走鬼檔四川麻辣 元朗

走鬼檔四川麻辣 評價 相片

今晚外賣回家，諗住有靚靚宵夜食。

叫左一碗小辣酸辣粉，點知令人好失望，係一個失望又要空肚既晚上。

酸辣粉，固然要又酸又辣。

穩陣起叫左小辣，真係好難食，好淡，唔酸又唔辣。

完全連譚仔10小辣都無。

湯底唔期望係雞湯/高湯，但好似清水咁淡...唯一可取係送左幾片娃娃菜...但由於太難食，成碗扔左落垃圾桶！係呢個飲食業冰河時期，想支持小店，但小店食物質素咁樣，真係令人非常失望。

呢間鋪頭主打「川辣」食品，然而湯底如此失手。

唯有再幫襯唔會再食酸辣野，食下炸物，可能更好！願店主見到我既意見並改進！真心，唔好食

平時成日經過 今日終於試到姐姐有推介 不過我就嗌左撈薯粉手撕雞 平時撈薯粉會黏埋一注呢間個餅薯粉撈一撈底個d汁就鬆左酸菜同黃豆都好味既 嗌左小辣係正常辣度 個人覺得都幾好食 😋大家可以一試呀

呢日唔洗返工, 一條友喺屋企hea爆。

連晚餐(其實已到宵夜時間)都係等男友放學返來買畀我食。

早排見大坑渠附近有間賣四川食品嘅外賣店開左,一直都未試過, 一於就叫男友買返來畀我試下食物主要分左炸物, 手抓餅同酸辣/涼拌粉類。

我地叫左泡椒無骨鳳爪, 招牌自製重慶小雲吞,同埋豬耳薄千張涼拌涼粉。

本來我想試招牌"真"手撕雞的,但已賣晒好豐富泡椒無骨鳳爪 ($33)Errr.. 其實我以前未食過泡椒嘅野,所以冇得比較,但呢個其實我唔係好feel到有辣味,係酸酸的~ 好開胃~鳳爪都已去晒骨, 可以一啖就啪入口, 啖啖肉~面頭仲有芫茜, 特別香~(如果唔中意食嘅人記得叫佢走喇)最底係切到好幼嘅青瓜絲,吸晒d酸汁, 豬耳薄千張涼拌涼粉 ($37)其實本身個粉底係$25, 我加左豬耳$7, 同薄千張$5,所以係$37。

呢個好食! 夠大碗!我當正餐食都夠飽!酸味十足~ 岩晒我!我叫小辣, 唔太辣, 可以下次試叫中辣~涼粉上面有d毛豆, 炸黃豆同酸菜做配料~炸黃豆夠晒脆, 我好中意食~酸菜都幾酸~薄千張其實我唔太知係咩來, 食落似厚身豆皮咁~但我覺得好好食~吸晒d汁~份量都幾多! 1d都唔小家!豬耳唔洗夠一定係爽口同脆啦~佢份量都幾多~ 抵食!涼粉其實我又係之前冇食過,今次第1次食, 都唔錯~用來涼拌真係好夾~招牌自製重慶小雲吞 ($35)呢個主要係我男友食,我食左幾粒試下啦~都幾抵食, 有成十幾粒(我冇數確實幾粒)。

小雲吞個皮都幾滑~個餡都OK, 但略嫌唔夠滑~個湯(定汁?)係酸辣粉/涼拌咁~界乎中間啦~唔係麻辣, 係酸辣來~而且都幾酸下~我個人覺得OK,但男友覺得過酸,如果唔太食得酸,可以叫店主輕手D總括, 我覺得都姆好食,價錢又唔貴,我咁中意食川菜..以後一定成日食都似

之前凌晨一點左右食過一次，真係好好味，不過BB辣都好辣…之後去過五六次，9點半左右去都已經關門…………老闆你可唔可以做埋宵夜啊？？？？每次都白跑一趟…………希望以後可以開夜d

走鬼檔四川麻辣餐單提供港式, 川菜, 四川等推介美食位於元朗區，餐廳座位數未知人均消費約$50以下，結賬可以用現金。

您對於元朗餐廳「走鬼檔四川麻辣」有何 comment？

走鬼檔四川麻辣餐廳詳細資料：

• 走鬼檔四川麻辣地址:
  元朗西裕街4至12號及金輝徑1至31號金輝樓地下1號舖
  走鬼檔四川麻辣, Shop1, G/ F, Kam Fai Building,1-31 Kam Fai Path&4-12 Sai Yu Street, Yuen Long
• 走鬼檔四川麻辣電話:  
• 走鬼檔四川麻辣價錢: $50以下
• 分類: 港式, 川菜, 四川
• 座位: 未知
• 付款: 現金
• FB專頁: 走鬼檔四川麻辣 Facebook

更多走鬼檔四川麻辣相關資料:

• 走鬼檔四川麻辣分店
• Youtube
• Facebook
• Twitter
• Google