JB Kitchen 大角咀

JB Kitchen 評價 相片

第一次黎時唔記得book威靈頓牛扒，所以第2次專登lunch再book再食，一次過寫哂食乜印度燒春雞很用心地已分好件，外皮脆脆地，重要的是肉質嫩滑多汁，食成碟都仲覺得可以再食，另外仲有香甜紫薯同熟蒜伴碟白酒雜茄蟹肉意粉一黎到就已經超香既蟹味，唔知係咪用左成隻蟹咁多去整，食就每啖都好足料又夠味黑松露意大利飯其實主菜會跟一個飯或意粉係好正常，但我估唔到佢唔係是但整，真係平時成一百蚊碟既意大利飯，而且仲係正常份量，唔係幾啖飯，真心食唔哂餐湯 沙律第一次餐湯係磨菇忌廉湯，第二次類似係係周打椰菜忌廉湯，仲有好多隻蜆，還有上次沙律沒有什麼特別，但有好多提子乾同配料，今次就再加上三文魚碎威靈頓牛扒今日一早book定，終於有得食，牛扒本身味濃肉嫩無得輸，最特別係外皮內側鋪滿超多黑松露，仲有最最最估唔到黑松露下面仲收藏左Parma Ham，所以味道超級豐富蕃茄意大利粉今次醒目無叫多份主食，雖然意粉無太大特別，但蕃茄相當新鮮鮮甜，意大利粉又爽口彈牙，其實已經好好食mocha 朱古力最後前後兩次的飲品，朱古力應該是用燕麥奶沖，所以有左一份較少飲既燕麥味，mocha跟番傳統味道咖啡加可可粉為主，而唔係朱古力咖啡最後都要講，其實兩次出茶時間都好長，大家有心理準備可以要半個鐘先有，但電話book定食乜就會快啲因為我望住唔知係唔係老闆，佢只係一個人煮所有野，保持食物質素之餘，仲教緊兩位年青人點煮，大家可以睇到最近請手足，所以大家趕時間的話，就最好打定電話食乜，早啲安排

JB Kitchen嘅前身係位於紅磡嘅JB cafe，而家搬咗去大角咀兼改埋名啦！上個禮拜第一次去幫襯先知私房菜要早啲book，所以今次訂返佢嘅主打——威靈頓牛柳，記得私房菜要早至少3日book呀！我都會寫埋上星期試嘅主菜😉餐廳唔大，上菜時間有時候比較耐，人手唔夠，食物水準好高👍🏻 無論係前菜定主菜，份量非常足料，主菜有沙律有湯，又有意粉或飯，我哋兩個人食都係叫一個主菜就夠，真係會飽住走，甜品都未必食得落🙈 價錢算係親民，幾抵食～唯獨需要改善嘅地方係booking 個system ，兩次打去就要我whatsapp 另一個電話號碼book，兩次都miss 咗booking😅今次第二次book咗威靈頓牛柳，whatsapp 明明都confirm咗，因為miss咗所以即時整返，等咗個半鐘先有，建議餐廳統一返個電話號碼，就冇咁易搞亂哂booking 🙏 P.S. 唔記得mark價錢所以唔寫😂📍威靈頓牛柳私心推介！外皮非常出色，有黑松露同類似嘅西班牙火腿，味道層次更豐富。

牛柳肉質鮮嫩，鎖住咗肉汁，不過紫薯同蒜頭食得出唔係咁新鮮，所以冇食哂。

佢哋嘅餐湯係非常值得讚嘅，今次個蜆湯嘅蜆肉都幾多，依然同上次嘅蘑菇忌廉湯一樣夠濃味。

同埋配咗蕃茄意粉，蕃茄香嘅味道突出，意粉都好好📍印度燒春雞上次冇得訂威靈頓牛柳，唯有試吓呢個。

雞肉嫩滑，一啲都唔「鞋烚烚」，配埋個大蕃茄，更加juicy，另外配黑松露忌廉汁飯，唔知係食得好飽定點啦，我個人覺得有少少漏🤣 鍾意個意粉多啲📍白酒雜茄蟹肉意粉蟹肉味好濃郁，白酒嘅配搭令到蕃茄同蟹肉味更昇華～📍熱朱古力飲落燕麥奶味比較重，我自己幾鍾意📍熱mocha 佢似返正宗mocha，比較帶出咖啡嘅原味，冇乜可可成分

