寶時茶餐廳 土瓜灣

寶時茶餐廳 評價 相片

屯馬線開通之後，去土瓜灣真係方便好多，唔使再左轉右轉，趁放假一於過嚟搵吓嘢食，搵到呢間懷舊茶餐廳，馬賽克地磚，絕無僅有嘅閣樓設計，全香港應該所剩無幾全日早餐全日供應，有3款選擇，點了B 餐沙嗲牛肉麵 $34▶️麵煮得爽彈，牛肉都好有肉味，沙嗲汁湯底亦夠濃味▶️餐肉煎雙蛋配方包，沒有特別，勝在食晒應該夠晒飽肚▶️至於奶茶，味好濃郁，夠香滑，奶同茶比例非常好價錢嚟講就算抵食，環境尚算乾淨企理，順路經過一試無妨

經過土瓜灣咁岩見到呢間懷舊冰室，香港而家越來越少了，望入去環境都幾乾淨企理，所以都好有興趣入去試試。

一坐低觀察下啲食客會叫啲咩跟住叫實無死啦見到好多都叫沙嗲牛肉麵，所以我都叫碗試下再加多杯茶走。

碗麵個賣相都好吸引，食落去果然有驚喜，牛肉一d都吾‘鞋’仲好滑，個沙嗲汁夠濃味，但又吾會太鹹，杯奶茶亦都好香滑，重點係呢個餐只係$28蚊，加4蚊仲有埋方包加煎蛋or火腿/午餐肉，呢個價錢黎講真係抵到爛，仲有老闆服務態度超好，下次一定再黎食

土瓜灣呢間老式茶餐廳， 相信已經陪伴咗唔少人半個世紀， 今日一入門口 見到附近好多街坊刨緊報紙，哈～應該 係附近近馬會， 聚集咗好多賭友們～單睇仲門口已經非常有粵語片時代感覺。

舖頭入面隨便影一張相，就可以塑造菲林黑胶相復古風。

字體整齊可愛。

炒貴刁麵質唔碎， 一條條幾完整 ，可惜油份過重， 味道不夠。

唔係好多地方都有得食嘅乾炒牛米， 比起乾炒牛河油膩感無咁重，牛肉都夠林，大大碟40蚊， 抵食

又黎土瓜灣買餸食晏，今次走左入黎依間舊式茶餐廳。

其實我懷疑老公對茶餐廳情有獨鍾😂入到黎見到有位，再望見到有有條樓梯就上左去。

上到黎感覺好唔同，好有細個去茶餐廳既感覺，佢仲用緊好舊式送食物上黎既機器，懷舊地磚、冇窗花既大窗，同寫到明唔準係度食煙，但都照食既亞叔😂😂😂我地點左個窩蛋牛肉飯同瓜粒湯飯。

個窩蛋牛肉飯未影相老公已經好快手咁撈左😏不過你會見到肉醬夠碎，因為我仲病緊所以冇食到😜肉醬份量好多，岩晒個d鐘意食餸多過食飯既人佢跟個西洋菜湯好夠火喉，又入味，一碗真係唔夠😋再上我個瓜粒湯飯，材料都算多，有瓜，肉片，蝦仁，味道清清地又夠大碗。

仁蝦都仲有d彈牙😘

走進去，懷舊裝修，特別有風味，加上可以看電視，簡直一家大小，星期六日的食店之選，還有價錢，是超便宜，三十多元就一大碟，加幾元還有飲品，你們說，CP值是不是很高。

香港還有很多有特色的茶餐廳，有機會我會盡量介紹!回到這家店，今次點了干炒牛河和楊州炒飯，其實一家茶記「靠唔靠得住」，看廚房佬的功力就在這兩碟簡單炒作!先來一個牛河，牛河牛肉不是「梅林牌」的! 是有咬口，完全沒有用鬆肉粉那些感覺，即是一口爛肉的感覺，完全沒有，再者牛河很乾身，說到底都是干炒，油份可能會有很多，SORRY! 這個碟底真的一點多餘油份都沒有，說到底，牛河卡路里就是4個匙的油的份量，但這個油是用得適中，不是常吃，也可以接受的，加上夠鑊氣，快炒牛河的精髓。

楊州炒飯，飯不會太濕。

咬口度不錯，但不知道為何有數粒生米，但亦是夠鑊氣，而且又不油，絕對也是好選擇!三十多元再多六元至八元有一杯飲品，小妹覺得已經好不錯了。

有些人可能覺得這個地區已經是貴，但是有鑊氣的炒粉麵飯都不多了...希望，這家店一直做下去吧!!!

寶時茶餐廳餐單提供港式, 茶餐廳, 冰室等推介美食位於土瓜灣區，餐廳座位數100人均消費約$50以下，結賬可以用現金，Booking訂位可以電話致電 23631763 查詢。

您對於土瓜灣餐廳「寶時茶餐廳」有何 comment？

寶時茶餐廳餐廳詳細資料：

• 寶時茶餐廳地址:
  土瓜灣下鄉道43號地下
  Po Sei, G/ F,43 Ha Heung Road, To Kwa Wan
• 寶時茶餐廳電話: 23631763
• 寶時茶餐廳價錢: $50以下
• 分類: 港式, 茶餐廳, 冰室
• 座位: 100
• 付款: 現金
• FB專頁: 寶時茶餐廳 Facebook

更多寶時茶餐廳相關資料:

• 寶時茶餐廳分店
• Youtube
• Facebook
• Twitter
• Google