新田茶餐廳小廚 元朗
最後更新:
新田茶餐廳小廚推介
下午一個人買咗個外賣，呢間餐廳其實已經好耐，呢一區嘅人通常都會係呢間餐廳食嘢，味道唔錯，今日買咗個午餐50幾蚊唔算好貴，最重要嘅係佢哋嘅服務態度其實不錯只不過做街坊生意說話嘅時候比較粗魯，但其實我真心覺得好正嘅，其實同佢已經開咗好多間茶餐廳了，但多數人都喺度食係有佢嘅原因！大家可以試吓
元朗新田茶餐廳小廚
| 餐廳分店 | 新田茶餐廳小廚 |
|---|---|
| 地區 | 元朗 |
| 電話訂位 | 24719668 |
| 餐單 Menu | 港式, 茶餐廳, 冰室 |
| 人氣指數 | 907 |
| 價錢幾錢 | $50以下 |
新田茶餐廳小廚訂位位於元朗區，詳細地址是元朗青山公路新田段(新田大馬路)1-2號地下，餐廳寬敞座位數目共有未知幾多個。新田茶餐廳小廚幾錢？價錢優惠後人均消費大約$50以下埋單，早餐午餐晚餐新田茶餐廳小廚餐單包括有港式, 茶餐廳, 冰室等美食，付款方式有現金付款，Booking網上訂位可以電話致電 24719668 查詢訂座。
新田茶餐廳小廚優惠
新田茶餐廳小廚 評價 相片
下午一個人買咗個外賣，呢間餐廳其實已經好耐，呢一區嘅人通常都會係呢間餐廳食嘢，味道唔錯，今日買咗個午餐50幾蚊唔算好貴，最重要嘅係佢哋嘅服務態度其實不錯只不過做街坊生意說話嘅時候比較粗魯，但其實我真心覺得好正嘅，其實同佢已經開咗好多間茶餐廳了，但多數人都喺度食係有佢嘅原因！大家可以試吓
是日因為工作關係再有機會到此午餐，還記得上年3月尾果陣帶幼童軍在附近小學球場進行露營活動，最後一天負責人就訂咗呢間店的飯盒，我幫手俾錢時發現原來佢地係用私家車送外賣😱😱今次我帶咗旅遊巴司機和同事仔來，原本想試吓去新田購物城，點知今日因為有活動唔俾泊車，旅遊巴泊在文天祥公園就行過去午餐~~~今次同事仔點咗欖菜肉鬆炒四季豆~~~司機叔叔就點咗炸菜蒸鯇魚，個司機叔叔大讚不錯，仲叫埋另外兩個同公司的司機叔叔來開餐~~~今次我要主動問阿姐先至有湯飲~~~而我就點咗快餐A的茄汁豬扒火腿飯，幾大份，估唔到有我唔太喜歡的雜豆，所以我都係食唔晒每次來呢間店食午餐都覺得好大份，今明兩日同事都在附近工作，原來被安排在米埔村工作的同事都係訂呢間店的外賣，估唔到呢間店的外賣服務咁專業可以送去咁遠
肥師奶夜收工 唔得閒煮飯比肥先生食快快趣趣搵間茶記醫下肚呢間茶餐廳平時都有食開貪佢夠就腳又開得夜最緊要係碟碟都夠鑊氣今晚叫左2個小菜尖椒炒豬頸肉豬頸肉爽口 冇”蘇”味有時最怕入口一陣味 值得加分尖椒略嫌唔夠辣但勝在豆豉椒絲落得夠足好惹味西檸雞柳就爭少少個皮唔夠脆入口大啖肥膏成件事好油呢個就冇下次喇但平時食開啲炒粉麵飯都唔錯住開呢頭既過黎試下都幾好最方便係可以八達通比錢 又近小巴/巴士站
在工作中醫肚，去嘅地方唔多，地方所限！我唔會挑剔！去到邊食到邊！正面唸亦會去平時去唔到嘅地方開下眼界！今日呢間食店！茶餐廳格局，店外面有桌椅！方便大家呼吸！我哋亦好少坐入面！因為唔知點解，店內濕氣好重！氣味好怪！而家天氣唔熱，坐外面仲舒服！不過出面都係馬路！但唔會大塵！大車經過會嘈啲！當我哋行到店外！我聞到一陣好香嘅鹹魚味！坐低問店員阿姐！佢話剛剛炸緊鹹魚！我即刻叫個「鹹魚雞粒炒飯」，同同事叫個「越式炒河」分享食（又可以試多一樣）食物好快到！先講新鮮炸起鹹魚粒炒出來嘅飯！飯粒夠鬆，乾身唔硬，鹹魚粒係有姆指指甲咁大，唔係平時鹹魚碎，新鮮炸起外皮仲脆，微鹹，送飯一流，雞粒淋身唔嚡，如果可以多啲菜絲，增加爽口口感就更好！