才哥蝦麵 大角咀

才哥蝦麵 評價 相片

上網睇過好多次朋友介紹，今晚終於都可以夾到時間黎試下，《才哥蝦麵》，你如果以為佢淨係賣蝦麵就錯喇🤣，有海南雞飯，有撈麵，有羊肉湯，有牛展湯，好多選擇。

今晚唔算太肚餓，叫左個招牌《多蝦湯麵》，一上枱，哇！就咁睇都有6個蝦頭同6隻蝦，蝦頭啜落去仲有鮮味同精華，蝦身肉又爽又彈牙，好新鮮既蝦，最緊要係己經剝埋殼，唔使食到隻手污糟哂👍🏻👍🏻👍🏻，湯底鮮甜又濃郁，個麵底可以揀米粉同手打麵，我叫左手打麵，個麵好夾個湯，非常出色❤️，難怪係招牌菜💕💕 朋友叫左個《牛三寶撈麵》，唔講都冇留意，佢個牛三寶冇牛腩，係牛利，牛肚同牛筋🤣，牛利係厚身長方形既，咬落去都幾好口感，牛肚同牛筋都炆得岩岩好，又入味又夠淋，唔會有陣騷味，👍🏻唔錯唔錯小食叫左厚切牛利，我一個人食下食下就食清哂😂🤦🏻‍♀️另外叫左個玻璃尤魚通菜，啲尤魚夠爽口彈牙，份量好似睇落細細碟，食起上黎都幾多咁野飲方面叫左一杯凍蜜糖吉仔水同西洋菜蜜，消熱解渴😜😜夜晚唔係太餓，黎食個麵加個小食，飲杯野都係唔錯既選擇👍🏻

和女性友人一齊搵食，發現呢間喺七點左右嘅時間居然無人，開頭都心諗會唔會係伏，但因為趕時間所以都入咗去食。

坐低後兩個人都係叫咗個招牌蝦麵，麵係店家聲稱嘅手打麵。

大概等咗十分鐘後就有得食咯，有兩隻蝦，幾塊魚片，豆泡等配料，而個湯底一飲，原來幾鮮甜啊，又唔辣，因為我本身唔食得辣嘅，所以覺得碗麵係好食嘅。

而手打麵食落去有咬口，唔錯。

蝦就正正常常係新鮮啦。

另外仲有芫荽同埋一兩條菠菜，正常而唔會過熟。

五十八元食一碗幾大碗嘅麵，抵食。

只係座位係比較窄。

商場的連銷店已經食到好悶呀😅😅大角咀都有唔少人細小店，這間 才哥蝦麵 年頭開始一路想試都未有機會，聽日就嚟試吓拉😀😀餐牌上係主要都係星馬美食，蝦湯米，蝦湯麵，海南雞飯應該係這家店的招牌菜吧😋叫咗蝦湯米粉，吸晒湯的鮮蝦精華，米粉特別好味，而且配料好多，蝦肉爽口彈牙，睇得出用心製作😎😎還有燉湯呢！清燉牛𦟌湯牛𦟌一咬落去肉質係好淋，湯很清甜，住家湯的味道，係連湯料都清曬😂😂聽聞老闆兼大廚主理，真正做到用心製作，絕對有下次👍😆😆

下就5點幾鐘經過，見肚餓就入左去啦。

雖然店面唔大，但係裝修都幾乾淨同埋幾特別~係行工廠風架招牌去骨雞飯$58呢個set既價錢包括左去骨雞、油飯同埋中湯，而且份量唔少，真係好抵!雞肉嫩滑可口，而且唔會皮同肉一夾起就分開~超正!椰子湯米線$58椰子雞湯好足料，好多舊雞係碗湯到，而且湯係另上既!好細心，湯同麵分開就唔會怕浸到太淋啦！而且湯好有椰子味，加上雞既油香，更加令人回味。

玻璃魷魚通菜 $30魷魚既份量好多，仲要件件都大大塊，又煙韌，真係冇得彈!

大角咀角祥街食肆林立昨日全港交通非常混亂，街道上較平日少人但這間蝦麵人流比旁邊的多，與朋友決心一試 店內的座位不多，但裝修算新簇比較多的客人是街坊裝扮玻璃魷魚通菜 $30通菜鮮嫩、魷魚爽口鮮味、醬料惹味厚切牛利小食 $38份量多，厚切的牛脷意外的軟綿綿，入口即溶沙薑手撕雞小食 $30沙薑粉醃過的雞肉很入味加上香脆的青瓜，配合沙薑粉及芝麻醬，非常不錯的冷盤爽滑豬頸肉 $24香茅味濃、份量多口感爽口，底部有幾片豆卜吸收醬汁多蝦濃湯麵(米粉) $72蝦湯的濃郁程度媲美日式的拉麵沾麵大概五隻大蝦剪了頭和去了外殼米粉更能吸收湯汁多蝦濃湯麵(手打麵) $72這是朋友吃的，跟我一樣，只是麵底不同清燉牛展湯 $58湯的顏色非常清晰，非常濃郁的牛肉味有五大件牛腱，燉得入口即溶豆漿 $8是用鴻福牌出產的豆漿包裝非常衛生，豆味濃郁 總括而言，小店的食物認真價廉物美，特別是在蝦方面，給了我意外的驚喜，難怪看到外國人也懂得來光顧

才哥蝦麵餐單提供港式, 新加坡菜, 粉麵, 米線等推介美食位於大角咀區，餐廳座位數未知人均消費約$51-100，結賬可以用現金，Booking訂位可以電話致電 61526403 查詢。

您對於大角咀餐廳「才哥蝦麵」有何 comment？

才哥蝦麵餐廳詳細資料：

• 才哥蝦麵地址:
  大角咀角祥街22號地舖
  Chef Choi’s Prawn Mee, G/ F,22 Kok Cheung Street, Tai Kok Tsui
• 才哥蝦麵電話: 61526403
• 才哥蝦麵價錢: $51-100
• 分類: 港式, 新加坡菜, 粉麵, 米線
• 座位: 未知
• 付款: 現金
• FB專頁: 才哥蝦麵 Facebook

更多才哥蝦麵相關資料:

• 才哥蝦麵分店
• Youtube
• Facebook
• Twitter
• Google