泰.夯蝦 元朗
最後更新:
泰.夯蝦推介
提供兩小時任食曼谷流水蝦，客人可在座位旁的水缸中夾活蝦，再直接放上爐上炭燒，客人可按個人口味加入調味料。餐廳亦提供其他海鮮、熟食等，如扇貝、蟹、炒飯等。餐廳設有午市及晚市任食。
元朗泰.夯蝦
| 餐廳分店 | 泰.夯蝦 |
|---|---|
| 地區 | 元朗 |
| 電話訂位 | 65762487 |
| 餐單 Menu | 泰國菜 |
| 人氣指數 | 835 |
| 價錢幾錢 | $201-400 |
泰.夯蝦訂位位於元朗區，詳細地址是元朗新田村路300號新田購物城地下F8-F11號舖，餐廳寬敞座位數目共有未知幾多個。泰.夯蝦幾錢？價錢優惠後人均消費大約$201-400埋單，早餐午餐晚餐泰.夯蝦餐單包括有泰國菜等美食，付款方式有現金付款，Booking網上訂位可以電話致電 65762487 查詢訂座。
泰.夯蝦優惠
泰.夯蝦 評價 相片
任食泰式流水蝦，個人坐係個水缸側邊即夾即食，聽到都爽自助形式包括：任食大頭蝦（可以自己夾或者叫店員夾俾你）其他燒烤材料，如蔬菜、串燒、腸仔等等飲品，如茶包、可樂自助醬料，好多唔識既泰國醬汁但幾好味突發派送海鮮，如蟹、扇貝、蜆一行4人去食，2男2女，諗住主攻食蝦，但結果係唔夠飽既話明流水蝦梗係貪得意自己夾啦，夾完隻蝦要冰暈佢，剪走啲鬚再燒但你睇下相都見到個爐係超細🙃而火又有啲弱雞一隻蝦又有頭有殼，其實都燒幾耐先熟，仲要限時2小時而且有兩個男人食量較大，最後要排到蝦貼蝦咁燒再加啲快熟既肉另外佢間中有派啲海鮮，貝類係幾新鮮好食，但蟹真係好麻麻，因為個爐已經燒左好耐蝦，個網滿佈左燒乾左既鹽放啲切開左既蟹上去燒，真係鹹到無曬味蕾🤢不過如果唔係爭爐用，其實食物質素同性價比係可以既 🌸總結：之後果次我地兩個人去食，兩個人用一個爐岩岩好，慢慢燒夠飽又唔怕夠鐘，所以我覺得呢間餐廳只岩兩個人去食，三個人上限，四個人不了（如果佢肯開多個爐俾你除外)
非常失望既體驗！我打電話訂位8點，元朗太塞車，大約8點半先到，一開始你哋有員工黎fill左第一轉蝦，之後好快就有坐其他枱嘅客人(佢哋係坐出面的）黎我到夾哂d蝦，之後我就同你哋員工講，佢再幫我fill 左，其實呢次蝦的數量已經唔多，得10隻，咁我同我女朋友就繼續燒其他食物啦，我見你哋 新貼左張紙話20分鐘會fill一轉蝦 我都廢事吹你地，咁我哋食完第一轉，30分鐘都未fill,我就再向你哋女同事要求加蝦(第二轉),之後我哋再燒 送既海鮮(d蟹 係唔新鮮,蟹肉係莓既)都唔緊要啦反正係送嘅，呢度主打係任食蝦 呀嗎，其實之前我都嚟咗呢度幫襯好多次，位置遠都唔緊要，估唔到 今次竟然係得兩轉 蝦可以食，到九點幾十點 我叫你地女同事幫我加蝦(第三轉) 佢竟然同我講話已經冇晒蝦了，我行出去同收銀同事講...佢最後佢係俾85折我 退錢俾我，我當然係唔會收啦，唔係錢嘅問題！我山長水遠都係諗住入嚟食飯 食蝦、同女朋友開開心心、原來係會食唔飽 就走？我真係好想問 點解唔係我入座 嘅時候同我講今晚唔夠蝦呢？俾啲心理準備我都好，之前每次都係滿載而歸，但係今次我真係好失望！
上網見到好多正評，咁我地一家人都好滿心歡喜咁去，諗住有得食有得玩，好岩一家大細去~ 輕輕鬆鬆開開心心玩一個下午!先講佢收費~佢下午1點到4點，任食2.5個鐘，每位238，15歲以下1小童以及長者收費198，價錢都算幾合理。
夜晚貴小小而且時間就短D!入到場就先比錢，佢就帶你入座，我地一行10人，分左兩張台，坐係個蝦缸隔離，個蝦缸係我地兩張台中間，佢先倒左一盤蝦入蝦缸。
我目測就大概倒左十幾隻，同我地簡單解釋點整，佢之後我地講左聲，話食晒叫佢地，佢地會再幫我地加，咁我見佢地主動咁講，咁我地先坐低，行一個圈睇睇有D咩。
去到呢度感覺都幾好。
首先，飲品都好夠嘅，有汽水，紙包，仲有MR JUIXX 橙同蘋果汁，都有十幾款左右，唔錯啦。
再睇睇BBQ類有咩食，都有十幾款，主要係腸，午餐肉，獅子狗，串燒，仲有幾款菇菜類，睇完覺得唔吸引，再加上除一款中華沙津外唯一一款可以即食的熟食之外，就完全冇熟食(後來兩點幾佢就出左一個雜菜湯，就完成冇喇) ，所以都係諗住拎盒野飲就燒蝦食先。
