燒夜 土瓜灣

燒夜 評價 相片

本人第一次寫食評！**其實無論幾難食嘅餐廳都好，都唔會令到一個懶人肯打一篇二百幾字嘅文章去寫負評**今日途經土瓜灣，諗住睇下食乜好，就諗起平時喺新山道成日搭巴士經過都見到嘅燒烤店「燒夜」，行到門口見入面一個人都冇都知有啲伏feel.....不過心諗，燒烤，差極都有個普，所以就同女朋友入左去食。

成間野冇人得我地一枱，冇招呼唔緊要，咪照點餐，話說我地點左秋都魚同雞翼等等有骨嘅野食，食完啲骨當然擺枱面，點個個唔知係老板娘定店員走埋黎鬧我地，話我地好將啲骨擺枱面，咁樣會令佢好難收拾，叫我地將啲骨應該擺番喺我地個兜上面，大佬呀，秋都魚啲骨咁細條，如果我地將啲骨擺番落個兜入面，我再食其他韭菜，茄子之類咪鯁死我地。

你地開得餐廳就預左要執枱，唔想自己執咪請人囉⋯⋯唔係學咩人開餐廳比錢黎食野，仲要受人氣，絕對係貼錢買難受，我絕對唔會再幫襯！希望寫下食評令各位唔會遇到咁嘅情節！食食下野比人走過黎鬧！真係咁介意執枱就唔好開餐廳啦⋯⋯

這間店永不會再去態度差，叫親都唔應，叫杯啤酒係都一定要您填表，佢一定要我哋放低喺枱面等佢黎收，等勁耐都唔理，但重點係舖內只係得幾枱客，燒茄子用油炸，100%不是燒，所有串燒都是用油爐炸。

黎漏嘢初時又話煮緊，跟住又話我哋已經食咗，舖內超焗，冇開冷氣，我有BB响BB車上，佢上嘢食可以唔理一嘢撞埋我架BB車度，嚇親BB，冇道歉，黑口黑面，問親佢嘢又好串咁答返你，一係就唔應人。

重點，其實呢個舖位(燒夜)已經是第三間串燒店，頭兩間我都經常去食，第一間是(重慶燒)，第二間是(BBQ·燒烤)，第二間個老闆超好人，整嘢食超好食，態度又好，又會同客人吹水，又時仲會送啤酒比客人飲)，但仲有就係而家呢間叫(燒夜)嘅串燒店係冇牛柳粒賣的，點解會冇，我就知點解喇，因為佢哋全部嘢係用油爐炸，而牛柳粒係一定唔可以落油爐炸，一定要煎四邊，56成熟就最好味，仲有全程我哋係勁有禮貌問嘢叫嘢食。

利申：我早10幾年前自己已做過日本料理嘅爐端燒(即串燒鐵板燒嗰類)，我一食已知佢哋去到咩料子，冇料唔識煮又貪快乜都炸，仲有佢哋間舖係得兩個人，一個係阿媽，一個係個仔，個仔就做煮，阿媽就做侍應收銀，基本上我好肯定佢兩母子係頂手捉咗蟲做唔掂，所以經常發脾氣黑面，上手老闆我好熟，佢都話呢個舖位難做啲，客路唔多，佢哋自己捉蟲頂手黎做，做唔掂唔緊要，咪挨一年舖租約滿唔好再做囉，唔需要態度差到好似以前得罪過佢咁，出嘢食又超耐，叫幾串嘢食要成半小時都仲未出到，食到我哋4個人完全冇日癮，呢間爛鬼店，100%一年內執硬笠。

仲有土瓜灣美景街嘅消閒站串燒店100%勁好食，態度勁好，我有BB車佢哋永遠會安排最好位置比您放BB車，仲有一間土瓜灣 馬頭角道新開嘅串燒外賣店叫(串串屋)老闆勁有心，真係新鮮睇住佢慢慢燒，燒茄子100%係燒，完全冇油浸咁嘅樣，嘢食又平(燒夜)1倍價錢，串串屋個老闆到去過(燒夜)試食，佢哋都話態度差都冇朋友，嘢食超級難食，總之勸籲大家不要去這間店舖，真係貼錢買難受，完。