再來越式炒河，材料好多，其實似星洲炒米嘅材料，炒蛋叉燒火腿洋蔥芽菜之類，即炒夠鑊氣，河炒炒得散唔會斷，而且幾滑，中間夾雜啲辣椒皮，味道微辣（同事試食塊炒蛋話好辣）我覺得剛剛好！幾特色！唔錯！餐飲熱檸水正常！夠熱唔澀！服務就有個別店員比較粗糙，落單女店員好nice,又爽手！但其中一個阿姐上菜，同事叫雞髀加兩份薯條（因為一個茶餐配兩款小食）阿姐上菜時見到係雞髀配薯條西多，同事咪同阿姐講：「我係雞髀薯條呀！」阿姐拎走唔夠半分鐘就拎返來！只係夾走件西多，薯條份量都無多度（好明顯係夾走再掃平啲薯條就算）同事咪即興（正常都會喇）話：「咁叫兩份薯條？」個阿姐仲精景，答：「係呀！都係咁上下咋！」同事咪話：「咁你比番件西多我喇！」個阿姐可以當聽唔到走咗去！（同事把聲唔細！阿姐一定會聽到）同事正想入去店內搵人處理！個落單醒目阿姐已經即刻出手！話正話份餐係上錯了！（唔知真定假喇）之後再拎份似兩份薯條嘅茶餐出來！件事情平息了！講真同事只係比個阿姐處理件事情態度激親！唔係想攪事！食個下午茶啫！（攪事唔怕比人加料咩）醒目阿姐比埋茄汁！一個人可以令餐飯失色不少！亦令間餐廳失分不少！（服務分兩分係比醒目嗰個店員的）講真純計食物水準，呢度嘅炒粉麵飯好味，但一餐飯除了食物，仲有環境、服務同衛生，呢幾樣呢間食店都要改善下！（所以只可以比OK)廁所就無去過，因為好近餐廳就有個大公廁（講真而家公廁水準好過有嘢餐廳，又大又乾淨）
現在經常駒車前往落馬洲. 新田, 古洞的食肆, 是我的新target, 決定係食早餐呢一個時段, 盡量尋找, 品味呢一D公路茶餐廳. 而今次就黎到關口附近的新田郵局. 一找, 便找到4間茶餐廳, 1間貨場飯堂. 首當其衝的, 是九記停車場旁的九記棧. 呢一次就拜訪新田郵局隔離, 打正新田牌既新田茶餐廳.地方雖然在大馬路旁, 但係有少少優雅. 種了幾盆風水樹仔亦正好把大貨車的灰塵隔一隔. 陽光普照之下, 我點了一個豬扒麵併火腿. 坐在室外, 享受一下鄉郊的風味. 奶茶, 非常creamy, 奶味香, 茶味濃而滑. 一個工作天的早上. 要口感滑而香, 要提提神醒醒腦. 奶茶絕對不能少, 一杯好既奶茶更加醒腦提神.豬扒麵併火腿, 先來的只是火腿公仔麵一個. 一上檯, 姐仔連忙說, 仲有豬扒架, 另上. 而我就等一下, 一塊香香的免切豬扒到來. 而我第一時間, 便是把豬扒放進麵湯內浸一浸. 香煎的豬扒, 夠腍, 醃得味道夠, 若是再煎香多一點, 味道更加好. 麵底就是普通的光身麵, 火腿也是那樣子. 沒什麼特別.吃罷早餐, 到郵局辦完事, 再泊好部車, 又要開始忙碌的一天.
新田茶餐廳小廚餐單提供港式, 茶餐廳, 冰室等推介美食位於元朗區，餐廳座位數未知人均消費約$50以下，結賬可以用現金，Booking訂位可以電話致電 24719668 查詢。
您對於元朗餐廳「新田茶餐廳小廚」有何 comment？
新田茶餐廳小廚餐廳詳細資料：
- 新田茶餐廳小廚地址: 元朗青山公路新田段(新田大馬路)1-2號地下 新田茶餐廳小廚, G/ F,1-2 Castle Peak Road( San Tin), Yuen Long
- 新田茶餐廳小廚電話: 24719668
- 新田茶餐廳小廚價錢: $50以下
- 分類: 港式, 茶餐廳, 冰室
- 座位: 未知
- 付款: 現金
- FB專頁: 新田茶餐廳小廚 Facebook
更多新田茶餐廳小廚相關資料:
香港餐廳2026推介9月