三點落單叫外賣，叫佢六點九送，到七點外賣員打俾我話鋪頭無呢張單，送遞時間就由七點變七點半，無通知嘅情況下再過五分鐘就俾佢取消我張單，問cs話無退款，俾張爛鬼優惠券，唔洗喇，咁基本嘅order都做唔到，唔會返轉頭

叫外賣千其唔好食呢間PHD ，店員態度極差，私自幫我取消訂單食物，仲有收足我錢同運費，叫佢地退錢就話冇得退 一個餐小左樣食物連通知都冇，直接取消我個餐，仲話係佢地自己取消嘅 ，但又唔通知，乜都冇，錢就收足，食物就俾得個小食我，等左成一個鐘，得個小食，仲要收我咁多錢，真係冇諗過一間大型連鎖食肆會係咁嘅服務態度囉！個店舖經理仲衰，態度又差，不停話張訂單完左冇得退錢，仲叫我落多次單送番啲野食俾我，運費都冇得退仲叫我落多次單，離曬大譜，仲話落多次仲要叫我俾多次運費，明明係佢地店舖啲問題仲要不停推卸責任，又唔肯退錢！真係未試過買叫外賣有咁差嘅體驗！大家叫外賣千其叫呢間！

冬天煮餸好快凍 所以呀媽話冬至飯不如叫pizza啦😁😁網站上面有好多個套餐可以簡！我就簡左8人滋味分享餐 $467千島海鮮大批x1 (評分:8/10)蘑菇烤雞大批x1 (評分:7/10)芝士牛肉焗飯x1 (評分:8/10)拿破崙吞拿魚海鮮意粉x1 (評分:6/10)小食拼盤x1(薯角.雞翼3隻.雞粒.火腿芝士條4件)炸蝦拼火腿芝士條(共7條)x1 (評分:2/10)輕盈沙律x2忌廉雞蓉粟米湯x4百事可樂x2再加錢要左脆香雞x6 (評分:6.5/10)你睇到份量多到驚人 其實10個人食都系無問題😂😂 我set左6:15送到 佢大約6:05左右就送到👍🏻👍🏻不過pizza都系好快凍 好在屋企有焗爐 焗一焗成脆皮pizaa正

因為出左新野，又好奇心發作去試~名叫滿城盡嗌黃金批，幾有趣啊個名對鹹蛋黃醬情有獨鍾，又真係幾新潮、有創意個搭配：龍眼肉、車厘茄、蟹肉、桃。

怕伏，就買個芝心大批肉食大王，再$22加點個迷你批試一試個新品。

外賣自取有八折，大細既對比如圖。

網上落單再慢慢行去舖取好快唔洗等，全程10分鐘就熱辣辣到手！非常有效率。

買到返屋企趁熱食正啊！好心急食個鹹蛋黃醬蟹肉，個醬底豐富鹹香，鹹蛋黃醬同芝士真係無得輸，不過美中不足係鹹香中帶甜，有些突兀。

甜既部分有：桃肉、龍眼肉塊、車厘茄，三樣都係多汁鮮甜既，龍眼肉塊，咬落去口感似柚子肉咁爆汁，其實係好好食。

不過夾埋一齊食，就有點不協調。

鹹鹹香香又甜甜地，唔係咁夾。

6/10分。

始終呢個新嘗試，老實講係幾突破，值得鼓勵。

絕對比抹茶紅豆pizza好太多太多。

肉食大王就一直都覺得好好食，特別係~辣肉腸係我至愛，仲有火腿、牛肉粒、雞肉、五香肉粒。

全部都係肉呀~~好多芝士係面、有拉絲，仲芝心！甚得我心啊，即整既pizza鬆軟熱辣辣，唔會又乾又硬。

辣肉腸同其他配料都豐富！一個人都可以食半個大批，7.5/10分芝心個批邊好足料，大大舊芝士係入邊。

天瑞既PHD服務態度好好，友善又有效率，一直都有買開，係比其他pizza店質素高。

外送$90起送我地嗌左：芝士火腿卷 配湯 (必食之選炸蝦配薯條 配湯 加配兩隻脆雞 (好食 比其他快餐店更好食total$92外送速度快 落單後唔夠半個鐘就送到嚟所以啲嘢食都仲脆good!

薄餅博士餐單提供意大利菜, 薄餅等推介美食位於天水圍區，餐廳座位數未知人均消費約$51-100，結賬可以用現金，Booking訂位可以電話致電 26617078 查詢。

您對於天水圍餐廳「薄餅博士」有何 comment？

薄餅博士餐廳詳細資料：

• 薄餅博士地址:
  天水圍天瑞邨天瑞商場地下G34號舖
  PHD, Shop G34, G/ F, Tin Shui Shopping Centre, Tin Shui Estate, Tin Shui Wai
• 薄餅博士電話: 26617078
• 薄餅博士價錢: $51-100
• 分類: 意大利菜, 薄餅
• 座位: 未知
• 付款: 現金
• FB專頁: 薄餅博士 Facebook

更多薄餅博士相關資料:

• 薄餅博士分店
• Youtube
• Facebook
• Twitter
• Google