大角咀爐端燒 大角咀

大角咀爐端燒 評價 相片

特然同男友k先生講到想食爐端燒於是係openrice搵啊搵搵到尼間係大角咀既以前住尼度個陣冇咩野食 所以都想反來睇下尼度d新食店不過主要因為見人地食評話尼度boss燒野好比心機 所以覺得差極應該有限6/30星期六晚同k先生坐東涌線到奧運站 再行多10分鐘店面上面在搭棚 差d揾吾到間鋪....舊區環境吾太乾淨 成日見到地下有小強同你say hi而且周圍都係車房 感覺比較雜接受吾到尼d既就請三思此店很小只有3張台 一個人(boss)在燒+服務我去到時加買我尼台 仲有另一台一家4口食緊建議大家吾好太肚餓狀態入去因為要燒一陣先有野食我地個日既時間流程係 第一轉等左15~20分鐘左右 來左3樣野其後10~15分鐘來2,3串大概就係甘既速度上菜我同k先生都係放慢心情去食 諗住慢慢食 所以有耐性等至於野食 叫左: 雞皮, 牛舌, 芝士年糕, 雞腎, 羊架, 明太子雞翅, 煙肉芝士蟹柳, 生蠔, 雞軟骨, 秋刀魚, 茄子, 玉米...1支清酒1支啤酒...數起來好似2個人食左好多甘...boss係女仔來既 佢真係真係好比心機燒 係一食就可以食得出來k先生大讚牛舌 食完一串要encore而我吾食牛所以最推薦雞皮 外脆內香羊架都好正 雖然沒咩羊"搔"味 但香料好入味 肉質又夠嫩 入面仲有少少血絲 (到依家為止沒搞肚痛 應該可以放心)芝士牛糕都好食, 茄子好味, 牛油玉米好味基本上.....全部都好食! 除左生蠔係冰鮮既 所以差dd, 秋刀魚冇咩特別, 其他全部都好味! 完全吾會太乾8點半到10點半 我同k先生邊睇電視邊食串燒&飲清酒 整餐飯吾多人所以完全吾吵總之食得好開心寫意 感覺係屋企甘溫馨隨意 我地應該會再去買單$401 其中$100係酒 食左好多野所以吾算貴

路過好多次，終於去左食，總結係──正！老闆(定夥計？全店只得一個人看鋪)超用心燒！之後都食過其他店的燒雞皮，燒都乾晒，食到口都損，仲一陣燶味，但呢間係係啱啱好，脆得黎仲有少少油香！正！由於店內少人，唔使等位，即叫即整，味道very good~!!!好食的還有炒烏冬、有個係煙肉內包芝士(唔記得叫咩名)都好好味！但都有d麻麻既，如：日本年糕(太細件)，燒茄子等......但都係好食o既居多~~~裝潢簡單，坐得舒服，而且老闆(定夥計?)超nice~對於一d外區人可能覺得大角咀好隔涉，但其實在旺角火車站or旺角or太子or尖咀，坐小巴(21k、12a、12b、3)去又得，由奧運站行去又得~~~兩個人食完$310左右，食完係有少少肉痛，但人地真係超用心燒，又好味都值得既！

久唔久就要黎報到﹗最吸引到我黎的主要原因，除左時常可以「包場」之外，仲有佢一味燒牛舌真係無得頂；雖然油左少少，不過個味YIP得非常正，厚砌唔在講，仲有加上老闆的靚鹽黎燒，就係佢，一個月起碼要黎一兩次﹗除左牛舌之外，仲有雞翼，都係必叫項目，燒得好乾身，脆喔喔，食左咁多次都冇失手﹗次次都有叫的還有：燒牛柳粒，茄子，司華力腸，塞米，魷魚，冬菇，炒烏冬……等，完全OK；仲有，因為店子小，很多都是熟客了，基本上，我們只去過幾次，都可以跟老闆娘（佢話佢唔係）吹到幾句，同埋佢絕大部份都有求必應的，例如你話唔食烏冬改食公仔麵，個餐牌冇的，佢又走出街，買包公仔麵幫你整，呢D小店子的親切關係，相信很難在其他地方遇到了﹗

雞皮燒蠔燒帆立貝多春魚燒手羽估唔到,後街都有一間燒烤店幾好食!由其是雞皮,手羽~值得一試,等多一點時間也值!但服務員都幾踢腳,一個人做晒雖然欠奉裝潢,但消夜時間去一去亦也有一點樂趣,當然要有酒相伴啦!

雖然地點方面比較遠，不過既然朋友極力推介，加上喜愛爐端燒的我，一於去試下！單看門面無有甚麼別，但食物質素是意料中外的好。

我們一行 4 人頭一輪「狂風掃落葉」之下叫了差不多全個 MENU 2/3 種類的食物，以下是我個人精選推介：燒雞皮：朋友想試，即管叫了一串。

初時以為很油，上碟後發覺原來入口非常之脆，讚！燒生蠔：這個一定要試，店員說這是從日本來的廣島蠔，很鮮味而且一粒沙都沒有！讚！燒特大帆立貝：SIZE 大而且很鮮味，加上我個人很喜歡吃帆立貝，所以更加要試！燒煙肉露筍蝦仁卷：之前未曾見過有這個菜色，一心想著「試下無妨」，點知原來都好有驚喜，所謂的「蝦仁」其實都是新鮮的蝦，只是 SIZE 比較小一點，用煙肉包住蝦和筍一起吃，味道非常特別，加上未曾在其他爐端燒吃過，所以都要一試！鹽燒牛舌：原本對牛舌不太喜好，但同行朋友想食，所以都叫了一客。

估唔到牛舌質感會一 D 都唔韌，喜歡吃牛舌的朋友不可以錯過！燒香草頂級羊架：這個真的不能不試，在其他餐廳吃羊架，羊架質素參差，加上燒的火候未到家，但這個羊架入口鬆軟，而且幾乎沒有羊羶味，一定一定要試呀！有讚亦都有彈！店舖地點位於大角咀，不算熱鬧地方，所以都要看一看地圖才來到。

(可能我唔熟大角咀啦！)因為是即叫即燒的關係，所以等候時間會較長。

總括來說，雖然地點不太就腳，但我都會再 ENCORE，值得一試！

大角咀爐端燒餐單提供日本菜, 海鮮, 爐端燒, 日式西餐等推介美食位於大角咀區，餐廳座位數16人均消費約$50以下，結賬可以用現金。

您對於大角咀餐廳「大角咀爐端燒」有何 comment？

大角咀爐端燒餐廳詳細資料：

• 大角咀爐端燒地址:
  大角咀角祥街91號中耀樓地下
  大角咀爐端燒, G/ F, Chung Yew Building,91 Kok C Heung Street, Tai Kok Tsui
• 大角咀爐端燒電話:  
• 大角咀爐端燒價錢: $50以下
• 分類: 日本菜, 海鮮, 爐端燒, 日式西餐
• 座位: 16
• 付款: 現金
• FB專頁: 大角咀爐端燒 Facebook

更多大角咀爐端燒相關資料:

• 大角咀爐端燒分店
• Youtube
• Facebook
• Twitter
• Google