上海老正興飯店 土瓜灣

上海老正興飯店 評價 相片

昨晚同幾個朋友去咗土瓜灣食上海菜, 係我個朋友帶我地去食~佢話好味又抵食喎!我地入到去覺我環境&裝修都好似好耐歷史咁, 起初都怕唔到食, 我地叫咗好多嘢食都係三百幾蚊,小蘢包8隻都係$28咋, 碢貼4隻$18, 仲有個砂碢雲吞鶢都係約$60(大), 仲有個炒善煳 $58, 我覺得好好味道, 我地都有叫到特色甜品, 就係高麗豆沙$40(8粒), 不過我朋友話佢lee到D點心好出名喎~我地樣樣都食清光, 一位都係唔洗$70, 我覺得直得帶朋友去試吓~~不過D招呼就一般, 我覺得人手唔夠囉, 如果多D就仲好~

同朋友食左一個２人餐．有砂鍋雲吞雞，麻婆豆腐，糖酸排骨．　１１８蚊砂鍋雲吞雞　－　材料：　　　　　　　　　　菜肉餃　　　　　　　　　　雞，　　　　　　　　　　菜．呢個湯都已經冇咩味，雞味都冇咩，　只係得個雪藏味同味精味，而菜肉餃就真係一D 味都冇．就連入面既材料都味冇．評份：難飲，難食．　　　　　　　　麻婆豆腐　－　材料：　　　　　　　　　　豆腐　　　　　　　　　　碎肉　　　　　　　　　　呢個反而唔係好差．都算好味．送飯都唔差．評份：OK糖醋排骨　－　材料：　　　　　　　　　　豬扒我初時叫呢個係抱最大期望既，　點知．食落，佢唔係糖豬排骨，而係蕃茄豬扒，因為佢一係一大陣既蕃茄汁味，完全食唔到有醋同糖味，而且佢既蕃茄味有D苦．．評分：大失所望而且唔好食．雖然麻婆豆腐唔差．不過我唔會再有下一次去食．．

食物一般，酸辣湯幾好，我既至愛，其他菜色都係普普通通，唔知係咪間鋪舊舊地，　總覺得Ｄ野食冇乜生氣，唔夠惹味，　不過有時其他店都要等位，懶去搵食就會去呢間，佢地Ｄ十元既冷盤小食就真係唔使試，　次次都超難食　

母親節唔想出去逼, 近近地響屋企附近食, 第一次幫襯呢間老正興。

七點去到, 發覺所有大檯都留o左俾人, 店員見我o地齊人, 立刻醒目咁俾張檯我o地先。

讚!雖然有母親節餐, 但係我o地六個大人兩個細路最後叫個45人五菜一湯晚飯套餐(只係二百幾蚊), 侍應無黑面, 依然殷勤落單, 讚!菜上得快, 但係可以接受, 母親節間間食肆都想做多幾輪, 明白o既。

套餐點o左: 炒膳糊、糖醋魚塊、紅燒豆腐、醉雞、蒜蓉白菜仔、雲吞雞湯外加: 小籠飽(一客八隻)、窩貼(六隻)同豆沙窩餅炒膳、醉雞同魚塊都好正! 食到兩個細路"黏黏利"。

係細碟d唧。

紅燒豆腐皮生粉要再多d, 唔夠入味。

蒜蓉白菜仔普通。

雲吞雞湯好大煲, 有半隻雞, 抵!小籠飽皮夠薄, 但係肉汁唔多。

窩貼不過不失, 如果多d肉汁更好。

豆沙窩餅唔太甜, 幾好, 可惜皮稍厚。

一家大細o黎食o既話, 係幾好o既選擇。

環境係差d, 坐得逼同嘈, 但都叫企理。

北帝街頭的老正興,是否昔日世紀酒店地下.其中一間慕名"掛羊頭"者就不得而知,不過肯定的,就時同樣賣上海菜.午市同晚市未試過,反觀個下午茶餐,相對又幾抵吃.十五銀已有碗麵加豆漿,十二銀兩隻小籠包加窩貼.唔計質素單睇價錢,點都唔會食窮人.燻魚麵加豆漿,燻魚煙燻味不濃,魚肉乾到似魚乾.一點也不肥.小籠包外皮太厚.湯汁唔夠熱.窩貼一樣,丁點肉汁也沒有.下次下午茶時段,想吃點上海小吃,都係行多兩步去美華,再吃蘇三,才是Good afternoon.

上海老正興飯店餐單提供滬菜, 上海, 粉麵, 米線, 中菜館等推介美食位於土瓜灣區，餐廳座位數未知人均消費約$50以下，結賬可以用現金。

您對於土瓜灣餐廳「上海老正興飯店」有何 comment？

上海老正興飯店餐廳詳細資料：

• 上海老正興飯店地址:
  土瓜灣北帝街22號地下
  Shanghai Lo Ching Hing Restaurant, G/ F,22 Pak Tai Street, To Kwa Wan
• 上海老正興飯店電話:  
• 上海老正興飯店價錢: $50以下
• 分類: 滬菜, 上海, 粉麵, 米線, 中菜館
• 座位: 未知
• 付款: 現金
• FB專頁: 上海老正興飯店 Facebook

更多上海老正興飯店相關資料:

• 上海老正興飯店分店
• Youtube
• Facebook
• Twitter
• Google