愛吃家常便飯 大角咀

愛吃家常便飯 評價 相片

灣仔果間就試過,大角咀這間就第一次.叫左:佛手瓜煲豬骨(例湯),蒜茸肉崧蒸茄子,香茅雞中翼,福建炒飯佛手瓜煲豬骨:清甜潤喉幾夠味.蒜茸肉崧蒸茄子:又健康又清淡,好重蒜香,茄子又淋又入口,幾好食.香茅雞中翼:好細隻,幾硬又冇味.福建炒飯:份量唔小,同外面食到嘅做法完全唔同,用料清新幾特別,火腿鹹香所以唔使落鹽炒飯,平時唔鍾意食雜菜粒,今次覺得好爽口又好味.整體:好有家庭feel,食品多係小油小鹽好健康,可惜待應多數唔想做野,點餸或加茶舉手成十幾分鐘都冇人理,有時睇到都當睇唔到.

首次試這裡的晚飯，點了套餐，包括例湯、紅米飯各兩碗，通菜、炸雞和黃金蝦，兩個人食，食唔曬打包回家下一餐繼續食。

例湯方面，正常住家湯味，當然啦，跟這裡嘅招牌湯比較，是清少少，冇咁濃郁香甜，但收貨啦，豈碼我飲完唔覺特別口渴，相信冇乜味精嘅。

炸雞和黃金蝦都算是above average , 蝦新鮮爽口，炸出來夠乾身，蛋黃味香濃；炸雞都一樣，夠味，皮脆口，食埋釀係入面嘅飯，係有d 肥膩，所以不能食太多，最終要打包了！當然啦，價錢話平又唔算，兩人大約$300，但質素、服務比茶餐廳好，又冇酒樓咁貴，都算係咁啦！可以再來！

因為想食的很多人排隊，轉去不用等位的家常便飯。

$248二人餐還可勉強接受的價錢，換來是不能接受的質素。

燒味雙拼，燒腩仔拼燒鵝，加埋得10小舊；鑊仔泰式海鮮窩，有3隻蝦，兩隻青口，一堆鯪魚肉同大糧量白蘿蔔，重要其中一隻蝦"梅"到真係食唔落肚。

米芝蓮？咪再嚟就真呀！

這間餐廳的蒸水蛋， 應該叫蒸薄皮老蛋！！看看相片就知道了……未試過係出面餐廳食到d咁嘅蒸水蛋！薄如腐皮！家人怕投訴， 算自己蝕……收五十元包白飯同湯， 但真係好過份！個蛋又老又薄！其他餸好食都無用啦！

今日朋友生日, 知道奧運站新開左, 就決定黎試下, 環境漂亮衛生, 餐紙印刷好精美~訂位時已經留左最熱的杏汁白菜蝴蝶腩豬肺湯和禾米炸子雞~豬肺湯真的十分濃, 好好味, 材料充足火喉足夠~勁正招牌炸子雞, 估唔到冰鮮雞(唔會有活雞啦) 都可以煮得滑嘟嘟又香脆, 重點趁熱食, 內裡炒飯, 夠乾身唔油, 我有D奇怪, 係炒好放上去吧, 無理由係釀入去, 禁乾身....不過真係好食, 贊啤酒鴨...全名忘了, 個菜無特別, 食唔到什麼啤酒煮感覺, 一般鴨煲味道, 反而喜歡其配菜西蘭花, 笑晒~火焰冰淋醬骨, 十分惹味, 感覺比平時其他地方食生炒骨,京都骨, 更好味, 酸甜適中, 加上錫紙點火更加特別, 熱辣辣增加香氣, 配飯一流, 必試菜式呢前菜青瓜, 味道有點麻辣香味, 仲點只係香味, 食落一D唔辣, 很適合當選打頭陣吃, 再點左沙薑雞腳, 當然無失望好味!羅白牛腩亦很好味, 用了白胡椒湯底, 牛腩夠淋, 羅白粉絲吸收左精華, 空口都食得晒連汁都飲埋..魚香茄子煲比較經濟菜式, 水準無特別, 配飯就唔錯~整體覺得物有所值, 信用卡有9折優惠, 裝修環境又漂亮, 服務員態度良好, 我們自帶蛋糕亦無收切餅費, 仲幫我們準備碟和义, 多人食聚會都很適合, 感覺比灣仔店好味添

愛吃家常便飯餐單提供粵菜, 廣東, 中菜館等推介美食位於大角咀區，餐廳座位數未知人均消費約$51-100，結賬可以用Visa,Master,現金,AE。

您對於大角咀餐廳「愛吃家常便飯」有何 comment？

愛吃家常便飯餐廳詳細資料：

• 愛吃家常便飯地址:
  大角咀海泓道1號奧海城3期地下G22號舖
  Home-made Cuisine, Shop G22, G/ F, Olympian City3,1 Hoi Wang Road, Tai Kok Tsui
• 愛吃家常便飯電話:  
• 愛吃家常便飯價錢: $51-100
• 分類: 粵菜, 廣東, 中菜館
• 座位: 未知
• 付款: Visa,Master,現金,AE
• FB專頁: 愛吃家常便飯 Facebook

更多愛吃家常便飯相關資料:

• 愛吃家常便飯分店
• Youtube
• Facebook
• Twitter
• Google