今日難得同屋企人出去食飯，然後經過見到呢間野就入左去食。

從來未試過遇到咁冇禮貌，冇服務態度既員工！ 佢唔只對我地咁，對其他客都係咁黑人憎！我地叫左串燒，等左成個鐘以上！完全冇交帶，我地好聲好氣咁同佢講啲嘢食等左好耐都未黎，就喺度同我地拗，反而覺得係我哋吹佢，覺得自己完全冇問題，啲嘢食冇跟漏咁🤬。

根本成程佢態度都好有問題，咁嘅服務態度，學咩人開餐廳？😡 至於食物，我地叫左串燒，調味方面其實唔錯，但啲嘢食好油！無論係肉類定係蔬菜類都好油！🤦🏻‍♀️ 真心嘢食貴唔緊要，但係你咁既服務態度，嘢食又咁油，價錢真係好唔成正比囉！總之呢間野我一定以後唔會再去！🖕🏻

本來同屋企人開開心心出街食野見到街尾有間串燒舖諗住試下..一座低就即刻叫左幾串諗住食住先....開頭個兩三串係好快到左但之後果D就不見蹤影🤷🏻‍♀️🤷🏻‍♀️🤷🏻‍♀️咁我地已經心知不炒諗住叫埋下一round諗住唔駛等得太耐....結果都黎得超慢4串野（羊肉、牛肉、魷魚穌、茄子）等左成個幾鐘全間鋪得2個員工，揮手叫人又冇人理👎🏻過到黎同佢講已經等咗成個鐘D野食係冇漏左單？結果態度極差，完全唔覺得有問題，仲愛理不理又話已經燒左....又話要等多一陣....之後我地起馬再座左1525分鐘先有2串到.....結果成餐飯食左2個幾鐘🤦🏻‍♀️🤦🏻‍♀️🤦🏻‍♀️🤦🏻‍♀️等都等到已經唔肚餓過程中我地枱既野又不斷比人落錯枱放到凍曬先發現落錯之後又拎番比我地🤢野食調味係唔錯但店員服務態度非常差同埋野食要等太耐💀以後唔會再幫襯🤔🤔

紅磡以前好多細細間港式串燒鋪，到今日一係執左一係出左名變晒質。

搞到我越行越遠要去到土瓜灣同九龍城食。

呢間幾高質，裝修非常簡單，有大電視睇波，同以前d串燒鋪仔一樣用玻璃圍住個廚房仔。

野食都黎得慢，邊等邊吹水，staff唔會得閒黎收下碟搞住你，但冇晒啤酒一揮手就即刻過黎，食得好舒服。

可惜好似冇happy hour&toilet好污糟。

不過我應該會再去。

食物方面，daily seafood揀左蟶子皇大蜆象拔蚌仔。

唔會燒到好乾，幾好。

其他肉類蔬菜都唔錯。

選擇都多。

價錢正常。

唯一想挑剔佢落得太多蒜蓉啦，刷完牙都有陣味

燒夜餐單提供港式, 串燒等推介美食位於土瓜灣區，餐廳座位數未知人均消費約$51-100，結賬可以用現金，Booking訂位可以電話致電 54079367 查詢。

您對於土瓜灣餐廳「燒夜」有何 comment？

燒夜餐廳詳細資料：

• 燒夜地址:
  土瓜灣譚公道2號地舖
  BBQ Night, G/ F,2 Tam Kung Road, To Kwa Wan
• 燒夜電話: 54079367
• 燒夜價錢: $51-100
• 分類: 港式, 串燒
• 座位: 未知
• 付款: 現金
• FB專頁: 燒夜 Facebook

更多燒夜相關資料:

• 燒夜分店
• Youtube
• Facebook
• Twitter
• Google