本身諗住佢有機會晏少少會出幾款熟食.點知真係全程冇….咁我地首輪就專心燒蝦，再燒幾串串燒食下，慢慢燒，一人食左一隻，小朋友就食多一隻咁上下，見D蝦冇晒，就叫佢地黎加，佢地話加蝦果位員工去左洗手間，轉頭幫我地加，咁等左5,6分鐘左右佢就幫我地加，咁大概都係倒左十幾隻，我地就問可唔可以加多少少，因為我地有10個人，一人一隻就冇，但佢就話十幾隻都夠啦，叫我地食住先…食完先再加.. 好，咁我地就食住先啦。
佢中途每張台有送一碟沙白，大約20粒左右。
我地見佢出面BBQ食物唔係好吸引，所以呢轉就只燒蝦，我地分別兩張台兩個爐，每邊就係放到56隻左右嘅蝦係度燒，燒完又係一人一至兩隻就冇晒…之後我地又叫佢地加…佢又同樣地話加蝦果位同事出左去，今次係去左食煙，轉頭幫我地加…但今次佢唔記得左，要我地再摧先加…前前後後都等左10分鐘左右，佢今次又係加得十幾隻…我地今次都唔要求佢地加多D，諗住食完就叫佢地加。
加第工次，佢又同樣話個同事行開左…到加蝦果位同事番黎幫我地加嘅時候已經黑晒面咁加… 最後我地就係總共食左4轉,,, 每人食到5,6隻蝦啦，但係個問題係時間已經差唔多夠… 咁就兩個半鐘，好彩我地中間都有食下其他BBQ食物，如果唔係其實真係會唔夠飽….我自己就食左一粒墨丸，半塊午餐肉，兩塊牛肉，幾粒沙白同埋少少中華沙津。
最後講下自己感覺，我覺得十分一般，去到最尾見到佢地黑晒面咁不情願咁加蝦我仲有DD嬲…一黎佢地態度唔好，二黎佢地咁標榜任食，但加蝦真係加得好肉酸…令人感覺唔好，三黎，其實係我之前見到食評同有D網上ARTICLE，話佢除左蝦之外，都有二三十款食物供應，但….真係完全冇咁滯…你睇相你就會明…當然我地唔係話要食十打八打，但都唔係咁樣拖下時間…令到客人冇時間食，而且黑住面咁加，你有其他食物比人揀，兼下食D都好D，但係又冇…咁我就當然繼續食蝦啦…但蝦又唔加…不過最後啦…我會讚一讚番，佢D蝦都係隻隻都生猛同幾好味的! 小小建議，兩至三人去應該係最好，多人就真係唔建議!
員工同老闆態度很nice海鮮好新鮮 食物真心幾好幾高質 氣氛都好好 同朋友傾計好地方都會定時派海鮮同埋加返蝦真心正 整體滿意👍🏻👍🏻👍🏻下次一定再去 三百蚊真係回本
之前在Fcaebook留意到這家新開的流水蝦，大家的評價都很不錯，加上我真的很喜歡吃海鮮😂，所以上星期也來嘗試一下。
一入座就有型格香港先生幫忙開爐，教我們燒流水蝦的方法。
要先夾起水箱內的活蝦，再放入冰筒內凍暈，沾上粗鹽，再放在爐上燒。
不得不讚這裡的蝦真的好新鮮，而且又大隻，啖啖肉。
我第一次喺任食的燒烤店食到咁新鮮彈牙的蝦，蝦頭內還有金黃色的蝦膏，再沾上泰式青醬、辣椒蒜蓉真係好惹味！如果配上一次性手套就更方便衛生啦。
期間老細亦分發了蜆、扇貝和蟹，每樣海鮮都好鮮甜，蟹和扇貝的份量再多點就更開心啦除了蝦和海鮮，外面有各種肉類、蔬菜、炒飯、甜品、飲料。
連炒飯都好好食，真係好有誠意。
燒菠蘿好甜，就算自己燒都可以燒到好似出邊串燒店咁好食。
最後品嚐了這裡的雪糕，香港製造，我覺得袋裝的雪糕質感比盒裝的更好，尤其係榴槤味，好香好軟好滑。
我們由八點半食到十一點幾，這裡的老細也沒有催促，食得好滿足哦～除了食物高質，服務也很好，老細會走嚟同你傾下計，好好笑容。
呢個價錢食到咁既質素，真係好抵，相比起市區的放題，呢度食物成本應該好高，祝生意蒸蒸日上啦！唯一缺點就係太遠，唔係住大西北的朋友真係難啲入黎。
😂但真係好正，回味無窮，一定會再幫襯的，希望可以一直Keep住這樣的質素和服務啦！
泰.夯蝦餐單提供泰國菜等推介美食位於元朗區，餐廳座位數未知人均消費約$201-400，結賬可以用現金，Booking訂位可以電話致電 65762487 查詢。
您對於元朗餐廳「泰.夯蝦」有何 comment？
泰.夯蝦餐廳詳細資料：
- 泰.夯蝦地址: 元朗新田村路300號新田購物城地下F8-F11號舖 Thai BBQShrimp, Shop F8- F11, G/ F, The Boxes,300 San Tin Tsuen Road, Yuen Long
- 泰.夯蝦電話: 65762487
- 泰.夯蝦價錢: $201-400
- 分類: 泰國菜
- 座位: 未知
- 付款: 現金
- FB專頁: 泰.夯蝦 Facebook
更多泰.夯蝦相關資料:
香港餐廳2026推介8月