蘭香閣餐廳 元朗

蘭香閣餐廳 評價 相片

一心諗住揸車去華嫂度食早餐，點知多人到連停車場都唔使旨意入到😓...自從上次外賣要等一個鐘之後，今次掉頭即走！後尾諗住去洪水橋間西餐廳，點知去到之後發現執咗笠！😱拍低架車之後，兜咗個圈發現呢間茶餐廳，呢間原本Yuen Long都有，後尾執咗之後就成10年都冇食過！早餐有好多選擇配搭，價錢屬於中等價格，唔太平亦都唔太貴！我哋分別嗌咗牛展檬粉同埋鮮牛肉拉麵，平時食早餐邊可以揀呢兩款粉麵？所以今次有得揀就即刻揀啦！🤣湯底麻麻哋冇乜味，叉燒奄列冇咁悶，豬扒都OK！如果食普通早餐食到悶悶地可以揀...但唔好太高要求！最重要可以泊喺門口睇車！

今日星期日 第一次黎呢間食早餐 見到好多人係到食 所以都入黎試下😆😆🌧🌨我一坐底就叫左沙嗲牛肉火粉 味道正正常常 沙嗲醬夠 🙂另外配左餐包+白菌奄列+凍咖啡白菌奄列就一般般 😮下次都係食番火腿奄列 😁😁另外個餐包食唔晒 因為太飽啦而杯咖啡就唔太夠味 唔夠濃😌總括而言都合格 食物質正正常常 價錢唔貴 👍🏻不過可能因為落雨關係 店內地板有少少味道 不過影響不大呢😆呢個餐$35蚊黎講 都算抵食 食完晏就都唔洗食呀

嚟開呢頭搵食，本來想去遠近馳名嗰間奶茶王茶餐廳，但又好多人等位，終於退而求其次去咗呢間蘭香閣試下，餐廳算大間坐位有好多，是日跑馬日，呢度又喺馬會隔離所以都坐無虛席，不過等咗一陣就有位，呢度午餐$48，價錢不算太貴，座位寬闊都坐得幾舒服自己叫咗個乾炒牛肉烏冬，立立令超多油，而且都幾咸，牛肉多根難咬朋友叫咗個雙丸河，河粉係粗河粉不夠滑，牛丸同魚蛋都係極普通貨式，湯底很淡奶茶尚算香濃，但同奶茶王相比當然仍有距離，

工作去到元朗，同事帶我去呢間，因為泊到門口，可以睇車，店內似西餐廳格局，乾淨企理，餐牌茶餐廳食物為主，早餐嘅配搭好多，平時要加錢嘅回鍋肉、菠蘿油嘅食品都包！唔使等位早餐（$33）魚蛋湯河粉：以為係白魚丸，點知係炸魚丸，彈牙正常，河粉幾滑，不過易斷，湯底鹹香（雖然幾味精）白菌奄列蛋拼餐包：蛋皮較乾，白菌即係罐頭菇片，一般！甜餐包無牛油，鬆軟好味熱檸茶：夠熱茶底濃，檸檬好酸！正常同事食：回窩肉通粉：牛肉湯麵：菠蘿油：火腿奄列蛋：香煎雞扒：熱咖啡：熱奶茶：凍檸茶：店員好爽手勤快，豪爽型！早餐配搭多

今日打算同啲仔去天水圍游夜水，不如早啲出門，去洪水橋一帶搵食先⋯點知突然出住太陽都落大雨，我哋又無帶遮，見到有間餐廳就直入啦⋯⋯點知6:03仲俾我哋叫到下午茶當晚餐，三十幾蚊連飲品，好抵食呀！豉油皇豬扒炒麵好夠鑊氣，豬扒夠淋，不錯！揚州炒飯賣相炒得好靚，粒粒分明，但入口完全無味嘅？阿姐亦馬上攞入廚房加鹽翻炒⋯但仍然無味⋯最後我哋再用餐枱嘅鹽，依然幫助不大⋯係啲鹽唔咸？諗極都唔明上海炒粗單看顏色就知道當然不及去上海菜館吃到的惹味及好吃了，但這裡仍算是足料，小兒子還是喜歡吃⋯

蘭香閣餐廳餐單提供港式, 茶餐廳, 冰室, 咪嘥嘢食店等推介美食位於元朗區，餐廳座位數50人均消費約$50以下，結賬可以用現金，Booking訂位可以電話致電 28988387 查詢。

您對於元朗餐廳「蘭香閣餐廳」有何 comment？

蘭香閣餐廳餐廳詳細資料：

• 蘭香閣餐廳地址:
  元朗洪水橋洪堤路雅珊園商場地下
  Lan Heung Kwok restaurant, G/ F, Aster Court, Hung Tai Road, Hung Shui Kiu, Yuen Long
• 蘭香閣餐廳電話: 28988387
• 蘭香閣餐廳價錢: $50以下
• 分類: 港式, 茶餐廳, 冰室, 咪嘥嘢食店
• 座位: 50
• 付款: 現金
• FB專頁: 蘭香閣餐廳 Facebook

更多蘭香閣餐廳相關資料:

• 蘭香閣餐廳分店
• Youtube
• Facebook
• Twitter
• Google