德記茶餐廳 南丫島

德記茶餐廳 評價 相片

嗰啲招牌菜實在非常好食，我同我啲friend一齊去食，值得一試！特別係雞翼和薯條雞翼外脆內軟，吃得出薯條炸的油不是千年油。

紅豆冰既紅豆係優質嘅，甜而不膩，西多不會像其他餐廳太甜，比例剛剛好。

公司三文治🥪ge配搭十分夾，用心做的食物永遠好食既。

收銀員服務態度良好，很好吃的餐廳🍴。

看到水巴位的衛生是整潔的，餐廳是非常衛生。

係茶餐廳中嘅代表ge 代表啊食完一定會一試難忘希望你哋可以食到充滿幸福ge食物

南丫島除左食海鮮、豆腐花出名，呢間茶餐廳都叫島上有名氣😃難得入到黎，又唔想比D海鮮餐廳劏，就去左呢間試試！ 👌乾炒牛河 $42炒得好有鍋氣～咸度岩岩好～料好多，牛肉都好腍！食落都唔油膩，雖然食完成個碟都油luplup🤭哈哈～但食得乾炒牛河就唔能夠厭佢肥😊邪惡既食物就係好食既！.💁🏻‍♀️辣椒醬 免費加料唔知大家食乾炒牛河會唔會落橙紅色個隻辣椒醬？Bubu問員工有無辣椒醬既時候，佢就係出餐個位拎左個辣椒醬（茶餐廳平時一個鐵兜裝糖個種）比Bubu😯仲話bubu識野叫辣椒醬🤭～ 打開蓋就好香，bubu畢左一羹，撈埋河粉😋～有少少辣味，同時又好香D蝦米個D味～果然好惹味👍～食食下個員工就問bubu仲要唔要辣椒醬，bubu就話唔洗😯～員工就拎左去第2枱比其他客～interesting～成間店得一個？睇黎係限量波～哈哈～如果大家難得入到黎食就記得配埋佢既辣椒醬;).🙅🏻‍♀️沙嗲牛出前一丁 $26員工推介😯～可惜bubu唔推介😭～沙嗲一D都唔濃郁😣，叫左出前一丁底，硬度係適中，但佢竟然落左麻油😫oh my gosh！麻油既香味重過沙嗲味～Oh～no~ 成個面就fail左🙊🙊😭bubu接受唔到麻油溝沙嗲😫 希望師傅係錯手落錯左😐.💁🏻‍♀️滋味炸雞翼 $24等左好耐，野食都差唔多食晒既時候先上枱 ~ 好彩佢一上枱見住佢脹卜卜🤭，食一啖係熱辣辣😁! 原來佢係即叫即炸~ 即刻彌補到bubu個一丁 🥺~ 味就有少少咸味~即叫即炸即食，點都唔會輸~ 推介~ 👍

第一次來南丫島，從索罟灣行到過來已經肚餓非常，腦袋已經太累無能量思考，隨便挑了一間茶餐廳吃個午飯。

點了個招牌紅豆冰（我很愛紅豆冰，但還沒試到好味到哇然的紅豆冰），真係粒粒的紅豆，好像是整堆紅豆結左冰才加奶和水的。

口感不錯，但味道還欠了些。

主菜是腸仔五香肉丁出前一丁，正當不過不失。

發現南丫島的居民都係唔戴口罩的，唔知點解呢。

🤔🤔

藉著假期，到南丫島走走，從榕樹灣落船，向著索罟灣方向行。

行到德記茶餐廳，見有6個人排隊，我們也跟著排。

典型的茶餐廳，細細的，重要的菜式貼在牆上，我們揀了星洲炒米及公司三文治，午餐包熱飲一杯。

星洲炒米看落唔錯，配料多，有火煺丶蝦丶青椒丶紅椒丶洋蔥及蛋。

米粉炒得乾身，不過油和硬，啱啱好！加埋咖哩粉，微辣兼香口，好快俾我地KO曬。

😋😋😋公司三文治有特色，有生菜和蕃茄，夾著午餐肉丶豬排及炒蛋，多士烘得香脆，食落口感豐富，好味，絶對值得推薦。

👍🏻👍🏻👍🏻

南丫島行山前冇咩要求，想求其一間茶餐廳醫肚，於是隨便入左間睇落幾多人既食店，坐左陣先發現客人大部分係原居民，遊客唔多，即時有少少期待。

雞扒出前一丁 ($30)食丁麵最緊要係唔可以太淋，呢度煮既時間岩岩好，僅僅熟仲有少少麵餅既形狀就上碟，雞扒亦煎得幾香。

腸仔雞翼出前一丁 ($35)本來好有興趣叫個薯條雞翼餐，但中午又唔想咁熱氣，退而求其次叫個冇寫明煮法既雞翼餐，驚喜地發現有三隻炸雞翼！ 雞翼新鮮炸起都唔會好油，夠熱夠脆好入味，冇得輸。

德記茶餐廳餐單提供港式, 咪嘥嘢食店等推介美食位於南丫島區，餐廳座位數未知人均消費約$50以下，結賬可以用現金，Booking訂位可以電話致電 29822987 查詢。

您對於南丫島餐廳「德記茶餐廳」有何 comment？

德記茶餐廳餐廳詳細資料：

• 德記茶餐廳地址:
  南丫島榕树灣後街16號
  德記茶餐廳, 16 Yung Shue Wan Back Street, Lamma Island
• 德記茶餐廳電話: 29822987
• 德記茶餐廳價錢: $50以下
• 分類: 港式, 咪嘥嘢食店
• 座位: 未知
• 付款: 現金
• FB專頁: 德記茶餐廳 Facebook

更多德記茶餐廳相關資料:

• 德記茶餐廳分店
• Youtube
• Facebook
• Twitter
• Google