抗疫期間唔出街，買外賣支持小店最好，外賣自取有折。

今日打咗電話去半個鐘可取，但去到仲要等多15分鐘負，不過服務態度好好。

安格斯漢堡好味，安格斯和牛好厚，配一大包薯條，好飽。

今次叫咗2個All day breakfast，一個雞扒、一個魚柳。

雞扒味道同份量正常，而魚柳就好大塊，唔鍾意食魚嘅我都覺得好食。

全部跟大碗用心做的沙律菜(除了一般沙律菜，仲有三色椒粒、提子乾、酸瓜粒、椰菜花)、餐湯、餐飲，份量太多，真係食唔晒。

可能因為外賣，有d食物返到屋企已經凍咗。

疫情好d，再去堂食，應該好好多。

小店，加油！

28/11 要係大角咀找一間食肆/特色食品應該唔太難，但要找心目中想懲罰下既，都要找找，openrice 見到呢間新開張既黃店，梗係要去懲罰下。

點知原來係懲罰我先啱🤦‍♂️ 是日我地4人外賣自取，叫左4個晚餐，開始order 既時候就有某d 食材已經沒，所以可以選擇既少左d，我地叫左既分別係 "意式牛肉醬" ,"香草番茄調味醬蟹肉"(原本係炭燒豬仔骨，沒食材😩）"北海道帶子飯" "日式鯖魚飯/意粉"同4杯凍朱古力， 叫完外賣，足足等左大半個鐘先有得拎，店員都有心係拎外賣時有講唔好意思同送左個餐湯比我地，因為剛好叫左既意粉用晒，要重新煮過所以要等咁耐，心想唔緊要啦，新開店未準備好食材同制作食物要時間，好食既咩都抵返晒。

當拎完外賣，由店舖返回住所只需要5~10分鐘，返去打開我所食既飯盒，我係食"日式鯖魚飯" ，一條鯖魚加個黑松露意大利飯，唔知係我過往食既日式店舖有問題定係呢間店舖既特色，呢個"日式" 鯖魚飯真係好唔同，黑松露加鯖魚，我自己口味真心覺得唔太配，而杯凍朱古力，係淡到水咁，又唔知係咪杯美綠同我地一樣，沖好左之後要等個意粉先可以，杯凍飲到我手時杯中已經沒冰，同有朱古力粉沉澱。

是次經驗話我知，要懲罰人地店舖都要預計店舖既食物質素，我地當下決定唔敢再懲罰呢間店，免得懲罰埋自己。

各位巴絲如有心有能力可以一試，反擊我這篇劣文。

由於市區重建的關係大角咀轉變得真的很快，區內食肆因應流動人口增加而越來越多🧐這幾年大角咀小店真的越來越多，而且還有一些小店水準真的不錯👍🏼.而今次我到訪的是剛在10月尾開業的JB Kitchen🙂.安格斯牛肉芝士漢堡🍔這份漢堡份量十足，夾著牛肉🐮、芝士🧀、蕃茄🍅和生菜🥬等...而且漢堡的牛肉全是人手攪碎的，攪碎途中還加入了菇、洋蔥、麵包糠、黑椒、百里香等材料，口感層次非常豐富😋.炸薯條🍟新鮮熱辣，香脆可口😋.沙律🥗平時在其他食店沙律只是配菜，可能只給你生菜、紫椰菜等再加少許黑醋或沙律醬就算..但這裡絕不是這樣😮 他們沙律的材料有紫椰菜、生菜外，還加入了橄欖、提子乾、檸檬汁、三文魚等，而醬汁是黑醋與紅酒醋😛真係只是吃沙律都可以吃飽你😅

JB Kitchen餐單提供西式, 咖啡店等推介美食位於大角咀區，餐廳座位數20人均消費約$51-100，結賬可以用現金,Payme，Booking訂位可以電話致電 51135574 查詢。

您對於大角咀餐廳「JB Kitchen」有何 comment？

JB Kitchen餐廳詳細資料：

• JB Kitchen地址:
  大角咀埃華街105號地下C2號舖
  JB Kitchen, Shop C2, G/ F,105 Ivy Street, Tai Kok Tsui
• JB Kitchen電話: 51135574
• JB Kitchen價錢: $51-100
• 分類: 西式, 咖啡店
• 座位: 20
• 付款: 現金,Payme
• FB專頁: JB Kitchen Facebook

更多JB Kitchen相關資料:

• JB Kitchen分店
• Youtube
• Facebook
• Twitter
• Google